يوم 19 مارس يوجد حدث مهم في مصر تعرف هو إيه؟؟؟ الاستفتاء على التعديلات الدستورية

يوم 19 مارس يوجد حدث مهم في مصر تعرف هو إيه؟؟؟
الاستفتاء على التعديلات الدستورية......
طيب هي إيه التعديلات اللي حا تحصل:
بص ياسيدي:
سيتم تعديل المواد الأتية:
المادة 75 اللي إتعدلت علشان ما حدش يحكم مصر يكون معاه جنسية أجنبية لا هو ولا زوجته.
المادة 76 اللي جعلت ممكن مرشح مستقل يقدر يرشح نفسه لمجلس الشعب بشرط الحصول على 30الف صوت من الناس, أو يكون عضو في حزب له عضو واحد على الأقل في البرلمان (بعد مكان لا يمكن حد يترشح غير بتوع الحزب الوطني)
المادة 77 : اللي خلت مدة الرئيس 4 سنوات بس ممكن تتجدد مره واحده تانية بس(بعد ماكانت المده مفتوحة إلى الأبد )
المادة88 : اللي رجعت الإشراف القضائي على الانتخابات من جديد.
المادة 93 : اللي خلت الفصل في عضوية عضو مجلس الشعب من خلال المحكمة الدستورية العلية علشان مايكونش حاجه تاني إسمها سيد قراره.
المادة 139 : ألزمت رئيس الجمهورية إنه لازم يعين نائب خلال 6 أشهر من إنتخابه.
المادة 148 : ودي بقى مهمه جدا لإنها جعلت لو حدث شيء في البلد يستدعي حالة الطواريء إن ممكن رئيس الجمهورية يعلن حالة الطواريء لكن لازم يعرضها على مجلس الشعب خلال 7 يوم فقط وتكون حالة الطواريء محددة بمدة 6 أشهر فقط ولا تجدد إلا بإستفتاء شعبي.
المادة 179 : تم إلغائها لإن المادة دي كانت بتسمح إن بيتي وبيتك يقتحموا بحجة الإرهاب .
المادة 189 : وهي اللي بتنظم طلب تعديل مواد الدستور او طلب عمل دستور جديد ولم تجعله في يد رئيس الجمهورية فقط ولكن لابد من موافقة مجلس الوزراء ونصف مجلسي الشعب والشورى .
المادة 189 مكرر : مهمة جدا لأنها أكدت أن بعد إقرار التعديلات مجلس الشعب المنتخب بعد التعديلات مباشرة في خلال 6 أشهر يكون لجنة من 100 عضو لوضع دستور جديد لمصر.
خد بالك في نقطة مهمة جدا
لو رحنا يوم 19 مارس وصوتنا ب (نعم) للتعديلات إيه اللي حايحصل:
أولا :حايكون عندنا برلمان جديد منتخب وأكيد حايكون ممثل للشعب اللي عمل الثورة العظيمة اللي بنعشها.
ثانيا :سيتم إنتخاب رئيس جمهورية بشروط ترشيح تجعل المستقلين ممكن يترشحوا وكمان الأحزاب
ثالثا :سيتم عمل دستور جديد للبلد وندخل في عصر جديد بدستور جديد.
لو صوتنا على التعديلات ب (لا) إيه اللي ممكن يحصل :
أولا :سنظل في حالة فوضى لعدم وجود مؤسسات منتخبة تمثل الناس ( لا مجلس شعب و لا مجلس شورى ولا محليات).
ثانيا: ونتيجة لذلك سيظل الحكم في يد واحدة تتحكم كيف يشاء بدون مؤسسات منتخبة في البلد ( ديكتاتورية جديدة).
ثالثا :سنظل تحت حكم المجلس الأعلى للقوات المسلحة (حكم عسكري) وطبعا المجلس الأعلى عنده مهام تانيه خطيرة جدا لابد أن يتفرغ لها.

============================================
(نــــعـــــــــم)
من اجل استقرار مصر

بلية كتب:

يا استاذ مجدى انا عارف انك عايز الدستور يتغير والله احنا كلنا عايزين كده بس هو اصلا الرئيس الجديد غصب عنه هيغير الدستور فى خلال 6 شهور

(المادة 189 مكرر : مهمة جدا لأنها أكدت أن بعد إقرار التعديلات مجلس الشعب المنتخب بعد التعديلات مباشرة في خلال 6 أشهر يكون لجنة من 100 عضو لوضع دستور جديد لمصر.)
يبقى ليه بقى منوافقش ونعطل البلد اكتر ماهى متعطلة والمجلس الاعلى يقعد بقى يعدل الدستور ونسيب كل الحاجات التانية وننسى بقيت مطالب الثورة والقضايا الى قدام النائب العام ونسيب الاقتصاد بتاعنا يبوظ اكتر ماهو بايظ

ده وجهة نظرى الشخصية المتوضعه

(نــــعـــــــــم)
من اجل استقرار مصر

وانا كمان ه اقول نعم ......وعلي الله التوفيق للبلد

المهم نروح ونصوت ....والاهم ان نتقبل ونحترم نتيجه الاستفتاء سواء تتفق مع راينا او تختلف

واللهم وفق الاوضاع لصلاح البلد

Admin كتب:

أسف يابليه
انا شخصيا هقول لا

لا لا لا لا
انا صوت بلا
لا لترقيع الدستور وبعدين كل ما دام فى تغير ما يتغير دلوقتى ايه اللى حصل من بعد الثوره احنا بنرجع لورا ما اتحركناش خطوه واحده لقدام
حتى المرشحين للرئاسه صوتوا بلا

طبعا هى حريه شخصيا كل الاحترام للى قال نعم وكل الاحترام للى قال لا
وكل واحد عنده قناعه بقراره
بس هل يمكن ان تكون نتيجه التصويت محسومه ؟؟؟
يعنى هل النتيجه معروفه من قبل الاستفتاء
هل اللى بقاله 60 سنه بيزور انتخابات هيجى فى يوم وليله ويطلع نتايج صح ؟؟؟

يا جماعه اكيد كلنا من مايو حد شاف العمارات اللى فى مجاوره 5 اللى كل سنه يطلعوا الناس منها ويصلحوا الاساس بتاع العماره ؟؟؟
ما يهدوها ويبنوها من تانى
لكن لا ازاى لازم يرقعوها
زى ما بيرقعوا الدستور دلوقتى بالظبط

كان الافضل ان يتغير الدستور دلوقتى
للاسف ما عدتش ثوره لانو خلاص مطالب الشعب ولا مطلب منها اتعمل واعتقد من المستيحلات انه يتمل لانو فى بلاوى متلتله كل مكان فى مصر بقالى سنين فاسد استحاله هنقتلع الفساد من يوم وليله ولا حتى سنين وسنين

انا من وجه نظرى البسيطه مش شايف اى تغير حتى الان
للاسف كان الحلم اكبر من كدا
لسه مافيش اى بوادر امل اطلاقا
المصيبه انو لو كان نتيجه الاستفتاء معروفه من قبل الاستفتاء
الموقف الجميل الى حصل معى اليوم انى وصديق لى اعز اصدقائى واقفين جمبا الى جمب فى لجنه مدرسه على مبارك بالمجاوره الرابعه واانا اقول فى ورقتى لا وهو يقول نعم وفى النهايه مصريان اخوان والاختلاف للرأى لا يفسد للود قضيه

التحيه للجميع
ومفتقد الجميع

بالظبط هذا ما قصدته

لانو كل ما يدور حولنا يبشر بكابوس مفزع لانو
الاسهل ان تاخذ قطعه ارض فارغه تسطيع ان تشيدها كما تشاء
ولكن حين تاخذ قطعه ارض عليها مبانى ومطلوب منك ان تزيل المبانى وتشيدها من جديد سيكون الامر فى غايه الصعوبه وليس كما يقولون لنا
يرسمون لنا الاحلام الورديه والواقع غير ذذلك
كل دعواتنا ان يتحسن الامر ونسال الله فهو القادر على كل شئ
التحيه للجميع

المشكله باتت خطيره
باتت تهدد الحكم الملكى
انا اكن للملك عبدالله بن عبدالعزيز احترام كبير كما يكن له الكثيرون
ارى ان هذا الرجل لو توفاه الله سيكون الوضع سئ للغايه بل اسؤ من السئ
والبحرين واليمن وليبيا وسوريا والاردن وعُمان وايران وبلادن كثيره حتى الان لا نسمع عن ثوراتها لان ليبيا واليمن تتصدر الساحه
وزلزال اليابان
فعلا اعتقد اننا دخلنا مرحله جديده جدا كان قد بشر بها الرسل وهى النار التى تخرج من اليمن لا تنطفى الا فى العراق
وايضا توقيت زلزال اليابان الله المستعان الامور اصبحت خطيره وفى اى وقت ربما تنتهى الدنيا
المطلوب ان نتقى الله ونيقظ ضمائنا
والله المستعان

على فكرة يا جماعة نعم او لا الاتنين فيهم اسنفادة لمصر يعنى مفيش اى رأى مضر للبد وفى ناس شايفة ان نعم هى الافضل فى الوقت الحالى وانا منهم وفى ناس تانية شايفة ان لا هى الافضل فى الوقت الحالى ويجب علينا احترام الاراء ومنختلفش مع بعض ولا نعمل مشاكل على ارائنا ورأى الاغلبيا هو الى هيتنفذ وربنا يقدم الى فيه الخير لمصر ولينا

تمام اليوم احتديت على رجل لا اراديا
كنت اتحدث مع صديق قبل الاستفتاء وقال لى هل ستقول نعم ام لا قلت له لا دخل الرجل الذى يبلغ من العمر 55 عام وقال له صديقى ستقول نعم ام لا قال الرجل نعم فساله صديقى لما قال له الرجل بنفس اللفظ " عشان الدنيا تمشى"
ساله صديقى " تمشى ازاى " قاله ترجع زى الاول
احتديت لا ارادى وقلت اكيد انت لم تذهب الى الميدان لو تُضرب ولم تفر من رجال الشرطه ولم يمت احد اصدقائك امام عيناك تريد ان تعود مصالحك القديمه مره اخرى اما نحن فلا مثلك وسنك لم يساندونا فى ما قمنا به بل انضموا لنا فيما بعد
انسحب الرجل وبعدها قال لى صديقى انها لواء فى الجيش


انا اتعجب من الكثير من الناس ان لم تقوم الاصلاحات الان لن تقوم فيما بعد المعروف انه وقت الثورات تنصلح الامور بشكل سؤيع ولكن فى مصر تعودنا منذ نعومه اظافرنا على طول البال الذى يقتلنا والبطئ الذى يخرجنا عن الصواب

مجملا نعم او لا لن تغير كثيرا ولم نتفرق بيننا كمصرين
بالاضافه الى اننى اشم رائحه صفقه بين الاخوان والحزب الوطنى الله المستعان لابد وان تُقلم اظافر كل مراكز القوى فى مصر لابد وان تهدم كل الخرابات فى مصر ويعاد بناؤها

والتحيه للجميع
ولى عوده مره اخرى

طيب تمام انا فى قمه سعادتى لانو اللى قالوا لا ظهروا امس فى ميدان التحرير امام كل اعين العالم
للاسف الاخوان فى مصر قله وليسوا كثيرون كما يعتقد الكثير من الناس فى مختلف العالم
واللى يقول كلامى غلط وهما يكسبو انتخابات مجلس الشعب والشورى باكتساح مش عشان هم كثير لا طبعا لكن لان الناس كانت تتعاطف معهم وما تحب اعضاء الحزب الوطنى لازم نفهم النقطه دى

طبعا كلكم شفتم الملايين اللى كانت امس فى ميدان التحرير وكلهم قالوا لا
والنتيجه طلعت نعم
يعنى شئ يبشر بالخير والله الواحد حزين لما يحدث الان فى مصر من بطئ وتعتيم وفض الاعتصامات باقصى الطرق
على العموم لابد وان تنذكر ان هناك على ارض مصر 100 مليون مصرى وربما اكثر بكثير اذا لم يكون هناك صراحه فى الايام القادمه سيكون الامر متازم اكثر من الان

وانا اقدر وافهم ما يحدث الان والمتس العذر للقائمين على العمل الان
فهم منذ 60 عاما وهم متعودون على التزوير والغش والرشوه فصعب طبعا جدا ان تنتهى هذه الامور فى يوم وليله او سنوات

ولى عوده مره اخرى