الحب جواكي استحاله

يا ساقيه دوري عدي فوقي ودوسي
نصبوا عليا وشحتوني فلوسي
ربطوني فيكي حتى متغميت
هما اللي فرحو وحدي انا اتغميت

انا اللي صاحب البيت عايش بدون لزمه
ولما مره شكيت ادوني بالجزمه

مش لاقي تطفح اديك
هاتولنا وجبينو ودونا هنجيب منين نديك
مش لاقي تطفح اديك
طافح يا بلدي غدايا ولوعتي غدايا
وادي الاحبه التقوا واتجمعو عدايا
انا اللي زارعك دهب بتاكليني سباغ
ما ان كان دا تقل ودلع بزياده دلعك باخ

ما شفت فيكي هنا ولا شفت فيكي ترف
كل اللي فيكي قرف
كل اللي فيكي قرف

كرامتنا متهانه
واللقمه باهانه
بتخلفينا ليه لما انتي كرهانا

يعني ايه تبقى انتي هبه البيل يا بلدي
وكل يوم الميا تقطع

يعني ايه لما اشتكي غلو الفاتوره
يقولوا تشكي بس تدفع

لما قش الرز ثروه بتتحرق
لما نفط الامه ثروه بتتسرق

واما جلادك على ولادك بيبطش
واما علمك ما يلاقيش ياكل فيطفش

يعني ايه نرفع ايدينا بالسلام لجل للغزاه
يعني ايه لما ابقا ماشي اتشد اشتباه

يعني ايه لما اتحبس 4 سنين حبس احتياطي
حبس اعتباطي

يعني ايه مش حاسه بالعمر وغلاوته

بتصبي مر العمر ليه
دا انا كنت هوهبلك حلاوته

دا انا عمري ما اتامرت ولا حطيت شروطي

ومكان ما ترسى مركبك ببني شطوطي

انا كنت جيشك لما مماليكك باعوكي

وكنت يوسف لما عشت سنين عجاف

وضلوعي دي اللي في معركه قادش حموكي

وشفايفي دي اللي مبطلتش في يوم هتاف

انا كل شبر في ارضك اتمرمغت فيه

وكل يوم عشتيه انا اتعذبت فيه

بتكرهيني عيونك السودا وايامي اللي فاتت

مانتيش حبيبتي من النهارده ....حبيبتي ماتت

مع صوت ادانك جرس في الشده صاحينلك

من امتى كانو الحرس هما اللي باقينلك

بعتيني علشانهم وعنيكي معصوبه

يا هل ترى خاينه ولا زيي مغصوبه

كل الكلام اتقال والشعر بقا ماسخ

والصبر علو جبال والظلم شيء ماسخ

علمونا بالعصايه و رضعونا الخوف رضاعه

علمونا بالمدارس يعني ايه كلمه قيام

علمونا نخاف من اللناظر فيتمنع الكلام

علمونا ازاي نخاف نكش بس نسيو يعلمونا الاحترام

مستني ايه من طفل ربوه بالزعاق غير المشاكل والخناق

كل اللي بيقولك بحبك كان نفاق

انا لما قلتلك بحبك كان نفاق

الحب يعني انتين بيدو

مش ايد بتبني و 600 تيت تيت يهدو

الحب حاله الحب مش شعر وقواله

الحب يعني براح في قلب العاشقين للمعشوقين

يعني الغلابه ينامو في الليل دافيانين

الحب يعني جواب لكل المسجونين هما ليه بقوا مسجونين

يعني اعيش علشان هدف علشان رساله

يعني احس بقيمتي فيكي اني مش عايش عواله

يعني لما اعرق تكافئيني بعداله

الحب حاجه متتوجدش في وسط ناس

بتجيب غداها من صناديق الزباله

الحب جواكي

استحــــــــــــــــــــاله

.............................

أهـــلآ آهـــــــلآ يا سيكا

بالظبط زي القمر بتطلع مرة في الشهر

تنور المنتدى بطلتك البهية

لآ حرمنا المولى هذه الطلة

//

\\

الحب يعني جواب لكل المسجونين هما ليه بقوا مسجونين

يعني اعيش علشان هدف علشان رساله

يعني احس بقيمتي فيكي اني مش عايش عواله

يعني لما اعرق تكافئيني بعداله

الحب حاجه متتوجدش في وسط ناس

بتجيب غداها من صناديق الزباله

الحب جواكي

استحــــــــــــــــــــاله

كلمات قوية تهز الروح لو اصبح هذا هو حال الحب

رآق لي كثيرا ما طرحت

كن بحمى الرحمن يا فتى

شمعه اضائت موضوعى بضوئها الجميل
اشكرك لتقديرك يا لولا

وكل سنه وانتي طيبه

وسعآدتي لا توصف بتوآجدكـ النير

لآ تبتعد كثيرا وكن بالقرب دائمــآ

الله الله الله

فعلا قليل الكلام علي اللي مكتوب

جزاك الله خير يا شاعر يا موهوب

ويارب حد يسمعك ويتحرك ويقوم

ولكن علي العموم الصبرعلي الجبين مكتوب

ودايما تقول يارب القلوب

ولك جزييييييييل الشكر

فقد اثرت الوجدان

[ندعوك للتسجيل في المنتدى أو التعريف بنفسك لمعاينة هذه الصورة]

اسجل حضورى بالموضوع
والرد هقولهولك يوم 10\ 8 ان شاء الله لما اشوفك

اشوفك على خير يا مصطفى

تنور مصر يا احمد مستنيك

هي نبض الحياه غير نبض القلوب صح ؟؟؟

اصل انا بقالي كتير غايب

عمومااا شكراااا لتواجدك

تحيااتي للجميع ...

سمعت هذه الكلمات لاول مرة في قصيدة "جحا"
الشاعر هشام الجخ في برنامج العاشرة مساءً

[ندعوك للتسجيل في المنتدى أو التعريف بنفسك لمعاينة هذا الرابط]
بيفكرني بقصيدة :
"هذي بلاد لم تعد كبلادي"
لفاروق جويدة [ندعوك للتسجيل في المنتدى أو التعريف بنفسك لمعاينة هذا الرابط]

» ياسلام على الحب
» صور حديقة الحب
» ايه الفرق بين الحب والرومانسية
» الفرق بين الحب والرمانسيه
» الخيانة برغم الحب