كلمه من حواء الى ادم

عزيزى ادم احب ان اعطيك فكره عن اشياء تفعلها تهدم حبك لزوجتك دون ان تشعر بذلك فمثلا نجد فى مجتمعنا الشرقى انه (عييييييييييب ) لو الراجل قال لمراته بحبك واعلن حبه لها امام الجميع فلماذا هو عيب؟ ولماذا تنتظر منها فى نفس الوقت ان تبادلك المشاعر وتصرح لك بحبها؟ لماذا نعتبر تقدير الزوجه والاعتراف بحبها عيب وميصحش هو انت اعظم من رسولنا محمد عليه افضل الصلاه والسلام عندما كان يسأل من احب الناس اليه كان يقول عائشه ولم يستحىى ان يعلن هذا, يارجاله يا مصريين ارجوكم ادوا لزوجاتكم حقوقها انا مش قصدى الحقوق المتخلفه اللى بتنادى بيها الستات فى الزمن ده المساواه وكده لا انا قصدى حقوقها فى المشاعر حاول تقدر تعبها معاك واغفرلها اى ذله مهى برضه بتتحمل كتير اوى فى البيت وتربيه الاولاد ودى المهام اللى ربنا خالقها علشانها واتحداك انك تقوم بيها؟ بس مش معناه اننا نقول لا هى وظيفتها كده فى الدنيا لا هى مش خادمه هى زوجتك ام اولادك صديقتك امك كل شئ لك فى الوجود حسسها انك مقدر تعبها جرب مره تعلق تعليق حلو على اى حاجه عملتها وحتى لو مكانتش حلوه اوى حسسها انها عملت اعظم حاجه فى الوجود سمعها احلى كلام منك مش دايما نقد نقد . والله لو حاول كل راجل انه يراجع نفسه ويعامل مراته زى على الاقل ما بيعامل زميلاته فى الشغل وزى ما بيكلمهك بكل رقه وعزوبه طيب مراتك اولى ولا ايه؟ حاول تعيد حساباتك وحتلاقيها بتديلك كل الحب اللى فى قلبها لان مش كل المشاكل سببها هى انت برضه بيبقى ليك يد وانت اللى تقدر تطوعها على مزاجك
اسفه انى اقتحمت عالمكم بس دى نصيحه من اخت ياريت تقبلوها ولو لم تقبلوها متزعلوش منى برضه انى قلتها واتمنى للجميع حياه اسريه هادئه وكلها حب وبيت مستقر باذن الله

يارب كل ادم يقرا ويستفيد وينفذ الكلام ده يارب نتمنى

]طبعا انا مش بنكر ده الستات بيغلطوا برضه هما مش ملايكه لكن الرجاله فى ايديهم يخلوا الستات يتكسفوا يعملوا اى حاجه تزعل لما يبقى رقيق معاها ويقدرها هى بالتالى حتقدره وتحترمه وعمرها متزعله ادم هو اللى فى ايده يروض حواء

يارب ويصلح حالنا جميعا ان شاء الله ويهدينا