كل واحدة ليها عطرها المفضل وكلنا عارفين ان الأصلى غالى جدا وان كمان اللى بيتباع تقليد يتراوح سعره من 15-20 جنيه للزجاجة ال 50 مل ومن 25-30 للزجاجة ال 100 مل
انتى ممكن تعمليه بنفسك بنصف التكلفة مع ضمان التركيز
الأدوات :-
- اسنسك المفضل يعنى البرفان اللى تحبيه هاتيه من اى
واحد بتاع عطور يكون زيت بس من غير ما يخففه
- كحول من النوع النظيف الغالى
ماء مقطر
زجاجات 50 مل أو 100 مل
كأس مدرج
الطريقة :- بصى وركزى معايا أولا بالنسبة للأسنس اشترى كمية مش أقل من 30 جرام
ثانيا :- بالنسبة للكحول فى أنواع كتيرة افضلهم اللى سعر اللتر فيه 32 جنيه وهو كفاية لتر أو نص لو ليكى انتى بس
ثالثا :- الزجاجات والكأس المدرج اللى هتعيرى بيه
رابعا :- الماء المقطر من الصيدلية وهو ده يعتبر أحسن مثبت تستخدميه ولو انتى قريتى المكونات على اى علبه أصلية هتلاقى المكونات دايما ثلاث (لأسنس -الكحول-الماء المقطر)
الطريقة :- سهلة جدا وللتسهيل بحساب النسبة والتناسب
هنعمل خليط من الكحول والمثبت يستخدم مباشرة وهو
اذا كان الكحول نص لتر =500 مل
اذن يضاف عليه تقريبا 33,5 من المثبت
وبذلك يكون الخليط جاهز للاضافة مباشرة للاسنس
اذا كانت ال50 مل (10 مل أسنس +40 مل الخليط)
اذا كانت لزجاجة ال 100 مل (20 مل أسنس +80 مل الخليط)
وبواسطة الكأس تستطيعى المعايرة من الأسنس أولا ثم تكملى بالخليط
ثم تسكبى الخليط فى الزجاجة ويرج جيدا ثم تغلق جيدا
ملاحظات :-
1- عند اختيارك للزجاجات تأكدى من أن الغطاء يغلق جيدا منعا للتسريب
2- بعد أن تنتهى من التركيب لابد وأن تضعيها فى الفريزر
لمدة لا تقل عن ثلاث أيام للتعتيق ولا تقلقى فالكحول لن يتجمد ثم بعد ذلك فى مكان مظلم لا تفتحيه لأكبر فترة ممكنة وتذكرى كلما طالت فترة التعتيق كلما زاد التركيز أكتر
3- من الممكن أن تزيدى نسبة الأسنس الى 12 مل ولكن أكثر من ذلك سيؤدى الى التزييت
4- مهم قوى انك تغسلى الزجاجة بالكحول قبل اللاستخدام وايضا الكأس من أسنس للأخر
وبكده تكونى وفرتى كتييييييييير اوى وركبتى اللى نفسك فيه زى ما بتركبيه بره واحسن طبعا بكتيييييير اوى وممكن لو عندك عطر غالى وقرب يخلص اعملى الطريقه دى على اللى باقى منه حيبقى عندك كميه تانيه جديده وبدون تكاليف
موضوع: تعالى اعلمك ازاى تركبى برفانات لوحدك 
الثلاثاء 08 ديسمبر 2009, 3:51 am