استقالة حسن شحاتة من تدريب المنتخب الوطنى رسمياً

تقدم حسن شحاتة، المدير الفنى للمنتخب الوطنى وجهازه المعاون، باستقالاتهم
رسمياً بعد خروج الفريق من التصفيات المؤهلة لأمم أفريقيا 2012 بغينيا
الإستوائية والجابون عقب التعادل السلبى مع جنوب أفريقيا مساء أمس الأحد.

عقد سمير زاهر، رئيس اتحاد الكرة، جلسة خاصة مع حسن شحاتة ظهر اليوم،
الاثنين، تناولا فيها الموقف بعد الخروج الأفريقى، وانتهت على الاتفاق على
استقالة الجهاز الفنى بالكامل مع تنازله عن الشرط الجزائى، حيث الانفصال
جاء بالتراضى بين الطرفين.

كتر خيره والله وهو عملنا اكبر انجاز فى تاريخ مصر وافريقيا وماتش امبارح ده اللعيبة مكنتش فى حالتها الطبعية ومن وجهة نظرى احمد المحمدى مايستهلش يلبس قميص منتخب مصر لانه ماعملش اى حاجة للمنتخب على العكس فى الدورى الانجليزى مكسر الدنيا واعتقد ان السبب انه بيجى المنتخب بيخاف يلعب احسن يتصاب يعنى خايف على رحلة احترافه اكثر من منتخب مصر

انا من وجهة نظرى ان اللى يمسك المنتخب ده وهيعمل معاه شغل جامد جداااا اولا طارق العاشرى وكلنا شفنا عمل ايه مع حرس الحدود والتانى طلعت يوسف وكلنا شايفين شغله الكويس جدااا مع الشرطه

يانور لو فكرت شوية هتلقى ان حرس الحدود مستواه ضعيف اوى السنة دى فقط غير السنين السابقة وده سلله ان فى 3 او 4 لاعيبه كانو اساسى مشيوه ومحدش جه بدلهم وطارق العاشرى اضطر انه يلعب بالناشيئين وده غير انه الموسم ده اتصاب منه لاعيبه مهمه جدااا زى اسلام الشاطر ولما رجع اتصاب احمد عيد عبد الملك يعنى هو حظو وحش جدااا الموسم ده وبيعانى من حاجات كتيرر مثل بتروجيت لما مشى منها وليد سليمان ومحمود عبد الحكيم ومحمد شعبان الفرقه وقعت علشان مجاش حد بدلا منهم فا طارق العاشرى معزور الموسم ده بسبب حظه الشئ فى الاصابات و رحيل اللعيبة المهمه من الفريق وبعدين الراجل ده اول واحد طبق خطة 4-4-2 ونجح فيها جداااا ومكنش فى فريق زى الحرس بيقدر يطبقها حتى الاهلى والزمالك ولما حسام البدرى حب يطبقها خسر كتير جداااا وانتهت برحيله