شنطة رمضان

موضوع: شنطة رمضان الثلاثاء 27 يوليو 2010, 8:54 pm

كل سنة وأنتم طيبين
بمناسبة هذا الشهر الكريم
وكلنا فى رمضان بنستعد طبعا لهذا الشهر الكريم
ولكن كيف نستعد لرمضان
أولا :
نقوم بتخزين كمية كبيرة من الطماطم فى الديب فريزر أو اللى مش عندة ديب بيعصر الطماطم ويخظنها فى فريزر الثلاجة
ثانيا نقوم بتخزين كميات من المانجو
ثالثا: السمن البلدى والزبدة
بنعمل حساب الفراخ واللحمة والكفتة والمحشى
دا غير المخللات الليمون والزيتون والفلفل بنخللهم من قبل رمضان بشهر
ميزانية كبيرة ومرهقة جدا جدا
هذا فى حد علمى هو الآستعداد لشهر رممضان
ولكن هل منا من حاول أن يعرف كم أسرة حولة ليس لديها قوت يومها؟
ماأعتقدش وطبعا كلنا بنقول ( ربنا مابينساش حد )
لا فيه ..... فيه ناس كتير ماعندهاش فطار أول يوم
فيه ناس كتير ماعندهاش رغيف عيش
ولهذا أحنا فكرنا نعمل عشرين شنطة مجانية لشهر رمضان
لهذة الاسر
العام الماضى قمنا بعمل 12 شنطة لآسر محتاجة وبالفعل والحمد لله نجحنا فعلا فى تقديم هذة الخدمة
وهذة الخدمة قمت بعملها بمساعدة بعض القادرين فى العمل ومن بعض الجيران
النهاردة وقبل رمضان فكرة نجعلهم 20 شنطة
شاركنى فى العمل والتوزيع العام الماضى المهندس / عادل أو عادل سبيل
وهذا العام فكرنا نعمل 20 شنطة
ومن يريد المساعدة عليه بالآتصال بنا أو الكتابه فى هذا الموضوع
نحن لانقبل أى مبالغ نقدية ولكن نقبل مستلزمات للآسرة العادية
سكر / أرز / مكرونة / دقيق / فاصوليا / لوبيا / عدس /
زيت / علب سمن عبوة 1 كيلو / شاى / بلح / زبيب / جوز الهند
كل سنة وأنتم طيبين
ورمضان كريم

لو عايز تشارك معانا فى شنطة رمضان
ممكن وأنت فى مكانك
ممكن تشارك حتى بباكو شاى أو كيلو بلح أو كيلو دقيق
أصغر حاجة ممكن تسعد أسرة محتاجة فى أول يوم فى رمضان
ممكن تتصل بينا
وأحنا نيجى لغاية عندك ونستلم مشاركتك الكريمة
كل ماعليك هو أنك تتصل بينا على التليفون

0143512981

ونحن فى أنتظارك

جزآك الله كل خير آنت وبابا عــآدل وبآركـ فيكـم على هذه المبآدرة الطيبة منكـم

جعلها الله في ميزآن حسنآتكم

وان شاء الله تصلك كل المستلزمات التي يحتاجها كل من يستحقها

جزاك الله خير يا زعيم
وجعله في ميزان حسانت كل من شارك معك
وعلم وهوصي الناس والله المعين ويكونوا 30 شنطة بدلا من 20 شنطة
وكلنا معاك للخير
وكل عام وانتم بخير

تسلم يا استاذ مجدى على الفكرة الجميلة دى وكلنا هنستفاد منها بالثواب وهنفيد غيرنا بيها ولازم مننساش الناس المحتاجين لازم نفتكرهم زى ما بنفتكر مواعيد البرامج والمسلسلات

انا معاك يا استاذ مجدى بس اوصل لحضرتك الحاجات دى ازاى

انا مع الحوت يا زعــــــــيم

ليه ما نكبرش العدد شويه
اريد اتواصل معكم في هذا العمل الخير
ولا تطمعوا في الثواب لوحدكم
خلى الخير يعم
ربنا يجعله في ميزان حسناتك انت
والاخ العزيز المهندس عادل سبيل

احنا منحدتش عدد الشنط ونسيبها بالبركة وان شاء الله هنجمع عدد كبير من الشنط وكل واحد يقول لاصحابه وجيرانة واخواتة علشان نقدر نجمع عدد كبير

موضوع: رد: شنطة رمضان الخميس 29 يوليو 2010, 7:24 am

يا زعييييييييييييييييييم

هنجمع الشنط اذاي
وبعدين في ناس معاها فلوس وليس حبوب
فهل ممكن نجمع فلوس عادي وحبوب وننزل مع بعض او لوحدك وتجيب اللي ناقص
وده احسن علشان في ناس ممكن تكثر من نوع معين من الحبوب وتترك نوع اخر اغلى مثلا
اما المال فممكن نجيب كل شيء وبسعر الجمله
لاما تعطي للناس مكان تاخز منهم الزكاه
لاما نخصص مكان معروف نجمع فيه الزكاه ديه تحت رعاية الله سبحانة وتعالى
واشرك الناس في الثواب
وجزاك وجزا الله المسلمين خير الجزاء

وكل عام وانتم بخير

موضوع: رد: شنطة رمضان السبت 31 يوليو 2010, 4:44 pm

جزاكم الله كل خير والله كريم

» توقيعات بمناسبه شهر رمضان
» كلمة رمضان
» همسات قبل رمضان
» غرائب صور رمضان
» علاقتنا الزوجية فى رمضان