طريقة عمل التورتة من الف الى الياء

إن شاء الله هحاول أنقللكم في الموضوع ده خلاصة تعبي وبحثي على النت لعده سنوات وكل ماستفدته من خبرات في موضوع تزيين التورتات وهوضح بصور مش من تصويري لكن أكيد هتوصل أكتر الفكرة إزاي نزين تورتة مرتبة
في البداية تزيين تورتة متقنة زي الجاهزة حقيقي مش سهل أوي لكن مش مستحيل عايز دقة في الشغل وأدوات ووقت وبصراحة ميزانية أحيانا لكن مش دايما
نسيبنا من موضوع الميزانية ده ونخلينا في الدقة
في بعض الخطوات لو عملناها هتسهللنا كتير في تزيين التورتة بشكل مرتب
أول خطوة وقبل مانبدأ التقسيم ياتري كيكتك متساوية أصلا وتمااااااااااااااام ولاااااااااا مثلا مايلة على جنب أو وسط الكيكة داخل لجوة ولا طالع لفوق يعنى كيكة بكررررررررررررش قبل ماتعملي أي حاجة فيها حاولي تساوي شكلها وتشيلي الفتافيت اللي على الوش أو الجنب
الصور هتوضح اكتر
[ندعوك للتسجيل في المنتدى أو التعريف بنفسك لمعاينة هذه الصورة]
ولاحظوا دايما قعر الكيكة دايما بيكون هو وش التورتة لأنه مرتب أكتر
تانى خطوة بتكون تقسيم التورتة وده بتكون سهلة لو عندك سكينة كبيرة تجيب التورتة في مرة واحدة وحاولي تعملي علامات ولو حتى بخلة الأسنان عشان مش تطلع الطبفات غير متساوية
وكل ماكان عدد الطبقات أكتر بيكون التقسيم أصعب لذلك اخر ملتوصلت له في التقسيم وزي ماكنت بقوللكم في موضوعي اللي فات انى بعمل الكيك بتاع التورتة على مرحلتين كل كيكة بقسمها 2 بيكون سهل عليا وأحطهم على بعض فيطلع عندي تورتة أربع أدوار عالية ومتساوية كمان شوفوا الصورة ده
[ندعوك للتسجيل في المنتدى أو التعريف بنفسك لمعاينة هذه الصورة]
أنا عارفة حمضت من كتر مابوريهالكم بس ده المرة الوحيدة اللي عرفت أصور التورتة من جوة براحتى
في طريقة تانية للتقسيم هي طريقة سهلة جدا ودقيقة في نتايجها بس بصراحة مش بتنفع مع كل الكيكات اللي جربتها فيها ونجحت بجد هي الشيفون كيك بعد مابردت كويس ودخلتها التلاجة كم ساعة نفعت فيها الطريقة تمااااااام لكن وبصراحة لما جربتها مع الكيك الإسفنجي العادي مش عرفت أعملها خالص
سوري طووووووووولت ندخل ع الطريقة هي إستخدام الخيط كما في الصورة

[ندعوك للتسجيل في المنتدى أو التعريف بنفسك لمعاينة هذه الصورة]
وانا كمان زيادة في الإحتياط بثبت خلة سنان فوق مكان مرور الخيط عشان أضمن انه مايطلعش لفوق لما بشده عارفة الصورة مش واضحة أوي بس لو عرفت ألأاقي صور تانية للطريقة هجيبهالكم
طيب مثلا واحدة زي حالاتى مش عندها السكينة الكبيرة أوي وكمان عاملة كيكة مش نافع معاها الطريقة بتاعة الخيط فلما تيجي تقسمي الكيكة خللي بالك لما تيجي تحشيها وترجعي ترصيها على بعضها لازم ترتبيها زي ماكانت عشان عمر التقسيم ماهيكون طالع على المللي فلو رصيتيها غلط ممكن تبان مايلة وخصوصا لو الحشو بين الطبقات مش سميك الصور هتوضح اللي عايزة أوصلهولكم
بنقسم الكيكة ومانشيلش الطبقات عن بعضها نسيبهم زي ماهما ونعمل العلامة زي اللي في الصورة بالكريمة بحيث لما نشيلهم ونحشي نرجعهم فوق بعض من غير دوران
[ندعوك للتسجيل في المنتدى أو التعريف بنفسك لمعاينة هذه الصورة]

شايفين بيرجع كل طبقة مكانها من غير ماتلف لايمين ولا شمال
من ساعة ماستعملت الطريقة ده والله مريحانى كتير مش بخاف الكيكة تطلع مايلة
بالنسبة بقى للحشو ياحلوين زي ماهتشوفوا في الصور ده أحسن وارتب طريقة للحشو ولو انه مزودها شوية حط كريمة كتير أوي بس انتو اتقيدوا بالخطوات مش مهم الكمية

[ندعوك للتسجيل في المنتدى أو التعريف بنفسك لمعاينة هذه الصورة]

نيجي بقى للتغطية
وفي طريقتين ياإما تكوني عايزة تكون الكريمة ظاهرة على الجوانب ووقتها بتحتاجي تستخدمي كمية كبيرة من الكريمة عشان تطلع الجوانب مظبوطة
زي مانتم شايفين طالعة تحفة على المسطرة

[ندعوك للتسجيل في المنتدى أو التعريف بنفسك لمعاينة هذه الصورة]

الطريقة التانية هتغطي الجوانب بكمية كريمة قليلة وتغطيها بطبقة من حاجة تانية
زي المكسرات جوز الهند العادي جوز هند محمص شوكولا مبشورة فارماسيل بف باستري مكسرة وغيرهاااااا
شوفوا هنا غطيت بجوز الهند المحمص ومش بس الجوانب لأ الكيكة كلها كنت مستعجلة وماكانش عندي كريمة كتييييييييييييير
[ندعوك للتسجيل في المنتدى أو التعريف بنفسك لمعاينة هذه الصورة]
وده غطيت الجوانب بس
[ندعوك للتسجيل في المنتدى أو التعريف بنفسك لمعاينة هذه الصورة]
وده شوكولا مبشورة
[ندعوك للتسجيل في المنتدى أو التعريف بنفسك لمعاينة هذه الصورة]
كده يبقى عملنا ايه ياحلويييييييييييييين
1 رتبنا الكيكة
2 قسمنا الكيكة
3 حشينا الكيكة
4 غطينا الكيكة

هيكون ان شاء الله في مواضيع تانية عن التورتات وتزيينها بس لما تجهز هنزلها
وبالنسبة للي فات لو حد عنده أي استفسار أنا تحت أمره
مش عارفة وفيت الموضوع حقه ولا لأ بس بجد تعبت فيه فياريت اللي تستفيد منه ولو حاجة صغيرة لاتنساني بدعوة صالحة بظهر الغيب
والدعوة انتم وذوقكم كل اللي ييجي منكم حلو أكيد

زائر

[ندعوك للتسجيل في المنتدى أو التعريف بنفسك لمعاينة هذه الصورة]

موضوع اكثر من رائع .
حفظته عندي بعد اذنك rose
جزاك الله خيرا

حلوة بجد

كدة صح
الخطوات خطوة خطوة

[ندعوك للتسجيل في المنتدى أو التعريف بنفسك لمعاينة هذه الصورة]

زائر

[ندعوك للتسجيل في المنتدى أو التعريف بنفسك لمعاينة هذه الصورة]انا احب الحلوياااات كتير بليز عايزه طريقه تزيين تورته بس بطريقه جامده

الآدارة
ملحوظة
هناك زائر قام بالرد
فأهلا بيه

زائر

هذه الاقسام الفرعية جديدة
و لم يتم تحديد خاصية الزوار فيها.
جاري التنفيذ.

موضع جميل جدا مدام روز تسلم يدك عليه

[ندعوك للتسجيل في المنتدى أو التعريف بنفسك لمعاينة هذه الصورة]

nada كتب:: [ندعوك للتسجيل في المنتدى أو التعريف بنفسك لمعاينة هذه الصورة]انا احب الحلوياااات كتير بليز عايزه طريقه تزيين تورته بس بطريقه جامده

عندك ياندا طريقة تزيين التورتة فى نفس الموضوع ولا عايزة حاجة معينة اومرى وانا عليه التنفيذ اهلا بيك معانا عضوة بقى مش زائرة هتسعدى معانا ان شاء الله

[ندعوك للتسجيل في المنتدى أو التعريف بنفسك لمعاينة هذه الصورة]

لذيذة جداااااااااااااااا وجميلة
تسلم ايديك مدام روز

[ندعوك للتسجيل في المنتدى أو التعريف بنفسك لمعاينة هذه الصورة]

» طريقة عمل السينابون
» هيا بنا نتعلم صيانة اللوحه الام من الالف إلي الياء
» دجاج محشي،طريقة عمل دجاج محشي،طريقة عمل الدجاج المحشي
» طريقة عمل الكرواسان
» طريقة عمل حلابسه