التشيكن كرسبى المقرمشة

بسم الله الرحمن الرحيم
وحشتونى
جبتلكو طريقتى ف التشيكن كرسبى
واوعدكو باذن الله ان هتعتمدو الطريقه دى ف الفراخ البانيه دايما
انتظرو الطريقه ثوانى والصور

[ندعوك للتسجيل في المنتدى أو التعريف بنفسك لمعاينة هذه الصورة]

بكل سهوله الاول تتبيلة الفراخ
ف الكبه
بصله كبيره طماطمايه ملح فلفل ليمون
ممكن مسطرده لو تحبى
وتنعميهم ف الكبه مع بعض
وتحطيهم على الفراخ بعد ما تقطعى كل صدر لتلات اجزاء او اتنين مع معلقة ك زيت
وسيبيهم ف الفريزر بالتتبيله
ووقت ما تحبى تعمليهم مش هياخدو وقت وهيشربو الخلطه ويتنكهو بيها
ثانيا

تتبيلة الدقيق
طبق غويط شويه تحطى فيه الدقيق
وشوية نشا مش كتير
وبيكنج بودر
واى توابل فيجيتار سبايسى اللى تحبيه
انا باستعمل معلقتين من خلطة سبايسى للفراخ المشويه بتدى طعم هايل

هتاخدى حوالى معلقتين كبار من الخلطه دى
وهتحطيهم ف طبق الفراخ المتبله بالبصل والطماطم

ركزى معايا
علشان تضمنى الفراخ تطلع هشه ومقرمشه
ما تحطيش الفراخ واحده واحده
لا هتاخدى بصوابعك بكبشة الفراخ يعنى ممكن تلات صدور
وتقلبيهم ف طبق الدقيق
وما تشيلهمش
تزودى عليهم كمان باقى الصدور شويه بشويه وتقلبىهم ف الدقيق بايدك
كده الفراخ هتلاقيها ليها زوائد زى فراخ كنتاكى كده
ودى طبعا اللى بتقرمشها لما تتقلى

[ندعوك للتسجيل في المنتدى أو التعريف بنفسك لمعاينة هذه الصورة]

طبعا تقدحى الزيت ويكون غزير
وقبل القلى مباشرة
هتعملى ايه؟؟؟؟؟؟؟؟؟؟؟؟؟؟
طبعا اوعو تنسو طبق المايه
تغطسى الصدر ف المايه بايدك وتطلعيه فورا وتقليه على طول
وما تخافيش الزيت مش هيترطش

ملحوظه
1 النار تبقى عاليه اول ما تنزلى الفراخ وبعدين تهديها علشان تقرمش
2 النشا ما يكترش ف الدقيق يعنى كوبايتين دقيق عليهم تقريبا معلقة نشا كبيره
انا مش بعاير بصراحه
بس اللون بيطلع دهبى
3 طبق المايه قبل القلى مهم جدا علشان الفراخ تقرمش
والزيت هيفضل نضيف خالص يعنى ممكن تستخدميه ف تحمير البطاطس كمان[ندعوك للتسجيل في المنتدى أو التعريف بنفسك لمعاينة هذه الصورة]

طبعا بتقدميه لاطفالك ف ستيكس بالشكل ده

[ندعوك للتسجيل في المنتدى أو التعريف بنفسك لمعاينة هذه الصورة]

وان شاء الله هينسو كنتاكى خالص

وبجد كل اللى داقو فراخى لازم ياخدو طريقتها وبتطلع روعه
و ان شاء الله هتعجب اولادك وضيوفك[ندعوك للتسجيل في المنتدى أو التعريف بنفسك لمعاينة هذه الصورة]

انا اسفه طولت عليكو الشرح بالتفصيل
بس نفسى كلكو تقاطعو اكل بره
كمان يا رب كل العرايس بالذات يستفيدو والاكل يعجب حماتهم قبل اجوازهم[ندعوك للتسجيل في المنتدى أو التعريف بنفسك لمعاينة هذه الصورة]
شوفوها هشه ولذيذه

[ندعوك للتسجيل في المنتدى أو التعريف بنفسك لمعاينة هذه الصورة]

على فكره هافرح اوى لما اى واحده تدخل
وتدعيلى دعوه حلوه[ندعوك للتسجيل في المنتدى أو التعريف بنفسك لمعاينة هذه الصورة]

لانى محتاجه دعواتكو اوى بجد
ومش هاقولكو على [ندعوك للتسجيل في المنتدى أو التعريف بنفسك لمعاينة هذه الصورة]التقيي؟؟؟؟؟؟؟؟؟؟؟؟؟يم

بحبكوووووووووو اوى جدا خالص[ندعوك للتسجيل في المنتدى أو التعريف بنفسك لمعاينة هذه الصورة]

ربنا يكرمك ياروز يا جميله
[ندعوك للتسجيل في المنتدى أو التعريف بنفسك لمعاينة هذه الصورة]
الوصفه سهله والشرح دقيق

هجربها على طول

[ندعوك للتسجيل في المنتدى أو التعريف بنفسك لمعاينة هذه الصورة]