زوجى الحبيب هيا بنا سويا الى الجنة

ونعطر الصفحة البيضا الجميلة دي بأيه بقى ما فيش غيره اغلى واحلى عطر الاخلاص لله واحتساب العمل كله لله وكدة ان شاء الله نفرح لأننا نكون زي المجاهد في سبيل الله وكمان الاخلاص شرط قبول العمل

الحب مفتاح القلوب الحب ثم الحب ثم الحب

[ندعوك للتسجيل في المنتدى أو التعريف بنفسك لمعاينة هذه الصورة]

أول فكرة عملية لي بسيطة أوي

كل واحدة فينا تقعد مع نفسها وتقعد تفتكر كل صفات جوزها الجميلة وكل مواقفه الحلوة معاها وأعماله الصالحة ومواقف الشهامة والرجولة الي عملها والذكريات السعيدة الي بينهم والاماكن الجميلة الي كانوا فيها مع بعض وتعبه في شغله عشانك وعشان الاولاد وكبري الصورة دي في نفسك اوي عشان تشوفيه كبير ومحترم ويستاهل حبك واحترامك وتقديرك

بس أوعي تقولي انا مش لاقية له حاجة حلوة لان ده مستحيل ما في انسان يخلو من خير
وكل ذكرى وحشة او موقف ضايقك منه تجاهليه دلوقتي ان شاء الله نعالجه بعدين بس افتكري احنا بنبدأ صفحة بيضا جديدة

انا متأكدة انك باذن الله لو عملتي كدة هتلاقي ان جوزك فيه حاجات كتيييييييييير حلوة انتي ما كنتيش شايفاها وهاتحسي ان فعلا الحب هايزيد في قلبك وهاتروحي بسرعة تعملي له حاجة حلوة تفرحيه بيها

هاروح أجمع افكار تاني وانتو يا فتوكات كله يشتغل ان شاء الله عاوزين السعادة ترفرفر على كل بيوت المسلمين والحب الي يرضي ربنا يملا القلوب

طاعتي لزوجي لا تنقص من قدري
طاعتي لزوجي ارضاء لربي
طاعتي لزوجي امتثالا لأمر حبيبي محمد صلى الله عليه وسلم

[ندعوك للتسجيل في المنتدى أو التعريف بنفسك لمعاينة هذه الصورة]

يالا على فكرة النهاردة دي بقى ليكي انتي يا قمر ليه لان ربنا فطرك عليها ربنا فطر كل النساء على حب الزينة والجمال

الله جميل يحب الجمال
انتي قمر انتي حلوة انتي أميرة

وعلى فكرة انت حلوة ولازم تكوني احلى لنفسك اولا لانك تستاهلي تكوني حلوة ومعروف ان كل ما بتهتمي بنفسك وجمالك كل ما ثقتك في نفسك بتزيد وتشعري بكيانك اكتر
وثانيا انتي حلوة لجوزك حبيبك لان المحبوب يحب دايما يشوف حبيبه في احلى صورة

ايه بقى الخطوات العملية - طبعا يا قمر دي امثلة وماشاء الله المنتدي ملياااااااااان بوصفات هايلة نشوفها ونحاول نطبقها ان شاء الله

1- العطر ( البرفان ) تعرفي ان الرسول صلى الله عليه وسلم اشترى للسيدة فاطمة بنصف مهرها عطور شوفتي العطر مهم اد ايه اشتري برفان حلو وياريت بكون من نوع جوزك بيحبه ومش مهم لو غالي يستاهل

2- جددي في نفسك اعملي نقش حنة - صبغة - غيري قصة شعرك- غيري نمط لبسك في البيت جربي تلبسي لبس خروج في البيت - غيري الوانك الي متعودة عليها

3- انزلي اشتري هدوم جديدة ونقي الوان رومانسية ناعمة وتكون فيها انوثة وحركات وتظهر جمالك ومش هاوصيكي على اللانجري

4- اعرفي ايه اكتر حاجة جميلة فيكي وابرزيها يعني لو جسمك حلو ورشيق هاتي هدوم تظهر ده اكتر ولو اسنانك حلوة خليكي مبتسمة طول الوقت ولو مش حلوة خليكي مبتسمة بردو عشان دي صدقة

5- اعرفي ايه المشاكل الي ممكن تقلل من جمالك وحاولي تعالجيها يعني الوزن زايد حاولي تنزلي شوية شوية وما تحبطيش نفسك لو مقدرتيش ولو عندك مشاكل في البشرة او الشعر حاولي تعالجيها

6- الصوت اكتر ما يميز الانثى خلي دايما صوتك واطي وناعم وقريب للهمس طبعا دي ممكن تبقى صعبة شوية عند بعضنا بس معلش نحاول وتكون مشيتك وحركاتك فيها رقة ودلع عشان يحس ان في فرق بينك وبين صاحبه الي معاه في الشغل

7- نضفي نفسك من جوة يعني الغل الحسد الحقد الكره كل الحاجات الوحشة دي اوعي تكون في قلبك وانا ان شاء الله عارفة ان كلكم قلبكم زي الفل

8- كل ما تحسي من جواكي انك جميلة كل ما ده هاينعكس على شكلك الخارجي وينتقل الشعور ده لكل الي حواليكي واولهم جوزك حبيبك

9- قيام الليل السر الاول للنور ووضاءة الوجه

انا كدة خلصت هاروح بقى اضور لكم على افكار جديدة واجيبهالكم ان شاء الله وانتو كمان يا قمرات يالا عاوزين همة وزي ما اتفقنا
كل يهون عشان الجنة
[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ورحمة الله وبركاته

حبيباتي ولأننا بنتكلم عن فيتامينات تقوي السعادة الزوجية اليوم احضرت لكم من أحلى صيدلية من صيدلية السعادة الأبدية فيتامين اسمه فيتامين (إ) نعم وهو اختصار لكلمة إشباع ......

عشان تفهمي طريقة تناول الفيتامين وأثاره لسعادة ممتدة المفعول فخليني أسألك ممكن؟؟؟؟
طيب شكرا ....
ما هي أحلى أكلة بتحبيها ؟؟؟؟؟ ها ؟؟؟؟ ممتاز تاكليها بالهنا يا رب ...
طيب لو قلت لك ان أكبر شيف في العالم واشطر شيف هايطبخ لك الاكلة دي وعندك المنيو مفتوح لحد الاشباع ..... تاكلي حتى تشبعين وبعد الشبع اذا أردتي ....
أكلتي ؟؟؟؟ بألف هنا وشفا ياعمري .....

طيب لو جينا وانتي شبعانة خالص كدة وقدمنا لك أكل أحلى وأحلى من كل الي أكلتيه ممكن تقربي له ؟؟؟؟ سمعاكي وانتي بتقولي مستحيل لاني شبعانة على الآخر مستحيل حتى أني أشوفه بالعكس أنا لو شوفته ممكن أتعب أو يصيبني - أعزكم الله جميعا - الاشمئزاز من هذه الأكلة الجميلة !!!!!!!

أنا بقى بسأل أخواتي هل قدمتي لزوجك فيتامين الاشباع حتى لا يتخيل أن ينظر لأي ظالمة سارقة أخرى تسعى بكل الطرق للاستيلاء عليه من بين يديكي هل فعلا اشبعتيه حتى ينظر لهذه الاخرى حتى لو كانت أجمل نساء العالمين نظرة إشمئزاز ؟؟؟؟؟؟؟؟؟

هل أنتي له أم وإبنة وصديقة وعشيقة وزوجة وفية وأم تربي له أولاده ومدبرة منزل ترتب له كل حياته وقوة دفع تدفعه دائما بمنتهى القوة للنجاح والتطور ونسمة رقيقة تلطف حياته من كل التعب والهموم وأخت له في الله تأخذي بيده للجنة والطاعة وناصح أمين تشوري عليه بكل ما يسعد حياة اسرتكم وكاتم أسرار وسكرتير لشغله وووووووو ؟؟؟؟؟؟

لو كنتي كل هؤلاء فقد منحتيه أعلى جرعة من الإشباع فهنيئا لكي به عبد بين يديكي لا يقول طلباتك أوامر ولكن يقول أحلامك أوامر وينفذ باذن الله

وان لم يكن فعودي يا أختي ورتبي أولوياتك من جديد ؟؟؟؟؟؟ فأنتي في حاجة شديدة لذلك

ربنا يستر
دائما كانوا بيقولوا
القدماء
أحترس من رضا زوجتك عليك

الله عليكى يا روز موضوع اكثر من رائع جميل اوى وفعلا ازواجنا يستاهلوا مننا اننا نتعب علشانهم ونرضيهم ونسعدهم لاننا لانساوى شئ بدونهم ربنا يخليهم لينا ويباركلنا فى صحتهم وعمرهم ويديم السعاده فى كل بيت يااااااااااااااااااااااااااااااارب
اما انتى يا روز مهما شكرتك على الموضوع ده مش حيوفيكى حقك ربنا يجزاكى الجنه امين يارب

شكرا يانورهان على مرورك وعلى دعوتك الجميلة انا وانتى وجميع المسلمين على حوض الحبيب محمد رسول الله

زائر

طاعتي لزوجي لا تنقص من قدري
طاعتي لزوجي ارضاء لربي
طاعتي لزوجي امتثالا لأمر حبيبي محمد صلى الله عليه وسلم

جزاكي الله خيرا rose علي هذا الطرح الرائع.

» مالي تهزم مالاوي ويودعان سويا كأس الامم الافريقية
» جمالك من وصايا رسولك الحبيب
» أنجولا تتعادل سلبيا مع الجزائر ويصعدان سويا لربع نهائي أمم إفريقيا
» مكياج الجنة
» اول واحد يدخل الجنة