طريقة عمل لقمة القاضى او الزلابيا

السلام عليكم ورحمة الله وبركاته ،،،،،
النهارده هاقولكوا طريقة عمل لقمة القاضى الزلابيا ويارب تعجبكوا انا عن نفسى بعملها وبتطلع معايا جميله جدا
وبالف هنا وشفا اللى هايعملها بس متنسونيش بالدعاء

المقادير : 1/2 ك دقيق 1/4 كوب كورن فلاور ( نشا )
معلقه كبيره خميره ذرة ملح 1/2 معلقة صغيره سكر
2معلقه زيت 1/2 كوب ماء دافىء
شربات تقيل


الطريقه : * نضيف على الماء الدافىء معلقة دقيق والخميره وذرة الملح والسكر ونتركه لمدة ساعه فى مكان دافىء ونغطيه جيدا
* بعد تخمير الخليط السابق نضيف عليه بقية الدقيق والكورن فلور ( النشا )ومعلقة الزيت ( ملحوظه العجين سوف يكون سائلا نوعا ما )
*يتم تقطيع لقمة القاضى بمعلقه صغيرة ( معلقة شاى ) بعد وضع المعلقه فى الزيت ( ملحوظه نضغط على العجين بايدينا ونقطع بالمعلقه ) ونضعها فى زيت غزير للقلى يجب ان يكون الزيت سخنا
* نضع لقمة القاضى بعد قليها فى الشربات الثقيل والشربات يجب ان يكون باردا ونصفيها بعد ذلك
يارب كل اعضاء المنتدى يجربوها وان شاء الله هتعجبكوا

السلام عليكم و رحمة الله و بركاته


يم يم يم ... واو ... أنا متأكده انها حتكون لذيذة يا كوكي لأني أكلت من إيدك كتير و عارفه انتي أد إيه ست بيت شاطره خاصة في المطبخ

تسلم ايدك مقدما .

و ربنا يا رب يحقق لك كل أمنياتك عن قريب ... انه قريب سميع مجيب الدعوات .

و منتظرين الجديد ...

8) 8)8)8)8)8)8)8)8)8)8)8)8)8)