اضحك

الأول : الاتوبيس ده بيروح مصر الجديدة؟




الثاني : على الحديدة !!... ليه انت طالب احسان؟




الأول : بذرة الكتان !! لا ..دي تلاقيها عند العطار




الثاني : جزار !! اه ..قوللي كده .. عايز تشتري لحمة




الأول : معك حق.. الدنيا زحمة ..علشان ده ميعاد خروج الموظفين




الثاني : نور الدين !! لا والله .. ماعرفوهش




الأول : ما بتشربوش!! ليه ..كفا الله الشر؟




الثاني : رأس البر !!! ..ده مــصيف هادي




الأول : عايز تركب للمعادي... دي منطقة جميلة




الثاني : بليلة ؟!! انت شكلك كده جعان




الأول : عيان ؟!!! أي والله .انت باين عليك عيان ..طيب ما تروح للدكتور




الثاني: الحنطور !! ده احسن من الأتوبيس ، وبيوصلني لحد الباب




الأول : هبــــاب !!! وانا اللي كنت فاكرك محترم




الثاني : اتخـرم !! هو مين ؟؟




الأول : عاوز اسـبرين ! ليه انت عندك صداع ؟




الثاني : قراع !!! يانهار اسود .. ده مرض خطير




الأول : لا والله مش عايز.؟ وبعدين مش بأحب الفطير.. تقيل على المعدة وتمنه غالي




الثاني: خالي.. انت تعرف خالي ؟ ده راجل كبير في السن




الأول : الجن .. نهارك مش فايت ..انت عليك عفريت !؟




الثاني : لا والله ..ممعاييش.. انت عايز الكبريت ليه ..؟ عايز تولع؟





الأول : أدّلع ! أدّلع عليك انت !؟ انت ما تملاش عنيا



الثاني : يقبضوا عليا !! ليه !؟




الأول : انت غريب يا راجل انت..شكلك شحات
(يدفعه من القميص)
روح اشتغل شغلة تاكل منها عيش




الثاني : خيش !! والله ده صوف انجليزي




الأول: بنتك زيزي !!! ربنا يخلّي




الثاني : إنتاج محلي !!! ده مستورد







يمر شاويش من بتوعنا ... يلفت انتباهه الحوار، : بتعمل ايه يا جدع منك له
!!!




الاتنين: مافيش يا شاويش ...احنا مستنيين الأتوبيس





الشاويش : نهاركم مش فايت .... جواسيس !!! قدامي على القسم
:pirat:

مشكووووووووووور يامااااااان

هههههههههههههههه
حلوة موت ميرسي كتير

لا لا يا بوص بتاع ميلودي ده هايجيلك انت وانا كفايه عليا رد الناس اللي ردو عجبهم قوي علي فكره لو تلاحظ الردود ومش مشكله لو معبجش انت بس يعني اهو كنت تقول اي حاجه يا اخي حلوه كويسه مش لازم يعني الكلام ده وبعدين انا ملاحظ حاجه انت الوحيد اللي ردك وتعليقك كدا مش عاجبك حاجه ودايما كدا تبرد كدا يا خي حتي لو وحشه بلاش تقول وحشه مش عليا انا والله سيبك ده حتي في فرفشه يعني كله ضحك وهزار انا بتكلم علي باقي المواضيع الجاده وعلي العموم تشكر يا بوص ومتقبل مرورك

عارف يا استاذي كفاية كلامك ده وده فعلا اسبتلي انك فعلا راجل دماغه كبيره حتي لو معبجكش بترد بطريقه تخلي اللي كتبه برده سعيد وانا مش هاتلكم في حاجه ولا هاقول ولا كلمه بعد كلامك ده يا كبير وانا مبزعلش من حد وبشكرك علي اهتمامك السريع ياريس مجدي بشكرك جدا

وانا اسف انى دخلت وعلقت على الموضوع
وبتاسف انى بضيع وقتى فى الكلام الفاضى....
ده كلامك انت انت بتقول انا مش هاعملك طريقة كلامك انت شايف ان ده كلام يتقال ياعم انا مش عارف ليه كلامك واقف كدا طب ما مدير المنتدي علق علي الموضوع بس بطريقه لطيفه وكويسه وشيك يااخي الكلمه الطيبه مفيش احسن منها وبعدين انت بتقول مبردش علي الكلام الفاضي امال ايه اللي دخلك ده اسمه فرفشه انت ملكش في الفرفشه والكلام الفاضي متردش وبدره شكرا علي مرورك علي موضوعي

الموضوع والله حلو يا جماعه
وخلاص بقي احنا كلنا اخوات منتخانقش علي حجات صغيره كدا
عدوا لبعض
والصراحه متزعلش يا جماعه
هوا معجبوش الموضوع خلاص في غيره عجبه
مش لازم الكل يعجبك مع انه المفروض يرد رد حلو بس خلاص يعني مش هنمسك عالحجات الصغيره
وانت برده يا كينج المفرود مكنتيش تخبط فيه
وبأمانه كده ايلي هدي النفوس الاستاذ مجدي
الصراحه حلوه
هوا قوي كينج علي محمد الفيشاوي
ومحمد الفيشاوي انرفز فرد رد وحش
انا هطردك من المنتدي يا مستر مجدي
خلاص بقي يا جماعه محصلش حاجه

والله يا صحبي انا مبقولش كدا من الباب للطاق طب منت رديت بس بص علي كلامك عامل ازاي انا بشكرك والله وانا قولت يا صحبي انا مبزعلش من اي حد وانت انسان محترم جدا وانا مش هاعمله طريقة كلام ولا حاجه ولا عايز اتكلم معاه من اصله لان ده مبيقتنعش باي كلام من الغير فا ملوش كلام معايا بس وخلصت احنا اصلا منعرفش بعض تخيل انت عامل موضوع وانا دخلت خليت موضوعك ده ملوش اي لزمه وحط نفسك مكاني ولو دقيقه بس وانا مش عايز ادي الموضوع ده مساحة اكتر من كدا لانه فعلا ميستهلش يعني كدا حلو قوي قوي وشكرا ليك

وحدو الله
يا جماعه

شكرا يا كينج علي مدخك فيا بس والله لو انا منك كنت ؤلتله شكرا يا محمد وخلاص اصل فيه غيره كتير عجبه فمش رده ايلي هيزيد او يتنقص
وشكرا يا كينج وحصل خير
مفيش حاجه خالص
احنا كلنا اخوات ومن حته واحده

وخليك انت الكبير يا كينج
انت فعلا شكلك كينج
عديهاله بقي هوا كمان قايلك الموضوع بجد مضحك بس يشل علشان هوا طويل بس مش اكتر هوا بيهزر بس دي طريقته في الهزار
وشكرا يا كينج

والله يا ميزو انت اللي راجل زي العسل وفعلا انسان كويس انا اتشرف بمعرفتك انا مبشلش من حد والله ما زعلان منه ومش هاتكلم في الموضوع تاني ولا قال ايه ولا ايه الي حصل انا بس كسبت من الموضوع ده كله ناس كويسه بجد حتي لو هوا فعلا موضوع مش جد بس اهو الواحد لما بيلاقي اي حاجه تخرج الناس من هما الكبير اللي عايشه فيه بيقدمه ده كان قصدي يا جماعه والله بس انا عرفت بردود الناس اد ايه هيا ناس جميله بجد ويشرفني نتعرف علي بعض يا ميزو انا هابعتلك رساله علي الخاص عشان نتعرف اكتر لو انت حابب ومرسي يا قناص ومرسي يا حلوانيه علي مدخلتكو ويهمني نتعرف اكتر شكرا

ههههههههههه موضوع ضحكني كتير