مشويات على الجرل 3ف1

[size=25]أحلى طبق
مشويات عالجرل3 ف1 والحلو تيراميسيو كلة بالصور ومحدش هايصدق انة عمايل
ايدك

[/size]

[size=25]اأزيكم يا حلوين وحشتونى اوى[ندعوك للتسجيل في المنتدى أو التعريف بنفسك لمعاينة هذا الرابط]
انا جبت لكم النهاردة أحلى مشويات
فراخ بانية وشيش طاووق وفراخ مشوية وكلة ع الجريل
وبطعم الفحم بالاضافة لرز بالكارى
وبطاطس

نبدأ بالخطوات
انا جبت كيلو صدور بانية ونقعتها ف التدبيلة لمدة 3
ايام تقريبا
مش شرط تنقعيها دة كلة بس كنت كل ما اجى اعمل
الفراخ الاقى مامتى حبيبتى وروح قلبى باعتة لى اكل
المهم التتبيلة كانت عبارة عن بصلة كبيرة مبشورة
وعلبة زبادى وكوب لبن ومعاهم بيضةوطماطمية كبيرة وفلفلاية خضرا و5 فصوص
ثوم بالاضافة لتوم بدرة وبصل بدرة وملح وفلفل اسمر وتقدرى تضيفى اى بهارات
انتى تحبيها وشوية زيت
وطبعا بنشكشك الفراخ وهى لسة نية بالشوكة علشان
تشرب التتبيلة
نضرب التتبيلة كلها ف الخلاط ضربا مبرحااااااااااا
لحد ما تقول الحقونى
المهم ننقع الفراخ ف التتبيلة دى بس مش ااقل من يوم
وبعدين نيجى تانى يوم نقسم الفراخ 3 مجموعات
المجموعة الاول انا نقيتها القطع اللى سميكة شوية ومش متقطعة كويس وقطعتها
مكعبات وحطتها ف العيدان الخشب الطويلة دى بالتبادل مع زيتون وبصل وطماطم
ودة هايبقى الشيش طاوق
المجموعة التانية نقيت القطع اللى مش سمكية او سمكها رفيع شوية ودى اللى هاشويها ع
الجرل علشان متاخدش وقت
المجموعة التالتة كانت قطع متوسطة علشان اعملها فراخ بانية بس دى حمرتها عادى
بالفيجتار وجزء تانى حمرتة بالكورن فليكس ودى بقى طلعت تحففففففففة مع ان
اول مرة اعملها
هانجيب بقى المجموعة الاول والتانية نشويهم ع
الجريل
وبعد ما يطلعو نضيف حتت فحم لزوم الحرفنة بقى وريحة
الفحم
انا شوية على الجريل اللى هى 3 فى 1
يعنى جريل وفرن وتوستر

وطبعا عملت معاهم بطاطس فرسكس بيطلع احلى من بطاطس
كوك دور بكتييييييير
و الحلو كمان كان
تيراميسيو ومش عايزة اقول لكم اد اية هو سهل
ونتيجتة مذهلة ومحدش هايصدق انة عمايل ايدك حتى جوزك مش هايصدق انة من
ايدك

عايزاكم بقى تجربوا الاكلة دى هاتعجبكم اوى
وواللهى انا تعبت ف الموضوع اوى
مش عايزة منكم اكتر من دعوة حلوة بأن ربنا يرزقنى ب
بيبى حلو كدة زيكم قريب
ويرزق امولة حبيبتى وصاحبتى بعريس امور وابن حلال
كدة زيها( مع انها بتتريق عليا على طول علشان بحب المطبخ) بس يا اللة كلة
بثوابة

ولو شجعتونى اكتر هاقولكم عملت الرز بالكارى ازاى
والبطاطس الفرسكس ازاى
والتيراميسيو كمان
وهاوريكم شوايتى الجديدة وازاى بتعمل سندوتشات
عالتوستر تحففففففففة
يا اللة بقى مستنياكم

طبق المشويات

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

المشويات بالاضافة للرز
بالكارى وبطاطس فرسكس

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة][/size]

دائما تقدمي كل ما هو جديد ومميز يا روزهـ

سلمت يمنآكـِ حبيبتي

بآنتظار جديدك المميز دومــــــآ

آرق تحياتي لكـِ