مواقف محرجه

زائر

السلام عليكم و رحمة الله و بركاته

مواقف محرجه
ممنوع الضحك ( [ندعوك للتسجيل في المنتدى أو التعريف بنفسك لمعاينة هذه الصورة])

كنا بنحكى على مواقفة محرجة حصلت وعجبتنى وقلت احكيها

وكان كل واحد بيقول اكتر المواقف محرجة لية

وكانت كالتالى

مرة كان واحد صاحبة زملكاوي

في ماتش الاهلي و الاسماعيلي

وانا كنت اقنعته انه يقعد معايا في مدرجات الاهلي

المهم هو جه عامل فيها بورم و لابس تي شيرت اصفر

ولا اكنه سبع رجاله في بعض

و احنا كلنا بنشجع و هو قاعد

و كل ما تيجي هجمة للاسماعيلي يشجع المهم الناس شكت فيه

في بداية الشوط التاني

سمعنا دوشة ورا

في اعلي المدرج

بنسأل فيه ايه

قالولنا مسكوا واحد زملكاوي

لقيت صاحبي دة نط و خطف مني العلم

و بيقول اوووووووووه اهلاوي

اووووووووه اهلاوي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

بيقولى كنا فى صلاه الجمعه فى مره وكان فى الصيف فالناس قاعده بقى ونعسانه على الاخر

المهم الخطيب كان بيقول احنا بقينا فى زمن محدش فيه يامن على بيته

الراجل يقول لمراته انتى رايحه فين تقوله كنت عند ماما وهى جايه من عند الحبيب وزعق الخطيب

فى كلمه الحبيب

المهم الناس كانوا نايمين ففجاه كلهم فى نفس واحد عليه الصلاه والسلام

شوفتوا بقى لدرجه ايه ان عدم الاهتمام بالخطبه مكن يودى الناس فى داهيه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ

كنت أدام بيت واحد صاحبي و كان فيه عربية مركونة إزازها مكسور مش مفتوح ..

بس فالواد صاحبي قاللى روح رن الكالاكس بتاع العربية دي كده محدش شايف ..

و انا بكل تلقائية رحت ضربت الكلاكس كان الواد صاحبي جايب البواب بتاع العمارة و قايله ده حرامي .

الراجل شافني بمد إيدي في العربية ..

الكالاكس عمل تيييييييييييييييييييييييييييييييييت ..

و إيد على قفايا عملت طااااااااااااااااخ ..

و انا بصراحة ما كانش عندي كلام أقولوا هقول إيه يعني ..

بس عملت الواجب مع الواد صاحبي ده كان واقف يضحك و انا بترزع القفا ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

مره وانا ماشى فى الشارع رايح الدرس واحد كان راكب العجله بسرعه

راح ضربنى على قفايا وقالى ياحمار

انا عقبال لما فقت من المفاجاءه كان الناس كلها اللى فى الشارع ضحكت خلاص

فاللى طلع عليا بصراحه رحت قايله

ربنا يسامحك

طبعا هوه حتى الكلمه سمعهاش لانه كان فلسع خلاص

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

مرة موقف أخويا عمله .. بس أنا اللى أحرجت فيه ..

واحد صاحبي أوي قالي لازم تيجي تزورني انهارده .. قلتله ماشي .

قالي بس على شرط .. تجيب أخوك الصغير معاك ..

ساعتها كنت في إعدادي .. و أخويا كان يعمل كده رابعة خامسة إبتدائي ..

بس و مهما حكيت مش هقولكوا أخويا ده شيطان إزاي

عشان كده أهل الواد صاحبي ده كانوا عايزين يشوفوه ..

بس فرحتلهم و معايا القرد أخويا .. و قلته يلزم الصمت و إلا هاوريه لما أروح ..

بس و الواد قعد ساكت خالص و بيتكلم بكل أدب ..

و بعدين فجأة قالي : أحمد أنا عايز آكل ..

كانت الناس مش قاعدين معانا ..

قلتله : بص يا عبودي هما أصلا مش واقفين معانا عشان بيجيبوا الأكل ..

قالي : ماشي أديني مستني ..

بعدين جم و ما كانش معاهم أكل ..

قعد يخبط على رجلي جامد و يخبط على ضهري ..

و أنا أشاورله بإيدي يصبر يعني .

و بعدين و في وسط ما الواد صاحبي و أمه و أبوه قاعدين معانا ..

راح جاي أخويا قايم و فاتح التلاجة أدامهم و قايل :

من آمن بالله و اليوم الآخر فليكرم ضيفه ..

وشي بقى عامل زي القووووووووووووووووووووووطة ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ

كنا مره في صلاة الجمعه والامام بيصلي بينا وكله مركز في الصلاة

ومن حظي الهباب انه كان في عيل دماغه تعبانه واقف بيصلي جمبي

المهم والامام بيقرى القران عربيه عملت صوت جامد اوي بره

واظاهر خبطت في حاجة المهم المعلم اللي جمبي ربنا مش يهديه ويسكت

راح قايل تيييييييييت البس يازبون ومقلكش على اللي حصل بقى

كل الصف ساب الصلاة واترمة على الارض من الضحك

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

مره كنت انا وواحد صاحبى بنلعب كوره قدام بيتى

وصاحبى طلب منى اكلمهم عنده فى البيت وابلغهم انه عندى وحيتأخر

المهم انا اتصلت بيهم ومامته ردت عليه وانا ساكت مش عارف ابتدى الموضوع ازاى؟

وهى قعدت تقول الو الو وخلاص كانت حتقفل السكه فرحت رادد

لو سمحتى احمد موجود قالتى لا والله يابنى مش موجود

قلت لها اصله بيلعب عندى كوره وقفلت السكه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ

كان فى شيخ بيخطب يوم الجمعة وطبعا الناس يوم الجمعة بيجوا علشان يناموا على خطبة الامام لانه مش بيعرف ينام الا على خطبة الامام المهم الامام اضيق لما ليقهم نامين فقال انتم يا مسلمين انا بخطب لنفسى طيب مش خاطب انت يا ولد هات الجزمة ولا استنى ده انا جاى حافى والناس ماتت على نفسها من الضحك

لو حد عندة مواقف محرجة يجى يحكى ومش يتكسف

[ندعوك للتسجيل في المنتدى أو التعريف بنفسك لمعاينة هذه الصورة]

دمها خفيف خالص والله جزاكى الله كل خير اضحكتنى

زائر

السلام عليكم و رحمة الله و بركاته

ربنا يسعد قلبك و يفرحك
كمان و كمان rose
سعدت بتواجدك و بردك الكريم.

Sad

انا مش هادر اضحك بس بصراحه جميييييييييييييييييييييييله جدا تسلم ايدك نبض ومنطزرين المزيد

زائر

السلام عليكم و رحمة الله و بركاته

مش قادر تضحك ليه يا عمر؟!!!
شكرا لك علي مرورك الكريم.

مش حضرتك الى ألتى عموما ولا تزعلىههههههههههههههههههههههههههههههههههههههههههههههههههههههههههههههههه

زائر

السلام عليكم و رحمة الله و بركاته

هههههههههههههههههههه
و لا يهمك يا عمر نسيت اللي كتبته اصلا.
لسه واصلة بس دلوقتي ... معلش الجو حر.
سعيدة بمرورك مرتين علي الموضوع.

اوكى نبض ومنطزرين المزيد والجديد

زائر

السلام عليكم و رحمة الله و بركاته

شكرا لك يا عمر.

Sad

» مواقف أتوبيس غير عادية ... شوف الكلام !!! (ماله موقف شبرا؟؟؟)مواقف أتوبيس غير عادية ... شوف الكلام !
» مواقف مضحكه
» غرائب و مواقف
» مواقف لانيس منصور
» مواقف لانيس منصور