الفتة المصرية

موضوع: الفتة المصرية الجمعة 02 مايو 2008, 10:07 am

طبق الفتة المصرية

[ندعوك للتسجيل في المنتدى أو التعريف بنفسك لمعاينة هذه الصورة]

المقادير:
كيلو و نص لحم ضاني مقطع
3 أرغفة عيش لبناني أو رغيفين عيش بلدي
2 كوب رز مصري
3 فصوص ثوم مفرومين
بصلة متوسطة
4 معالق سمنة
شعيرية
ملح و فلفل و حبهان (هيل) و مستكة و ورق لورا(غار) و قرفة (مسمار) و جوزة الطيب

مقادير الصلصة:
معلقتين سمنة
3 كوب عصير طماطم حمراء
معلقتين ثوم مفروم أو حسب الرغبة
نص كوب خل
ملح و فلفل و شطة حسب الرغبة

الطريقة:
-نسلق اللحمة مع البصلة و التوابل و نملحها بعد ما تستوي
-نحط السمنة في قدر لحد ما تقدح و نحط الشعيرية لحد ما تتحمر و بعدين نضيف قليل من الثوم و نقلبه و نضيف الرز مباشرة و نقلبه حوالي 5 دقايق و نضيف عليه مرقة اللحمة لحد ما تغطي الرز و نملحه و نخليه يغلي و بعدين نهدي النار لحد ما يستوي
-نقطع العيش قطع متوسطة أو صغيرة و نحمصه في الفرن
-نأخذ كوبين من مرقة اللحم و نغليهم مع باقي الثوم
-نحط العيش في طبق التقديم ( لازم يكون عميق شوية) و بعدين نسقيه بالمرقة شوية شوية لحد ما يبتدي يلين و بعدين نحط الرز فوق العيش
-نعمل الصلصة ، نحط السمنة على النار و نضيف الثوم و نقلبه لحد ما يبقى ذهبي ، نرفع االقدر من على النار و نضيف الخل و بعدين نرجعه ثاني لحد ما الخل يغلي ، نضيف عصير الطماطم و نخليها على النار لحد ما تتسبك كويس و نتبلها بالملح و الفلفل و الشطة
-نصب من الصلصة على وش الفتة و نرص اللحم و ممكن نحمر اللحم في السمنة قبل ما نحطه
-نقدمها ساخنة و نحط باقي الصلصة في طبق و نقدمها مع الفتة

،،،،،، و بالهنا و العافية ،،،،،،،

و كل عام و انتم بخير

[ندعوك للتسجيل في المنتدى أو التعريف بنفسك لمعاينة هذه الصورة]

» المرأة المصرية ... هل لك رأي ؟؟؟؟
» خفة الدم المصرية
» معلومات أساسية عن جمهورية مصر العربية
» تاريخ العملات المصرية
» مواصفات السيّارة المصرية