ناس قلوبها دايما متوحدة

فيه ناس ...... وناس

فيه ناس للتقوى قلوبها متشوقة
وناس كتيرة تانية بالهلس متعلقة
وناس بتشرب من نهر الخير بحور
وناس بتاخد منه يادوب بالمعلقة
فيه ناس جاهدت كتير وضحت
وناس تانية تموت لو عاشوا لحظة شقا
فيه ناس قلوبها دايما متوحدة
وناس مهما اتلمت قلوبها متفرقة
فيه ناس ...... وناس
فيه ناس صلاتها صلاة مؤمنين
وناس كتيرة تانية يادوب مؤديين
فيه ناس صلاتها صلاة القلوب
وناس مع الدنيا وهمها سرحانين
فيه ناس صلاتها صلاة الخشوع
وناس فى كل مكان عينيهم حيرانين
فيه ناس بتصليها على وقتها
وناس تانية نسيوها وعنها سهيانين
فيه ناس ...... وناس

فيه ناس صيامها للروح صيانه
وناس صيامها يادوب معدة جعانة
فيه ناس صيامها بيرفع لفوق
وناس ينزلهم لأوطي مكانه
فيه ناس صيامهم صون اللسان
وناس الشر في لسانها لبانه
فيه ناس صيامها صيام الجوارح
وناس صيامها نفوس زهقانه
فيه ناس ...... وناس

فيه ناس باره بأبوها وأمها
وناس نسيت يعني ايه تبرها
فيه ناس حطوهم جوه عيونهم
وناس حطتهم ورا ظهرها
فيه ناس كتيرة عرفت فضلهم
وناس جاحدة وناسيه فضلها
فيه ناس حطوهم فوق الدماغ
وناس تانيه م القسوة طيرت عقلها

فيه ناس ...... وناس

اخيكم
عادل الشرقاوي

تعالوا شوفو عمنا بيرم التونسى وخفه دمه وهو بينتقد تصرفات الناس فى رمضان اثناء الصيام
وحاجه تانيه هى الاهم لو حد كتب كلام عمنا بيرم ده النهارده الدنيا هاتقوم
عليه والمتاجرين بالدين حيتهموه بالكفر ومدعى الفضيله والاخلاق حياهجموه
واحتمال يخلوا المجتمع كله يهاجموا وماكانش بقى عندنا العبقرى بيرم التونسى

واعتقد الجو العام دلوقتى مايساعدش على الفكر والابداع بالطريقه دى
كل فنان جواه هسايه صغيره
بجد لازم نحترمها
نشوف بقى عمنا بيرم واول يوم رمضان

فطرت على كوم لحم

فطرت الصبح ف الأوتوبيس ...... على كوم لحم بالجورجيت
ووجـــه صبــوح وشعر يفوح ...... بعطـــر الفل والفيوليــــت
وجـــوز رجليـن تقول للعين ....... جمالـــي ولا مستنـجـيــت
وفي غض البصــــر آيات ...... وحافظها ....ولا غضيت
وبالله ده يبقى صوم؟
ونــص اليـــوم قعدنا كــــوم ...... نــداري الصــوم ونتسلــــى
أكلنــا لحـــــــــــم إخوانـــــا ...... يا ريتـــه كان كباب حلـَّـــة
أكلنــاه نــــي متـحـــبــــــش ...... بســــب الديــــن والملــــــة
وامــواتـهـــم لـعـنــــاهـــــم ...... وسبـيـنـا الـنـسـا في البيـت
وكيلنا التهم للقوم
وبعد العصـــر والصـايمين ...... ما بين تسبيــــح وقرايـــــة
خانقــت مراتــي ومراتـــي ...... ما بين منخـــــل ومقلايـــة
وستوتــــة اللــــى نـفـعـانـا ...... فتحـت دماغهـــا بعصايـــة
ولما استفتــــــح القـــــرآن ...... قفلـــت الراديــــو واتمديـت
ويا صايم دواك النوم
وقالــوا لي السهـــر يحلـى ...... هنـاك فـي حــي لاتينــــــي
ونا حــي اللاتيـن سابــــق ...... في سهراتــــه طلـــع دينــي
ذهبنـا للحسيـــن واخديـــن ...... بنــــات حــــي السكاكينـــي
وحـــي على الفلاح رنــت ...... ولاردوا ولا رديــــــــــــــت
وده كله في أول يوم!!

فيه ناس للتقوى قلوبها متشوقة

فيه ناس جاهدت كتير وضحت \

فيه ناس صلاتها صلاة مؤمنين

فيه ناس صيامها للروح صيانه

فيه ناس باره بأبوها وأمها

هم دول الناس اللي عاوزنهم وربنا يكتر منهم ...والباقي

لسه ادمهم مراحل حتي يتخرجوا ويحصلوا علي لقب انسان

ربنا يجعلك يا كبير مما ينشرون الفضيله

شكرا يا ابو سمره على مرورك

وكل عام وانت بخــــــــــــــــــــير

abeer كتب:: فيه ناس للتقوى قلوبها متشوقة

فيه ناس جاهدت كتير وضحت \

فيه ناس صلاتها صلاة مؤمنين

فيه ناس صيامها للروح صيانه

فيه ناس باره بأبوها وأمها

هم دول الناس اللي عاوزنهم وربنا يكتر منهم ...والباقي

لسه ادمهم مراحل حتي يتخرجوا ويحصلوا علي لقب انسان

ربنا يجعلك يا كبير مما ينشرون الفضيله

ربنا يهدي حالهم ويلحقوا ركوب سفينة التقوى قبل الطوفان

يوم لا ينفع مال ولا بنون الا من اتى الله بقلب سليم
شكرا مدام عـــــبير على مرورك العطر