لو فاضي شوية ... أدخل فرفش

السلام عليكم و رحمة الله و بركاته



لو فاضي يلا اااااااااااااااااااا نفرفش شوية



* واحدة ست جالها وجع الولادة اتصلت بامها جت أمها اتصلت بالدكتور ، الدكتور دخل يولّدها جاب العيل ومسكه من رجليه وضربه صرخ الطفل فاطمئن الدكتور ، وبص لقي عيل تاني مسكه من رجليه وضربه فصرخ الطفل فاطمئن الدكتور ، بعد كده الدكتور غسل ايده ومشي .. الست قالت لامها انا حاسه بحاجة بتتحرك! كشفت الأم لقيت عيل بيبص وبيقول هو الراجل الغِتِت اللي بيضرب العيال مشي ولا لسه







* واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة اخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له اتفضل إنت الأول .







* مرة واحد بلديتنا راح يشترى قفل فالبيّاع جابلوا قفل كبير فقاله بلديتنا يا بووووى !!
راح البياع جايبلوا قفل صغير فقال بلديتنا يا خوووووى





* واحد صاحب مزرعة فراخ محمل العربية فراخ و سايق وقفته لجنة و
سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح و البلد مش لاقية تاكل؟؟".

و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة و تسمم الناس؟".

الراجل مكمل ع الطريق وقفته لجنة، الظابط سأل له "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي عايزاه"







* واحد نشر اعلان في الجريدة يقول فيه سوف يقام معرض للحمير يوم كذا ساعة كذا وفي اليوم المحدد ذهب مجموعة من الناس ولم يجدوا سوى أنفسهم في المعرض


* واحد قال لخطيبتة لما ازمر لك تبقي تنزلي قالتله انت جبت عربية قال لها
لا جبت زمارة





* مدير مدرسة عمل فرح وزع على المعازيم أرقام جلوس




* واحد شحات راح لواحد عجلاتي قال له أعطيني مما أعطاك الله، قال له
العجلاتي خد لك لفة.





* واحد صعيدي راح امريكا لقى كل الشباب لابسين تي شيرت مكتوب علية سفن
اب ... كوكاكولا ... بيبسي
راح كتب على الجلابية عصير قصب




* دكتور عيون قاعد مع خطيبته في حديقه الاسماك معاه ورده قالها شايفه
الورده دي يا حبيبتي قالت له ايوه فرجع ايده لورا شويه وقالها طب وكده





* كمسري أبوة مات ماشى في الجنازة يقول يا حضرات الجنازة فاضية آدام







* فرختين ماشيين الاولى معلقة بيضة على رقبتها .. فالتانية بتسالها اية البيضة
دى؟ قالت دى صورتى و انا صغيرة





* واحد جزمجى زعل...جت له جزمة نفسيه





* جزمجى ابنه مات ...نزل له فى الجرنان نعل كبير




* واحد جزمجى أبوه مات.......جه يعمل له أربعين طلع ضيق عليه ...عمل له 42





* مره مسئول كبير راح يفتتح حمام سباحه كبير في سوهاج

فكان مدير الحمام بيشرح له مميزات الحمام فقال:

ده يا فندم المنط العشرين متر اطلع يا محمدين نط فنط

و ده يا فندم المنط الاربعين متر اطلع يا حسنين نط فنط

فقال المسئول هايل هايل

فقاله المدير ولسه كمان يا فندم لما نملاه ميه







*بلدياتنا سافر بالطيارة ومعه قرد قالت المضيفة الحيوان ده معاك ......هز القرد رأسه







* واحد بلدياتنا واقف قدامه خمس شياطين .... واحد يوسوس له و أربعه يفهموه .



*كان فى طيارة فيها اربعة واحد امريكى وواحد ايطالى وواحد المانى وواحد صعيدى الطيار قال لازم
تلاتة ينطوا من الطيارة احسن تقع جه الامريكى قال احنا بتوع الشجاعة وراح ناطط وجه الالمانى قال احنا بتوع الكراتيه وراح ناطط وجه الصعيدى قال احنا بتوع الغلاسة وراح زاقق اللى جنبه





* مرة واحدة غنت لجوزها أغنية نانسي " إهدى حبيبى كدة وأرجع زى
زمان"، الراجل طلقها و رجع لأيام العذوبية



* مرة واحد بيعاكس وحدة سودة قالها اموت فــ ي
البيبسى ... تفت عليه ... قالها وكمان بتفورى







* واحد ندل جاب كاسيت ووقف قدام ملجأ أيتام وشغل أغنية بابا فين

* واحد ندل اشتغل في المطافى عبا حنفيات الحريق بنزين



* واحدة بقا ندلة بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس يالهوي وعملتي إيه ... عملت بامية وأمري لله ...



*اتنين بيحششو عند الهرم فواحد بيقول التاني تعرف ان الفراعنة قعدوا سنين يبنوا في الأهرامات

التاني قال له يا راجل ليه كدة قال كل ما يرصوا حجرين يجي البوليس و ياخدهم



* أتنين مسلمين محمد و إبراهيم تايهين فى الصحرا وجعانين فجأة لقوا دير إبراهيم قال لمحمد أنا هأقول لهم إني اسمي جرجس ومحمد قال له لا يا عم .. أنا هاقول اسمي محمد فسألهم القسيس عن الاسم فقال إبراهيم اسمي جرجس ومحمد قال اسمي محمد فقال القسيس احضرو الطعام لمحمد و قولوا لجرجس نحن اليوم صائمون



* واحد أخنف حظه وحش قوي وقع في حفره و فضل مستني لغاية ما واحد جه و على حظه كان أخنف برضه الأخنف اللي فوق قال
... استنى شوية .. حاطنّنعك دنوأتي قال له : نبنا يخنيك بسنعة .. قال له و كمان بتتنيأ ؟؟؟
طب شوف بقي مين حيطننعكّ




* اثنين أغبياء شافوا طياره الأول قال إنها طياره الرئيس فقال الثاني إنها مش طياره الرئيس الأول والله دى طياره الرئيس الثاني لا مش طياره الرئيس فاتفقو أي حد معدى يسالوه فعدى واحد فسألوه دي طياره الرئيس فقالهم يا اغبياء طياره الرئيس بيمشي وراها موتوسكلات





* حلاق راح السينما شاف فيلم سوالف النينجا





* واحد مسطول ماشي في البيت خبط في أمه .. قالتله ايه ما شفتنيش .. قالها شفتك بس مش فاكر فين





* واحد صعيدي رجع من السفر لقى البيت مليان صراصير غير كالون البيت





* فيل اتجوز فرخة خلفوا تشيكن فيليه





* واحد تاكسجى نايم مراتة دخلت علية بالليل وقفلت الباب بشويش..صحى قال لها افتحية واقفلية تانى



*واحد سودانى اتجوز واحده سودانية خلفوا واد أشقر وعينيه زرقا سموه رجل المستحيل .







[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
ههههههههههههههههههههههههههههههه
ههههههههههههههههههههههههههه
ههههههههههههههههههههه
ههههههههههه
هههههه
هه
هههههههههههههههههههههههههه
هههههههههههههههههههه
هههههههههههههه
ههههههههه
ههههههه

السلام عليكم و رحمة الله و بركاته


سعدت بمروك الكريم

و أسعدني أكثر أنني حاولت إضحاكك .

السلام عليكم و رحمة الله و بركاته


أشكركم لمروركم يا virus ويا كوكي

و سعدت جدا إني حاولت إضحاككم .