انتهاء أزمة الحضري مع الإسماعيلي

انتهت أزمة عصام الحضري حارس مرمي الإسماعيلي والمنتخب الوطني..والتي استمرت علي مدار الفترة الأخيرة بسبب مطالبة مسئولو الإسماعيلي بالحصول علي نسبة 20 % من تعاقدات الحارس الإعلانية ، وهو ما رفضه نتيجة لتعاقده علي تلك الإعلانات قبل الانضمام للدراويش ، وتفهم نصر أبو الحسن رئيس النادي وكلف المستشار القانوني بالتجاوز عن هذا المطلب.

وكان الحضري قد انقطع عن تدريبات الإسماعيلي منذ عودته من أنجولا بعد الفوز بكأس الأمم الأفريقية مما دفع إدارة النادي إلي إيقافه وإحالته للتحقيق وكان الحارس قد أكد أن لديه مستحقات مالية لدى النادي كان يجب سدادها في شهر يناير الماضي ولم يحصل عليها مما أجج الخلاف بينه وبين الإدارة إلا أنه بعد حفل التكريم الذي أقامه اللواء عبد الجليل الفخراني محافظ الإسماعيلية تلاقى الطرفان وتم تسوية الأزمة، وتعهد الحضري بالانتظام في التدريبات وقد حاول أبو الحسن إقناع عماد سليمان المدير الفني للنادي بضمه لبعثة الفريق في نيروبي لمواجهة سوفاباكا الكيني في دوري أبطال أفريقيا ، إلا أن سليمان أكد أن الحضري حارس كبير وقيمة فنية في الفريق إلا أنه لا يستطيع الدفع به نتيجة لعدم جاهزيته فضلا عن أن قرار عدم مشاركته يعد قرارا تربويا.
بدأ الحضري تريبات منفردة بالتنسيق مع الجهاز الفني لحين العودة من نيروبي.

Admin كتب:

شكرا للآخت لورا

أنا عندى أقتناع كامل بأن الحضرى رجل مادى أكثر منه رجل أجتماعى ووطنى
والآمثلة كثيرة جدا جدا جدا

كل انسان فى الدنيا عنده تطلعات وده راجل عاش حياه صعبه
اكيد عايز مستقبل احسن لاولاده
كمان سنه كبر وفرصته قلت وفى لعيبه اصغر منه وفرصتهم احسن ولعبهم اقل
وسابوهم يشوفو مصلحتهم اشمعنى هو يعنى
وحتى لو كان فعلا راجل مادى
هو بيدور على تقدير مادى مناسب لمجهوده
اكيد احسن من ناس عايزين ماده من غير اى مجهود الا السرقه

كيمو توب كتب:

يا جماعه الى اولو شرط اخرو نور
الحضرى بحسبها صح

هوه فاضلو كام شنه ويعتزل الكوره

اكثر حاجه سنتين

حقو يعمل كدا
دى مش ماديات

ادام هما متفقين مع بعض من االاول انهم ميخدوش فلوس من الاعلانات

يبقى خلاص ده كدا طمع من نادى الاسماعلى من فلوس عصام

عصام محترف السد العالى يا جماعه

مفيش حارس مرامى فى مصر كلها زى عصام

صح كده يا كيمو من غير السد العالى مفيش بطولات

أنا أؤيد كلامكم جميعا بمعني إني كنت معاه
إنه يؤمن أسرته ... أي واحد مكانه كانت جت له الفرصة
ده مكانش ضيعها خاصة انه اللي جاي من عمره
في الملعب مش زي اللي راح ... و معروف مين هو عصام الحضري كلاعب
لكن أعتقد إنه لما زوجته تقلع الحجاب و يعمل اعلانات عن خمره
فده يسقطه من نظري و من نظر الكثيرين .
و ربنا يهدي المسلمين أجمعين
شكرا لكي لورا علي الخبر

[ندعوك للتسجيل في المنتدى أو التعريف بنفسك لمعاينة هذه الصورة]