ممكن تعيش ب 1000 جنيه فى الشهر؟

لو شاطر .. تعرف تعيش فى مصر بـ 1000 جنيه فى الشهر

حقييقي تبقي انت اكيد اكيد في مصر لو عشت بالمبلغ ده....

لو شاطر .. تعرف تعيش فى مصر بـ 1000 جنيه فى الشهر !!!

بيان المصروف اليومى والشهرى :

- عيش بلدي : 1 جنيه يومياً = 30 جنيه شهرياً
(بس لازم تلحق دورك فى طابور الفرن وتلحق شغلك فى نفس الوقت ربنا معاك )

- حليب : 4 جنيه يومياً = 120 جنيه شهرياً
( عدد واحد لتر يومياً ويارب ميطلعش بودرة سيراميك ويكفى العيال )

- فول : 8 جنيه إسبوعياً = 32 جنيه شهرياً
( كيلو فول اسبوعيا يعنى 125 جرام يوميا رضا والحمد لله )

- جبنة بيضاء : 20 جنيه إسبوعيا ً= 80 جنيه شهرياً
( كيلو في الأسبوع 125 جرام يوميا انت عايش )

- بيض : 5 جنيه إسبوعياً = 20 جنيه شهرياً
( عبارة عن 10 بيضات فى الاسبوع يعنى لو اربع افراد يبقى بيضه ونص يومياً للأربعة أفراد )

- خضار : 10 جنيه إسبوعياً = 40 جنيه شهرياً
( عبارة عن صنف واحد بس + كيلو طماطم + ليمونه وحزمة جرجير أسبوعيا )

- فاكهه : 5 جنيه إسبوعياً = 20 جنيه شهرياً
( عبارة عن كيلو برتقال أو قشر موز مرة أسبوعيا عشان العيال تفتكر إسمه )

- شاى : 10 جنيه شهرياً
( لزوم الكيف اللى بيذل والضيوف الرزلين )

- سكر : 4 جنيه إسبوعياً = 16 جنيه شهرياً
( عدد واحد كيلو أسبوعيا .. لزوم الكيف اللى بيذل والضيوف اللى معندهمش دم )

- أرز : 4 جنيه إسبوعياً = 16 جنيه شهرياً
( عدد واحد كيلو أسبوعيا للعائلة كلها .. يعنى 125جرام يوميا للأسرة ومتوسط الفرد 40 جرام )

- زيت طعام : 10 جنيه إسبوعياً = 40 جنيه شهرياً
( لتر اسبوعيا علشان تشرب بق على الريق يزيت معدتك ويستعمل كبديل للخضروات )

- مكرونة : 8 جنيه إسبوعياً = 32 جنيه شهرياً
( عبارة عن عدد 4 كيس 400 جرام أسبوعيا .. خلى العيال تنبسط )

- دجاج : 20 جنيه إسبوعياً = 80 جنيه شهرياً
( عدد واحد دجاجة أسبوعيا للعائله .. أظن معقول ولا ايه )

- لحم : 30 جنيه إسبوعياً = 120 جنيه شهرياً
( عدد واحد كيلو لحم أسبوعيا لزوم صنف الخضار والليمونه وحزمة الجرجير.. ألف هنا وشفا )
- بقوليات : 10 جنيه شهرياً
( عبارة عن كيلو واحد بس شهريا ونقى اللى بتحبه براحتك .. عدس - لوبيا - فاصوليا )

- توابل : 10 جنيه شهرياً
( عبارة عن دقيق + ملح + كمون + فلفل + كسبرة + وممكن تديها خل براحتك )

- صابون : 15 جنيه شهرياً
( عبارة عن صابونه واحدة للحمام + صابون مواعين + مسحوق للملابس ( النظافة عموما )

- مواصلات : 2 جنيه يومياً = 60 جنيه شهرياً
( بعد طابور الفرن تركب أتوبيس الهيئة ذهاب وعودة وبهدله لفرد واحد يوميا )

- حلاق : 10 جنيه شهرياً
( عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونه اللى هتحلق بيها دقنك ( نعيما ياباشا )

- مصروفات مدرسية : 10 جنيه إسبوعياً = 40 جنيه شهرياً
( عبارة عن مصروفات المدرسة + مصروف العيال اليومى + كراسات وأقلام وجلاد ... إلخ )

- دكتور : 30 جنيه شهرياً
( نمرض بالدور طبعا .. عدد أربعة أفراد × مرة واحدة للفرد كل 4 اشهر وربنا يستر )

- أدوية : 50 جنيه شهرياً
( أكيد طبعا العلاج بالدور وربنا يستر واثنين ما يمرضوش فى وقت واحد .. تبقى كارثة )

- فاتورة التليفون : 10 جنيه شهرياً
( اشتراك الهيئة فقط .. هنرد بس ومش هنتكلم .. ماعدش ينفع كلام بالله عليك هاتقول ايه )

- فاتورة المياه : 10 جنيه شهرياً
( للأسف ده لو فلوسك على أدك ويبقى لازم تشرب مياه ملوثة بالمجارى )

- فاتورة الغاز : 5 جنيه شهرياً
( الحمد لله .. غاز طبيعى .. الله يكون فى عون اللى عنده أنابيب (10 جنيه للأنبوبة) وممكن تطلع فاضية )

- فاتورة الكهرباء : 20 جنيه شهرياً
( لمواكبة التطور .. غساله ملهاش مسحوق .. تلاجة فاضية .. بوتجازيستخدم مرة كل أسبوع )

- قمامة : 10 جنيه شهرياً
( ودى إجبارى طبعا ومن الواضح إن العيشة دى ما فيهاش أكل أساساً .. يبقى القمامة هتيجى منين ؟؟؟؟؟؟؟؟ )

- بواب : 15 جنيه شهرياً
( ماهو من حقه يعيش هو كمان .. لو عشرشقق يبقى 150 جنية شهريا .. خليه يهيص ويلعلع)

- صيانة : 30 جنيه شهرياً
( لإصلاح الأجهزة بالدور .. غسالة - سخان - بوتوجاز - مروحة - ثلاجة - سباكة - لمبات إنارة .. الخ )

- ملابس : 100 جنيه شهرياً
( عبارة عن الصيفى والشتوى داخلى وخارجى واحذية وشرابات وكلونات واتصرف بقى )

------------ --------- --------- --------- ---
الإجمـالى : 1081 جنيه شهرياً
------------ --------- --------- --------- --

أكيد اللى ها يخليك تعرف تعمل الكلام اللى فوق ده ها يخليك تتصرف وتضغط مصروفاتك شويه علشان تبقى الحسبة 1000 جنيه بس .. أقولك نصيحة ؟ : ما تمرضش وما تخدش أدوية وشيل 80 جنيه معلش ربنا يقويك وينصرك على من يعاديك ويكفيك شر المرض

إيجار الشقة طبعا قانون جديد وللأسف مالهوش قانون .. كل واحد وبخته .. ومش ها نحسبها كل واحد يقعد عند أمه .

وبالمناسبة .. عيد الام ربنا يخليها ويديها الصحة .. كل سنة وهى طيبة

عيد الكحك .. مضر ومالهوش لازمة

عيد اللحمة .. مضر ومالهوش لازمة

حلاوة المولد .. السكر مضر ومالهوش برضه لازمة .. ولو على الحلويات رمضان كريم وخيره كتير

أخ خ خ نسيت احسب زكاة الفطر بس مش عارف هادفعها ولا هاخدها ؟

عموما هاقولكم على قائمة الممنوعات والمحظورات .. متقربوش منها علشان تعرفوا تتنيلوا وتكملو الشهر

ممنوع .. الحلاوة والمربى والعسل والزبدة وكافة أنواع الجبن عدا ما ذكر فى التعيين ( الجبنة البيضا )
ممنوع .. المعلبات .. تونه - بلوبيف - لانشون - سالمون – وطبعا البسطرمة والزيتون والمخللات

أوعى قلبك يحن لعيل من العيال وتجيبله شيبسى ولا بيبسى أو كراتيه ونايتى ولاعسلية ولا بسكوت ولا شيكولاته .. إياك ومنتجات العيال الصغيرين حتى لو حليب بالفواكه أو لبان وجيلى كولا وهوهوز .. حتى الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل احنا ناقصين هانجيب لكل ده منين

ممنوع اللحوم بانواعها .. البوفتيك والاستيك والرقبة والموزة واللوزة كله كلام فاضى خليك فى تعيينك الاسبوعى .. ومتنساش ان البانيه والفيليه من الممنوعات .. وماتقربش وماتمشيش فى الشارع جنب كنتاكى وهاردييز وهاربيز وتكه ومؤمن وكوك دور اوعى تضعف.. وإياك من السندوتشات عموما زى الطعمية والبطاطس والباذنجان والحاجات الحلوة دى مش مطلوبه تعملك حموضه وهتحتاج فوار وإحنا ماعملناش حسابه فى مشتروات الدوا .. وطبعا مش محتاج أقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ .

خليك واقعى وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بأنواعها .. بالعربى أنت زى العصفورة تاكل عيش ودنيبة رز وتشرب ميه .. عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد

اهم حاجة ماتروحش لدكتور ومتجبش مدرس ولا ادوية وإياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم

طبيعى انك مش هتقرب من الفواكهة خالص زى البرقوق والمانجو والبطيخ والفراوله والكيوى والخوخ والعنب والتفاح حتى الكاكا والحرنكش والنبأ والقصب والدوم والتوت ممنوع سيادتك

وطبعا معجون الاسنان والحلاقة والشامبو والبلسم كلها رفاهيات وكماليات ماليكش فيها زى البصل والتوم والبطاطس كلها أساسيات ماليكش فيها برضه .. وماتنساش تبعت الميل للناس اللى تعرفهم هما اكيد زيك محتاجين شوية نظام مش اكتر هما غلابة .. وفكرهم يقولوا لعيالهم لو شافوا مسلسل فى التليفزيون مليان بهرجه إن دى قصص خيالية الف ليلة وليلة يعنى كانت فى العصور القديمة فترة من الزمن وانقرضت.. وإن الواقع زى ماهما شايفيينه دلوقتى .

حتى الإعلانات حاولوا تفهموهم إنها مجرد ألوان مبهرة وتكنولوجيا فى علم التصوير وتخيلات للمستقبل .. ممكن تحصل بعدين فى يوم ما .. زى ماحصل فى امريكا وكندا وفرنسا والمانيا واوروبا كلها .. وان الحاجات دى علشان لما الناس دى ييجوا عندنا يلاقوا منها ويعرفوا يعيشوا .. وإن الحاجات دى مش لينا .. دى ليهم هما .. هما أصحاب البلد ولازم ينبسطوا .

عموماً لو على الكلام .. الكلام مش ها يخلص .. روح بقى الحق طابور العيش لايفوتك .. تبقى مصيبة لو انا اللى عطلتك ورحت لقيت الفرن شطب .. وتقعد طول اليوم تدعى عليا .. واحنا مش نقصين دعوات .. اللى فينا مكفينا .

على اعموم
لو لقيت حل للمعادلة دى
أتصل على
زيرو 1000 جنية
من أى خط أتوبيس
أو أى خط عربى أو رقعة أو نسخ
وسلم على دينا الرقاصة وأخواتها

اقتباس :: فاتورة الغاز : 5 جنيه شهرياً

وهو في فاتورة غاز بــ5 جنيه في الشهر .. يا سلام !!!

ياترى؟
تقدر فعلا تعيش بالآلف جنية؟
أنا أعرف ناس كتير بتقبض 200 جنية فى الشهر

يا استاذ مجدى ومين بيقبض1000 جنيية
لوعندك شغل لية ب 500 قولى

انا كلامى واضح
لل م ت ز و ج ي ييي ن
للمتزوجين
لما حضرتك تتجوز وتبقى مهموم زينا يبقى ينطبق عليك المثل القائل
ممكن تعيش ب 1000 جنيه؟

انا باشتغل محاسب من 10ص الي10م وباخد 1000 ج طبعا ساعتين ذهاب وزيهم عوده
1-150ايجار كهرباء مياه
80 باص اولاد
100 موصلات ذهاب واياب للعمل
150 دروس 3 ابتدائي
30 مصروف اولاد يومي للمدرسه بواقع 1/2ج للفرد
الباقي (اكل شرب علاج فاكهه ادوات مدرسيه احذيه ملابس تليفون>3فواتير متاخره< الخخخخخخخخخخ)
ايه رايك

ومبروك المولود الجديد

زائر

السلام عليكم و رحمة الله و بركاته

الله يكون في عون كل رجل مسئول عن بيت و أسرة
و إن شاء الله ربنا يعينك أستاذ أيمن
و تقدر تربي مريم أحسن تربية.

مساء الخير يا استاذ مجدى

موضوعك دا لذيذ خالص
وعرفنى اشياء لم اكن اعرفها من قبل
وعلى العموم الحمد لله انك عارف اسماء كل حاجة من فواكه وخضروات وبقوليات ( ماشاء الله عارف اسماء كل هذه الاشياء؟) اللهم لا حسد ماشية معاك ياسيدى وبتاكل كيوى هو ايه الكيووووووووووى ده يا استاذ مجدى؟؟؟؟
وبعدين تعالى هنا00000000000 قفشتك لحم ايه اللى الكيلو ب 30 جنيه؟!!!
وانا عمال اقوول هو الاستاذ مجدى ليه بيعارض بشدة فى موضوع التخلص من الخنازير؟؟؟

ربنا يعين يااستاذ مجدى ويصبرنا على الحرمان احنا هناكل ان شاء الله فى الجنة مالذ وطاب الفقراءسوف يدخلون الجنة قبل الاغنياء باربعون سنة وناكل لحم طير ممايشتهون وفاكهة مماييتخيرون وقطوفها دانية ويطوف عليهم ولدان مخلدون كانهم اللؤلؤ المنثور( واذا رايت ثم رايت نعيما وملكا كبيرا عاليهم ثياب سندس خضر واستبرق وحلو اسارو من فضة وسقاهم ربهم شرابا طهورا )سورة الانسان

حرب الأسعار تشتعل مع اقتراب رمضان
13/08/2009

<table style="BORDER-RIGHT-WIDTH: 0px; FLOAT: left; BORDER-TOP-WIDTH: 0px; BORDER-BOTTOM-WIDTH: 0px; BORDER-LEFT-WIDTH: 0px" border=0 width="26%"><tr><td style="BORDER-BOTTOM: medium none; BORDER-LEFT: medium none; BORDER-TOP: medium none; BORDER-RIGHT: medium none">
[ندعوك للتسجيل في المنتدى أو التعريف بنفسك لمعاينة هذه الصورة]</TD></TR></TABLE>

حرب الأسعار تشتعل مع اقتراب رمضان
‏‏ تحركات شعبية تستهدف ضبط إيقاع السوق
وترويض أسعار رمضان التي أشعلتها مبكرا سلع مائدة الصيام
‏‏ توصيات من وزارة التضامن الاجتماعي بأن تعمل المخابز فترتين لتوفير الخبز واختفاء الطوابير
‏‏ جمعيات حماية المستهلك تطالب بمقاطعة الجشعين‏..‏ والتضامن تؤكد‏:‏ كله تمام

مع قرب حلول شهر رمضان المبارك يقبل المواطنون علي شراء السلع الغذائية مثل الياميش‏..‏ وفيما يلجأ بعض التجار إلي رفع الأسعار لتحقيق الأرباح بشكل غير مشروع‏,‏ تلعب المجمعات الاستهلاكية دورا كبيرا في ضبط الأسواق وتثبيت الأسعار‏,‏ وكانت السيدة سوزان مبارك دعت العام الماضي إلي مقاطعة التجار الجشعين وترشيد الاستهلاك ومحاربة الغلاء‏.‏ فهل يجدد المواطنون والمسئولون تلبية الدعوة هذا العام؟

وتؤكد الدكتورة سعاد الديب رئيسة الجمعية الإعلامية للتنمية وحماية المستهلك أن الدعوة لن تموت ولابد من استمرارها مع الحرص علي تغيير الأنماط الاستهلاكية ليصبح لدينا وعي في التعامل مع السوق‏,‏ وأضافت أنه سيتم عمل بروتوكول تعاون بين الجمعية والإدارة المركزية للتعليم العالي لتوعية طلبة المعاهد العليا بقانون حماية المستهلك وترشيد الاستهلاك وكيفية التعامل مع السوق والإجراءات المطلوبة في مواجهة الغش التجاري وكذلك معرفة المستهلك بحقوقه والجهات التي تساعده في الحصول عليها‏.‏

وأوضحت أن قانون حماية المستهلك يلزم التجار بوضع الأسعار علي السلع وبالتالي يسمح للمستهلك باختيار الأسعار التي تناسبه‏.‏

وأشارت الدكتورة سعاد الديب إلي أن التكالب علي السلع الغذائية في شهر رمضان هو ما يشجع بعض التجار علي رفع الأسعار‏.‏

وأوضح محمود العسقلاني رئيس جمعية مواطنون ضد الغلاء أنه سيتم تكثيف كل الجهود لمتابعة الأسعار وضبطها خاصة أسعار السلع الغذائية‏..‏ وأضاف أن دعوة السيدة الفاضلة سوزان مبارك للتصدي للغلاء ومقاطعة التجار الجشعين مستمرة هذا العام وكل عام‏,‏ حيث تؤكد إبراز دور المرأة التي تستطيع أن تحمي نفسها بنفسها باعتبارها وزير اقتصاد البيت المصري‏.‏

وطالب العسقلاني بالاهتمام بهذه الدعوة في وسائل الإعلام والصحافة للسيطرة علي السوق‏.‏

وقال إنه إذا قاطع المواطنون السلع المبالغ في أسعارها سيزداد المعروض ويقل الطلب وبالتالي تنخفض الأسعار‏,‏ وأضاف أنه سيتم تكريم‏200‏ تاجر من الملتزمين بالأسعار لتشجيعهم وتحفيزهم علي احترام المستهلكين‏.‏

وأكد الدكتور حمدان طه وكيل وزارة التضامن الاجتماعي أنه مع اقتراب شهر رمضان المبارك توجه الوزارة بأن تعمل المخابز فترتين صباحا ومساء بحيث يكون سعر الرغيف خمسة قروش لاغير بالإضافة إلي الزام محلات القطاع الخاص بالإعلان عن الأسعار‏.‏

وأضاف أن هناك توجهات من الوزارة لإنشاء معارض بالتعاون مع الأجهزة المحلية للمحافظات لتوفير كل السلع الرمضانية بسعر الجملة أو التكلفة الحقيقية لها‏.‏

وأوضح الدكتور حمدان طه أن حملات التفتيش ستمر علي المحال للتأكد من مراعاة الأسعار ومطابقتها للمواصفات‏,‏ وسيتم اتخاذ الإجراءات القانونية اللازمة ضد المحال المخالفة‏.‏

زائر

السلام عليكم و رحمة الله و بركاته

كان الله في عون الفقراء و المحرومين.
الواحد مش عارف الناس تعمل ايه علشان
تعيش عيشة كريمة بالحلال ؟!!
شكرا لكي rose علي الخبر .

ربنا يعين الناس على العيشه

أسرتى مكونة من خمسة أفراد

أنا وأولادى ألاربعة

زوجى رحمة الله عليه كان مدير عام بإدارة الازهر

المعاش الان 800 جنيه مصرى

اعانكى الله الاخت عاشقه المدينه

واسأل الله ان يبارك لكى ويفتح لكى ابواب الخير
واسال الله ان يرحم زوجه ويسكنه الفردوس الاعلى

واعانكى الله على تربيه اولادك

شكرا لكنورالاسلام

وعلى العموم اشعر دائما ان الله معى يقوينى ويعننى على صعوبات الحياة وتربية اولادى
اثنان تخرجوا فى الجامعة واثنان مازالوا فى الجامعة الله يوفقهم ومن معهم
وانا ادعوكم جميعا لحضور حفل زفاف ابنتى ثانى ايام العيد
[ندعوك للتسجيل في المنتدى أو التعريف بنفسك لمعاينة هذه الصورة]

بسم الله ماشاء الله

فعلا بارك الله لكى واعانكى على توصيلهم لهذه المرحله
واسال الله ان يجعل تربيتك لهم طريق لجنه الفردوس الاعلى
ونحن طبعا نتشرف بحضور فرح ابتك
وان شاء الله نتواجد وحضرتك بس تقولى المكان وبأذن الله نحضر جميعا ويجعله الله زوجا مباركا
والف مبروووووووووووووووووك

ان شاء الله تعالى فى نادى المعلمين عند البحر الاعظم بجوار القرية الفرعونية
وجودكم يزيدنى شرفا وفرحا وعقبال عندكم جميعا
[ندعوك للتسجيل في المنتدى أو التعريف بنفسك لمعاينة هذه الصورة]

زائر

ربنا معاكي حبيبة قلبي.

و لكي الأجر من الله.
الله حسبك إن شاء الله دائما
أعانك علي تربيتهم التربية الصالحة
و اراكي ذرية أبنائك ذرية صالحه بإذنه تعالي.
و ألف مبروووكـ لابنتك ... زواج مبارك لها ان شاء الله

بارك الله لى فيكى حبيبتى نبض فلبى انا
والله انتى ماتعرفى انتى غالية عندى ازاى
ربنا وحده هو الذى يعلم
[ندعوك للتسجيل في المنتدى أو التعريف بنفسك لمعاينة هذه الصورة]

سأحضر
أن شاء الله
أنا والآولاد

زائر

عاشقة المدينة كتب:: بارك الله لى فيكى حبيبتى نبض فلبى انا
والله انتى ماتعرفى انتى غالية عندى ازاى
ربنا وحده هو الذى يعلم
[ندعوك للتسجيل في المنتدى أو التعريف بنفسك لمعاينة هذه الصورة]

ربنا يكرمك عاشقة المدينة علي كلامك الحلو

و لسانك اللي دايما بينقط سكر.
كنت أتمني أكون جنبك و أساعدك في اي شيء
تطلبيه مني ... لكن جنبك إن شاء الله
اللي أفضل من الكل ... ربنا سبحانه و تعالي
أعانك الله و ووفقك و سدد خطاكي دائما بإذنه تعالي.

[ندعوك للتسجيل في المنتدى أو التعريف بنفسك لمعاينة هذه الصورة]

» لو جدع تعيش في مصر ب1000جنيه في الشهر
» 150 مليار جنيه إجمالى الصادرات المصرية والواردات تحقق 358 مليار جنيه
» مرتب اول الشهر
» ملف رمضان 2010 (متجدد طوال الشهر )
» رجيم حرق الدهون فى الجسم بيخسس 9 كيلو فى الشهر