طريقة رائعة لعمل القرنبيط

السلام عليكم ورحمة الله وبركاته
انا النهاردة جايبة طريقة حلوة للقرنبيط وعن تجربة شخصية
بصي ياسيتي
بعد متسلقي القرنبيط اتركيه حتي يبرد شوية ومتنسيش تحطي شوية ملح في ماء السليق
وبعدين جهزي الخلطة السرية بتاعته اللي انا جيباة النهاردة طبعا
اول حاجة/
المكونات/
حوالي من 4_5 حبات طماطم او اكتر علي حسب الكمية
كسبرة خضراء مقطعة صغير وممكن تحطي شبت وبقدونس كمان
ثوم
ملح_فلفل اسود مش كتير_شوية كركم_كسبرة ناشفة ومطحونة_شطة(اختياري)_واي بهارات تحبيها
من2_3بيض وممكن تحطي اكتر
دقيق
الطريقة/
تفرمي الطماطم في الخلاط
دقي الثوم ومعاه الكسبرة الخضراء
اخفقي البيض وحطي معاه شوية فلفل اسود علشان الزفارة طبعا
في طبق عميق او حلة حطي الطماطم المفرومة ومعاها الثوم والبيض والملح والبهارات وبعدين حطي الدقيق حسب قوامها يعني متكنش متماسكة قوي ولا سايبة قوي زي قوام الكيكة مثلا
حطي الطاسة علي النار وفيها زيت يكفي
حطي القرنبيط في الخلطة دي يعني تغطيه كويس بالعجينة وتحطيها في الزيت
وحمريه كويس من كل الجوانب وبعد متطلعيه حطيه علي مناديل او ورق علشان الزيت الزايد
ممكن الطريقة دي تعمليها مع البطاطس نفس الطريقة تقطعي البطاطس حلقات وتسلقيها وبعدين اعمليها نفس الطريق
الطريقة دي اطفالك هيحبوها قوي لان الطماطم هتخلي لونها احمر والاحسن طعمها
جربوها وادعولي

زائر

أنا مش بحب القرنبيط خالص

لكن ححاول اعمله بالطريقة ده
يمكن احبه.
تسلم ايدك يا rose
بارك الله فيكي.

الحكومة بتقول لحضرتك
الطماطم هتخليها زى المحروقة

» ملف كامل لعمل المكرونات
» موسوعة لعمل الفراخ بالصور
» اسهل طريقه لعمل التورتات
» لعمل الزبادى بانواعه فى البيت
» ملف كامل لعمل احلى فراخ