مدينه 15 مايو
اسره منتدى 15 مايو ترحب بجميع الزوار ووقت ممتع على صفحاتنا
مدينه 15 مايو
اسره منتدى 15 مايو ترحب بجميع الزوار ووقت ممتع على صفحاتنا
مدينه 15 مايو
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مدينه 15 مايو


 
الرئيسيةأحدث الصورالتسجيلدخول

مدينه 15 مايو :: مــــايـــو عــراقــة الــتــاريــخ :: 乂♥乂وثــائـق تــاريــخــيـة مــنــوعــة乂♥乂
 

 لماذا ...... مصر

اذهب الى الأسفل 
4 مشترك
كاتب الموضوعرسالة
abdrazak303
مايو جديد
مايو جديد



ذكر عدد الرسائل : 27
تاريخ التسجيل : 18/07/2010

لماذا ...... مصر Empty
مُساهمةموضوع: لماذا ...... مصر   لماذا ...... مصر Icon_minitimeالخميس 05 أغسطس 2010, 2:15 pm
مصر .. أو كما يطلق عليها ” أرض الحضارات ” في تاريخ الإنسانية ، لها معالمها الحضارية المتميزة والثروة المعرفية الضخمة – طوال سبعة آلاف سنة من عمر الزمن – التي مكنتها من السيادة والتفوق والريادة دائماً في العلوم والفنون والثقافة والعمارة وفي جميع مجالات الإنسانية ، لقد كانت لمصر دائماً خصوصيتها التي تنفرد بها علي كل الحضارات والأمم ،وهي تعتبر أقدم دولة في العالم لها كيان مجتمعي واحد بحدوده الجغرافية الحالية ، فقد أطلق أسم مصر علي المنطقة التي تضم حوض النيل الأدنى أي المنطقة الممتدة من النوبة جنوباً حتى البحر المتوسط شمالاً ، ومن البحر الأحمر شرقاً حتى الأراضي الليبية غرباً .. وهذه المنطقة كانت مشوار نهر النيل الذي بدأ مسيرته من قلب أفريقيا من منطقة البحيرات العظمى حتى يصل إلى قلب السودان الشمالي حيث تتدفق في شريانه الرئيسي مياه الروافد الحبشية التي استمدت مياها من الأمطار ، ثم يبدأ النهر في الاستقرار بعد أن يجتاز منطقة الجنادل جنوب أسوان ، ويستمر كذلك إلي أن يبلغ مصبيه علي البحر المتوسط ، ومصر من المناطق القليلة في العالم التي حافظت علي أسمها طوال مراحل تاريخها أي أن أسم مصر ظل علماً علي هذه المنطقة دون تغيير .. ولكن كيف أطلق أسم مصر ؟هناك آراء متعددة منها ما قاله العرب من أن هذه المنطقة سميت بإسم مصر قبل الطوفان ” طوفان نوح ” عندما نزلها نقراوس بن مصرايم بن مركابيل بن روابيل بن غرياب بن آدم عليه السلام وقد أسماها نقراوس علي أسم أبيه ” مصرايم ” تكريماً له وتعبيراً عن تقديره وحبه له ، يري آخرون أنها سميت بهذا الاسم نسبة إلي مصر بن بنصر بن حام بن نوح الذي نزلها بعد الطوفان , ويري آخرون أن مصر لفظ اطلقة العرب لكثرة الخير والنماء وايضا الحضارة التى كانت تشعها تلك البقعة على كل من حولها ولنا فى قصة سيدنا يوسف خير دليل وبرهان على ذلك . [/align][align=center]

وقد عرفت مصر في العهد الفرعوني بأسماء منها ” كيمبيت ” وتعني الأرض السوداء وتمييزاً لها عن الأراضي الصحراوية الصفراء والجبلية الحمراء “وثيميرا” أو “ثامير” وتعني أيضاً الأرض السمراء الخصبة ، ومن الأسماء التي أطلقت علي مصر وعلي مدينة ممفيس “هيكو بتاح” أو “كوبتاح” أي قصر أو منزل أو أرض الإله بتاح ومن هذه الكلمة أشتق اليونانيون Aigyptus ومنها اشتق اسم مصر الحالي Egypt
ويقال فأن كلمة Egypt بالانجليزية مأخوذة من اسم مصر قديما بالقبطية و هي مزيج من اليونانية و الهيروغليفية و اسم مصر قديما كان مكون من ثلاثة مقاطع ها - كا - بتاح ha - ka - ptah

بمعنى روح - الآله - بتاح .

و الآله بتاح في الحضارة الفرعونية كان آله الحرف و الصناعة و الفنون و هو ما أشتهرت به مصرنا الحبيبة و لهذا سميت

بمسكن روح الآله بتاح و في اللغة القبطية سميت hakaptah .

مع أنتشار اللغة اليونانية في العالم كله تحولت hakaptah في اللغة القبطية الى egapthah باليونانية و منها
تحولت الى أيجيبتوس egyptos في اليونانية الحديثة و منها جاءت كلمة أيجيبت egypt في الانجليزية .

و لهذا سمي أهل مصر بالاقباط نسبة لبلدهم ها - كا - بتاح . و لما أحتل العرب مصر أطلقوا على أهلها لقب :-

( قبط ) و هي تعريب ها - كا - بتاح .
وثقال أيضا أن أصل كلمة مصر فهى كانت فى القدم تسمى أيجوبت وتعنى أرض النار ولكن مع تقدم العصور سميت Egypt

وكلمة مصر لغة تعني البلاد التي علي الحدود ، البلاد الوفيرة الخيرات وتعني الحضر .. لقد سميت مصر لأنها كل ذلك بل والأكثر من ذلك أنها البلد والأرض التي جاء ذكرها في القرآن الكريم .

يقول الدكتور جمال حمدان في كتابه “شخصية مصر” تنفرد مصر بين العرب ولكن موقعها الجغرافي يأتي ليمنحها المزيد من التفرد وأبرز ما في هذا الموقع أنه كالقلب من الجسم ، وواسطة العقد ، وهمزة الوصل بين آسيا العربية وأفريقيا العربية وكما قال الغازي الشهير نابليون بونابارت عندما قاد الحملة الفرنسية على مصر ( مصر هي قلب الكرة الأرضية من إحتلها سيطر على العالم كله ) .

وإذا كان المتفق عليه أن مصر جزء من المشرق العربي وإذا كان البعض رآها تجمع ما بين المشرق والمغرب فإنها هي التي قدمت المغرب العربي إلي المشرق تاريخياً وجغرافياً

منقول

=indigo]][/size]
الرجوع الى أعلى الصفحة اذهب الى الأسفل
lola
مدير عام المنتديات
مدير عام المنتديات
lola


انثى عدد الرسائل : 10357
العمر : 47
تاريخ التسجيل : 20/12/2007

لماذا ...... مصر Empty
مُساهمةموضوع: رد: لماذا ...... مصر   لماذا ...... مصر Icon_minitimeالخميس 05 أغسطس 2010, 2:36 pm

مصر آرض الحضــآرآت عبر العصور


لو كتب عنها سطور وسطور وسطور لمــآ كفينـآهــآ ووفينــآهــآ حقهــآ

تظل مصر عظيمة والعظمة لله تعالى .. بكل الاحوال التي تمر بهــآ

سيدي الفآضل .. رآق لي كثيرآ مــآطرحت عن آرض الحضآرآت هبة النيل

سلمت يمنـآكـ .. طرحت فــآفدت ..

بآنتظآر جديكـ المميز .. كن بحمى الوهــآب

جوريتي لروحكـ


[ندعوك للتسجيل في المنتدى أو التعريف بنفسك لمعاينة هذه الصورة]




عدل سابقا من قبل lola في الخميس 05 أغسطس 2010, 3:20 pm عدل 1 مرات
الرجوع الى أعلى الصفحة اذهب الى الأسفل
abdrazak303
مايو جديد
مايو جديد



ذكر عدد الرسائل : 27
تاريخ التسجيل : 18/07/2010

لماذا ...... مصر Empty
مُساهمةموضوع: رد: لماذا ...... مصر   لماذا ...... مصر Icon_minitimeالخميس 05 أغسطس 2010, 2:56 pm
قصيدة للشاعر تميم البرغوثي .. و تميم نجل الشاعر الفلسطيني مريد البرغوثي والكاتبة المصرية رضوى عاشور

<BLOCKQUOTE>

قالولي بتحب مصر فقلت مش عارف
المعنى كعبة وانا بوَفْد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما اشوف مصر ع الصفحة بكون خايف

ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
ويلبّسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقيّة التماثيل
ولا ام كلثوم في خِمسانها ولا المنديل
الصبح في التاكسي صوتها مبوظُّه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل

قالولي بتحب مصر فقلت مش عارف
لكني عارف بإني إبن رضوى عاشور
أمي اللي حَمْلَها ما ينحسب بشهور
الحب في قلبها والحرب خيط مضفور
تصبر على الشمس تبرد والنجوم تدفى
ولو تسابق زمنها تسبقه ويحفى
تكتب في كار الأمومة م الكتب ألفين
طفلة تحمّي الغزالة وتطعم العصفور
وتذنِّب الدهر لو يغلط بنظرة عين
وبنظرة أو طبطبة ترضى عليه فيدور

وأمي حافظة شوارع مصر بالسنتي
تقول لمصر يا حاجّة ترّد يا بنتي
تقولها احكي لي فتقول ابدأي إنتي

وأمي حافظة السِيَر أصل السِيَر كارها
تكتب بحبر الليالي تقوم تنوَّرْها
وتقول يا حاجة إذا ما فرحتي وحزنتي
وفين ما كنتي أسجل ما أرى للناس
تفضل رسايل غرام للي يقدّرها

أمي وأبويا التقوا والحر للحرة
شاعر من الضفة برغوثي وإسمه مريد
قالولها ده أجنبي، ما يجوزش بالمرة
قالت لهم ياالعبيد اللي ملوكها عبيد
من إمتى كانت رام الله من بلاد برة
يا ناس يا أهل البلد شارياه وشاريني
من يعترض ع المحبة لما ربّي يريد

كان الجواب ان واحد سافر اسرائيل
وانا أبويا قالوله يللا ع الترحيل

دلوقت جه دوري لاجل بلادي تنفيني
وتشيِّب أمي في عشرينها وعشريني
يا أهل مصر قولولي بس كام مرة
ها تعاقِبوها على حُبَّ الفلسطيني

قالولي بتحب مصر فقلت مش عارف

بحب أقعد علىالقهوة بدون أشغال
شيشة وزبادي ومناقشة في مآل الحال
وبصبصة ع البنات اللي قوامهم عال
لكن وشوشهم عماير هدها الزلزال
بحب لمعي وحلابِسَّة ومُحِّب جمال
أروح لهم عربية خابطة في تروللي
كإنها ورقِة مِسودّة مرميّة
جوّاها متشخبطة ومتكرمشة هيّه
أو شلّة الصوف، أو عقدة حسابيّه
سبعين مهندس ولا يقدر على حلي
فيجيبوا كل مفكّاتهم وصواميلهم
ويجرّبوا كل ألاعيبهم وتحاييلهم
ساعات كمان يغلطوا ويجربوا فيّه
بس الأكيد أنهم بيحاولوا في مشاكلي
وإنها دايماً أهون من مشاكلهم

أحب اقعد على القهوة مع القاعدين
وابص في وشوش بشر مش مخلوقين من طين
واحد كإنه تحتمس، يشرب القرفة
والتاني غلبان يلف اللقمة في الجرانين
والتالتة من بلكونتها تنادي الواد
والواد بيلعب وغالبهم ثلاثة اتنين
أتوبيس كإنه كوساية محشي بني آدمين
أقول بحكم القاموس، إن الهواء جماد
واشم ريحة شياط بس اللي شايفه رماد
عكازة الشيخ منين نابت عليها زناد
يسند على الناس ويعرج من شمال ليمين
والراديو جايب خبر م القدس أو بغداد

قالولي بتحب مصر فقلت مش عارف

قطر الندى قاعدة بتبيع فجل بالحزمة
أميرة عازز عليها تشحت اللقمة
عريانة ما سترها الا الضل والضلمة
والشعر الابيض يزيد حرمة على حرمة
والقلب قايد مداين زي فرشة نور
والفرشة واكلاها عتة والمداين بور
اللي يشوفها يقول صادقة حكاوي الجن
واللي يشوفها يقول كل الحقايق زور

عزيزة القوم عزيزة تشتغل في بيوت
عشر سنين عمرها لكن حلال ع الموت
صبية تمشي تقع ويقولو حكم السن
وسِتّها شعرها أصفر وكلّه بُكَل
كإنها مربية فيه اربعين كتكوت
ووشها زي وش الحاكم العربي
كإن خالقها راسمها على نبوت
تحكم وقطر الندى تسمع لها وتئن
أصل البعيدة وليّة أمرها، عجبي
على الهوا بحجة الكسوة يقيموا له سور

أحكي يا قطر الندى والا ما لوش لازمة
حكاية ابن الأصول تفضل معاه لازمة
فيه ناس بتلدغ وناس ليها البكا لازمة
ياللي سطلت الخليفة بجوز عينين وشعور
كنت سما للأغاني والأغاني طيور
مين اللي باعك، عدوك، بعض أولادك
مين اللي كانوا عبيدك صاروا أسيادك
مين اللي سمى السلاسل في إديك دِبَل
مين اللي خط الكتاب مين كانوا أشهادك
وازّاي متى سألوكي "هل قبلتِ به"
سكتِّ ومشيتِ يا مولاتي في الزفة
لبنان وغزة وعراق فينا العدو تشفى
حطوا جثثنا يا حاجة تحت سجادك
ووقفت تستنى خيط الدم يبقى بحور

قالولي بتحب مصر فقلت مش عارف
لا جيتها سايح ولاني أعمي مش شايف
بلد علمها انمزع والرفّا في المساجين
ومهر مربوط في كارو وباله في البساتين
وابو زيد سلامة على كرسي وكيس جلوكوز
لجنة مشايخ تناقش فتوة الأراجوز
سؤال نعيش أو نموت، فيه لا يجوز ويجوز

لو السقوف خايخة نسندها بحجارة وطوب
لكن ده لوح القزاز كله ضرب تشريخ
لو الولد حرف في الآية، ها يبقى يتوب
بس المصيبة إذا الآية اخترعها الشيخ

يا مصر كومة حروف إبر المعاني فين
إبر بتجرح إيدينا قبل ما بتبان
نسرك في بال السما بيقول حدودها منين
نسرك بياكله الصدا في بدلة السجان

يا قلعة السجن يا قلعة صلاح الدين
أنا بقولك وأهلي ع الكلام شاهدين
لو كنت حرة ما كناش نبقى محتلين

والناس شكاير صريخ رابطين عليها سكوت
آهات سَكوتَة كإن الأرض مستشفى
مطرودة منها الدكاترة ف سجن أو منفى
والناس بتسأل هنصبر والا نتوفى
فيه ناس تقول زي بعضه دول نوعين م الصبر
وناس تقول زي بعضه دول نوعين م الموت
يا مصر بعض التسامح يبقى عار وبأجر
إفتكري "لا تحسبّن" مكتوبة فوق كام قبر
والتار يبات يصحى تاني لو يشيب الدهر
والتار حصان غير لصاحبه ما يلين ضهر
والتار تار العرب وعشان كده تار مصر

قالولي بتحب مصر فقلت مش عارف
لا جيتها سايح ولاني أعمى مش شايف
ولاني هايف اردّ بخفّة وبسرعة
وكل من رد يا كذاب يا هايف

أصل المحبة بسيطة ومصر تركيبة
ومصر حلوة ومُرَّة وشِرْحة وكئيبة
دا نا اختصر منصب الشمس وأقول شمعة
ولا اختصر مصر وانده مصر يا حبيبة

يا أهل مصر اسمعوني واسمعو الباقيين
إن كنت انا رحّلوني كلنا راحلين
يا أهل مصر يا أصحابي يا نور العين
يا شنطة المدرسة يا دفتر العناوين
يا ضغطة البنت بلكراسة ع النهدين
ترقص قصاد المراية، واحنا مش شايفين
يا صحن سلطان حسن يا صحن كحك وتين
يا ألف مدنا وجرس، لألف ملّة ودين
يا أهل مصر اسمعوني، والكلام أمانات
قلتولي بتحب مصر فقلت مش عارف
روحوا اسألوا مصر هيّه عندها الإجابات
</BLOCKQUOTE>
الرجوع الى أعلى الصفحة اذهب الى الأسفل
abeer
عضوية فخرية
عضوية فخرية
abeer


انثى عدد الرسائل : 1180
العمر : 54
تاريخ التسجيل : 24/01/2010

لماذا ...... مصر Empty
مُساهمةموضوع: رد: لماذا ...... مصر   لماذا ...... مصر Icon_minitimeالسبت 07 أغسطس 2010, 4:37 pm
يا أهل مصر اسمعوني
واسمعو الباقيين
إن كنت انا رحّلوني كلنا راحلين
يا أهل مصر يا
أصحابي يا نور العين
يا شنطة المدرسة يا دفتر العناوين
يا ضغطة البنت
بلكراسة ع النهدين
ترقص قصاد المراية، واحنا مش شايفين
يا صحن سلطان
حسن يا صحن كحك وتين
يا ألف مدنا وجرس، لألف ملّة ودين
يا أهل مصر
اسمعوني، والكلام أمانات
قلتولي بتحب مصر فقلت مش عارف
روحوا اسألوا
مصر هيّه عندها الإجابات




فكرتني يا ستاذ/عبد الرازق باول موضوع لي بالمنتدي وكان بعنوان بتحب مصر

ووعدني ادمن بان يتم عمل صفحه قي حب مصر.............

وانا في انتظازه وهاكون سعيده بان تكون حضرتك اول من بكتب بها لانك

اسعدتني كثيرا بموضوعك

واهلا وسهلا وكل عام وحضرتك بخير

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
abdrazak303
مايو جديد
مايو جديد



ذكر عدد الرسائل : 27
تاريخ التسجيل : 18/07/2010

لماذا ...... مصر Empty
مُساهمةموضوع: رد: لماذا ...... مصر   لماذا ...... مصر Icon_minitimeالسبت 07 أغسطس 2010, 6:44 pm
البحث في العمق وفلسفة الحب


ابحث عن الشعب المصــــــــــــــــــــــري في الصورة

اعظم شعب في العالم

.
هيا عبارة عن صورة وتحمل في داخلها احلام وانكسارات
وتضحيات وآمال وسعادة قلب حزين
ممكن حضرتكم تتفرجو على الصورة دي

[ندعوك للتسجيل في المنتدى أو التعريف بنفسك لمعاينة هذه الصورة]Click this bar to view the full image.

............................
ياترى شفت ايه في الصورة دي ؟؟

1 - برغم ان عدد أفراد هذه الأسرة 8 أشخاص ونايمين على سرير واحد ولكن لاحظ السعادة في وجوههم

2 - وبرغم ان المكان ضيق وان سرير واحد بس اللي شايل 8 بس هما موجودين وفيه مكان (القطة) عشان تنااااام معاهم

3 - تلاحظ ان رب الأسرة ماسك مظلة عشان تحميه من المياه اللي بتنزل من السقف عشان يعرف ينام وهوا ( مرتاح )

4 - تلاحظ ان تحت السرير في اقصى اليمين طوب عشان يسند السرير المكسور عشان يعرفو ينامو عليه

5 - الدجاجة اللي في الأرض هيا الوحيدة اللي ملقتش مكان وسطهم وقعدت تتفرج عليهم من بعيد

يمكن كانت بتسأل في نفسها

هوا ليه مش سعيدة زيهم ؟؟

او ازاي هما حاسين بالسعادة والأمل في ظل الازمات والمشاكل اللي هما فيها ؟؟
......................
لو لاحظتوا معنى الصورة دي
فعلا السعادة مش بالمال ولا بالسلطات ولا بالمناصب
السعادة في القلب
والقناعه كنز لا يفني

قد ايه حلو اوي لما الانسان يحاول يسعد نفسه بأقل الاشياء
ربنا سبحانه وتعالى
أخد منهم كل حاجه المال والمكان والاحلام
بس أعطاهم الصحة والسعادة وراحة البال
...
في نفس الوقت اللي بيبكى إن في ناس عندهم مال ومنصب وانجازات
بس مش عارف يقدر معنى الحياة ولا عارف يعيش سعيد ولو يوم واحد
...........
عارفين ياجماعه انا بتكلم عن مين
.
.
.
.
انا بتكلم على الشعب المصري ( أطيب وأرق وأحن شعب في العالم كله )
كلمة ( الحمد لله ) مستحيل نبطلها بنحب كل حاجه زي ما بيقولوا ( بنقضيها والسلام )
حتى لو هانموت من الجوع هانقلبها ضحك وهزار .. وعمرنا ما كفرنا بالنعمة اللي في إيدينا

احنا دولة عندنا مشاكل الدنيا كلها ( اقتصاد وسياسة ومجتمع وحوادث وفساد ومفسدين و و و و )
بس مع ذلك شعب عنده قدرة انه يعيش في اسوء الظروف واحسنها
بالطول والعرض هانعيشها ....

الحياة حلوه اوي .. عشان انا ( مصري أو مصرية )
.................................................

احنا المصريين وقعتنا بتقوينا وتاريخنا يشهد علينا عشان كده
احنا ولادك يا مصر يا مسلمة وقبطية
الرجوع الى أعلى الصفحة اذهب الى الأسفل
abeer
عضوية فخرية
عضوية فخرية
abeer


انثى عدد الرسائل : 1180
العمر : 54
تاريخ التسجيل : 24/01/2010

لماذا ...... مصر Empty
مُساهمةموضوع: رد: لماذا ...... مصر   لماذا ...... مصر Icon_minitimeالأحد 08 أغسطس 2010, 1:18 pm
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
سيف الله
مايو جديد
مايو جديد
سيف الله


ذكر عدد الرسائل : 31
العمر : 39
تاريخ التسجيل : 02/08/2010

لماذا ...... مصر Empty
مُساهمةموضوع: رد: لماذا ...... مصر   لماذا ...... مصر Icon_minitimeالأحد 08 أغسطس 2010, 1:36 pm
مصر ارض الحضارات منذ االعصور القديمه

ومازالت حتى الان فى تقدم وازدهار حضارات [ندعوك للتسجيل في المنتدى أو التعريف بنفسك لمعاينة هذه الصورة]

ومصر هى ام الدنيا [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 
لماذا ...... مصر
الرجوع الى أعلى الصفحة 
صفحة 1 من اصل 1
 مواضيع مماثلة
-
» لماذا كل مائة شخص في السعودية يحملون 174 خط هاتف جوال؟ Read more: لماذا كل مائة شخص في السعودية يحم
» لماذا السمسمية
» لماذا تزوجت المغربية
» لماذا لا للتعديلات الدستورية
» لماذا لاتتركها ... هل هي اقوى منك ؟

صلاحيات هذا المنتدى:لاتستطيع الرد على المواضيع في هذا المنتدى
مدينه 15 مايو :: مــــايـــو عــراقــة الــتــاريــخ :: 乂♥乂وثــائـق تــاريــخــيـة مــنــوعــة乂♥乂-
انتقل الى: