بنات اخر زمن ....

موضوع: بنات اخر زمن .... السبت 06 فبراير 2010, 8:57 pm

سآلخــيرٍ عليكم وعليهم ..

هتشَل :-

1 - أوعى :- تخيل لو مرة حبيت تجيب هديـه لخطيبتك او حبيبتك من غير سبب علشان تبين لها قد ايه انت بتحبها .. يالهوى يومك هايبقى اسود وهاتنزل الاتهامات بقى عليك وعيش يامعلم وكأن الى يجيب هديه من غير سبب يبقى اكيد عنده سبب .. وعجبى

2 - عروسه المولد :- اليومين دول بقى تشوف ايه .. تشوف نص بنات مصر كل واحده خارجه حاطه نص كيلو مساحيق على وشها لما الواحد بيحس انها شبه العرايس الى فى الموالد وكأن الفرصه الوحيده للبنت الى بتكون خدودها حمرة من غير مساحيق تجميل لما بتتكسف .. والله حاجه تكسف ..

3 - المساواهـ :- كل بنت تقولك لازم يكون فى مساواه بين الراجل والمرأة عادى ماعندناش مانع انما المساوه عندهم فى الحاجة الى بتعجبهم بس انما مثلا مايقدروش يقولوا فى مساوه فى الجيش انما المساوة عندهم فى اشمعنا هوا يطلقنى وانا لأ .. اشمعنى هوا يشتغل وانا لا لحد ماجابولنا الخلع الى خلع الشنب من وش الراجل وحطه للست ..

4 - الكدب :- الكدب عند البنات اسهل حاجه وخصوصا فى حوار عندها كام سنه وتحديدا قبل سن 18 او بعد 30 وكمان استاذه فى الحجج لما تيجى تنزل تقابل البوى فرند وفكرنى ده باعلان رايحه فين يافاطمه .. رايحه اجيب أومو ..

5 - صوتى ياأنشراح :- مافيش بنت فى الكرة الارضيه مش صوتها عالى مهما كانت رقيقه .. البنت من دول لو عدى جنبها قطه تصوت وتلم الشارع كله وتقولك مانا اتخضيت ..!! ياسلام يعنى تصوتى وتخضىَ 100 غيرك وتخلى الناس تبصلك بصه وحشه ..

6 - مين حبيب أبليس .. هيا :- ابليس بيموووت فى المرأه علشان لسانها الى جايبها لورة بسبب النميمه وكمان لانها ممكن تغرى اتخنها راجل ع الأرض بجمالها وطبعا مش هاننسى كليوبترا الى وقعت مملكتين فى بعض ..

7 - تامر حسنى :- اشمعنى تامر معرفش بس اخر حفله حضرتها لتامر كرهت تامر وكرهت البنات .. ايه الهيافه دى .. الاقى بنت بترمى نفسها فى حمام السباحه علشان تروحلة وواحده تانيه تصوت ويغمى عليها وواحده تالته تجرى عليه وتحضنه وتبوسه كأنه مثلا ابوها ولا جوزها ..أيه القرف ده .. عاوز اعرف ايه يخلى بنت يغمى عليها لما تشوف ممثل او مطرب مشهور غير انها بنت هايفه .. يأ هــايفه ..

8 - الاستقطاع :- فى بنات كتير تستغل ان الولد مابحبش يمشى مع بنت وهيا تحاسب وده وهيا ماتصدق واستقطاع بقى على ودنه و انا جعانه ماتيجى نتغدى .. الله الفستان ده تحفه وخد من ده لبكره ..

9 - عانس مع سبق الاصرار والترصد :- يقولولك نسبه العنوسه زادت وتيجى تشوف لما ولد يروح يخطب بنت ايه الى بيحصله .. هات شبكه ماعرفش بكام .. لازم يكون عندك شقه وطبعا عربيه ولا هاتبهدل البنت فى الموصلات .. ده غير الفرح والمأذون والمقدم والمؤخر .. وغير كمان هدايا العيد الصغير والكبير وعيدين الحب وعيد ميلادها وعيد يوم ماتعرفتوا على بعض ناقص كمان فى عيد العمال وتحرير سينا .. على اساس ان الولد بيتخرج يشتغل رئيس مجلس أدارة .. وربنا ع الظالم ...

10 - موززز :- البنات اليومين دول بتعاكس الولاد وتقول عليهم موزز وانا فاكر ان مرة واحده صاحبتى قالتلى انت موز استغربت قالتلى لأ دى المذكر بتاع موزة ولا تعليق ...

11 - تثبيت :- البنت من دول تفرح آوى لو الولد قالها انتى حلوة آوى النهارده حتى لو بيجاملها وتكره الى جبوه لو ماعبرهاش ...

12 - اللـىَ انت عملته ده عادى ممكن اى حد يعمله :- الولد يطلع عينه علشان يرديها وهيا تقوله ايه ده الى انت جبته او الى انت عملته عادى يعنى ..

13 - هيافه :- لو جبلها الدنيا كلها وماقلهاش بحبك تقول انه مش بيحبها مع انه ممكن يهريها بحبك كل خمس دقايق ويكون بيشتغلها .. بس تقول ايه بقى ..

14 - مايملهاش غير التراب :- البنت بقى قاعده مع شويه شباب زى الورد وبعنيها بقى تبص لده ولده .. والمصحف البنت بتتعرف على ولاد جديده وهيا اساسا قاعده مع ولاد ..

15 - البرفيم :- البنت بقى تغرق نفسها ماء توليت وتلبس الجيب القصيرة والبدى الضيق وتمشى فى الشارع تقول ايه الولاد دى حاجه تقرف مابقاش فى احترام طول مانا ماشيه باتعاكس .. رد انت ياعم ...

***

حركات بـقـآ ربــع كــمَ :-

1 - أنا ميهمنيش أى حاجة ولافلوس ولا حاجة فى الدنيا المهم أنت وبس أنا راضية بجحر المهم أكون معاك
(وبعد اسبوع واحد اتفرج يامعلم)

2 - لو فضلت زعلان منى كده انا حموت نفسى
(ابقى قابلنى . .ال اموت نفسى ال)

3 - حستناك طول العمر يا حبيبى مهما حصل
(والواحد يسافر وهوا مطمن يرجع يلاقيها متجوزة وعندها عيلين)

4 - انا جيلى عريس ومش عارفة اعمل ايه حيلى معهم فى البيت خلصت
(وهيا أساسا ماحدش معبرها غيرك)

5 - النهاردة أسعد يوم فى حياتى
(يوم ماعرفته , يوم ماخطبها , يوم .... على اساس ان حياتها كلها يوم واحد)

6 - أنا روحى بتتسحب منى لما بفكر أننا ممكن نسيب بعض
(معظمهم بيسيبوا بعض ومسمعناش عن حد منهم مات)

7 - ماتصلتيش بيا ليه ياحببتى ...ماعيش رصيد
(بتلمحله علشان يشحنلها)

8 - ماردتيش ع التليفون ليه ياحببتى .. كنت قاعده مع ماما
(اكيد منفضاله ومش عاوزه تكلمه هاتغلب يعنى لو قامت من حنبها وردت عليه)

9 - هاتتقدملى امتى
(بتتقال بمعدل 19 مرة فى الدقيقه)

10 - انا بغير عليك
(تخنقه وتكره فى حياته وفى الاخر بحبك وبغير عليك)

11 - كنت مع مين انا كلمتك وماردتش
(ممكن يكون فى الحمام او ماسمعش بس وش انت كنت مع واحده تانيه)

12 - ايه رأيك فيا النهارده
(سؤال كل يوم)

13 - انا هاقفل الموبايل بقى علشان دخله انام
(تشغل الشريحه التانيه وتكلم الواد الجديد الى اتعرفت عليه)

14 - طب الموبايل هايفصل شحن سورى ياحبيبى سلام دلوقتى
(اقفل بقى غرمتنى .. دى كلها مكالمه)

15 - طب سلام دلوقتى اخويا جيه
(افف ايه الرغى ده خرمتلى ودانى)

16 - على فكرة .. انت اول ولد اعرفه و اديله تليفونى و اخرج معاه .. انا عمرى ما عملت كده ابدا
(ياراجل ... أشمعنى)

17 - انا مش فاهمة ليه الولاد بتبص للشكل و الجسم بتاع البنت ؟؟ بجد الولاد دول عينيهم زايغة اوى و سطحيين موت
(وهيا تلاقيها 24 متنحه فى صورة احمد عز)

18 - انا لما اتجوز لازم اشتغل .. مش بحب قعدت البيت
(علشان ماتطبخش ياريس)

***

حيرهـ آيـآمَ الخطوبه :-

1 - لـو حاولت تبوسها .. تبقى راجل قليل الادب , و لـو ما حاولتش تبقى مش راجل اصلا

2 - لو فضلت تحب فيها تبقى خلبوص و ما لكش امان , ولو نفضت تبقى اعمى و معندكش نظر

3 - لـو زرتها كتير تبقى تقيل و لحوح , و لو ما زرتهاش كتير تبقى مش مهتم بيها

4 - لو لبست شيك تبقى بتاع مناظر و مقطع السمكه و ديلها , و لو مالبستش شيك تبقى معفن

5 - لو جبتلها هدايا كتير تبقى بتحاول تشتريها بفلوسك , و اذا مجبتش تبقى بخيل و جلده

6 - لو غرت عليها تبقى قفل , و اذا ما غرتش يبقى دمك بارد او معندكش دم اصلا

***

فـىَ الـنـهـايـه احـب اقـول الـكلام دهـ يـاجـمـاعـه مـش عـلـى كـل الـبـنـات احـنـا بـنـهـزر واحـنـا كـلـنـا عـارفـيـن ان فـىَ بـنـات محـتـرمـهَ كـتـيـر والـواحـد بـيـتـمـنـىَ يـرتـبـط بـواحـدهـ مـنـهـمَ
وانـَ كـل بـنـت هـيـا اللـىَ بـتـحـدد شـكـل الـعـلاقـهَ والـبـنـت الـمـحـتـرمـهَ بـتـخـلـىَ اىَ حـد مـهـمـاَ كـان غـصـب عـنـه يـحـترمـهـا

تحيـــآآآآتـــىََ ... :)

ههههههههههههههههههههههههه

حلوه الشغل دى

والله بيحصل فعلا

يا [ندعوك للتسجيل في المنتدى أو التعريف بنفسك لمعاينة هذا الرابط]

فـىَ الـنـهـايـه احـب اقـول الـكلام دهـ يـاجـمـاعـه مـش عـلـى كـل الـبـنـات احـنـا بـنـهـزر واحـنـا كـلـنـا عـارفـيـن ان فـىَ بـنـات محـتـرمـهَ كـتـيـر والـواحـد بـيـتـمـنـىَ يـرتـبـط بـواحـدهـ مـنـهـمَ
وانـَ كـل بـنـت هـيـا اللـىَ بـتـحـدد شـكـل الـعـلاقـهَ والـبـنـت الـمـحـتـرمـهَ بـتـخـلـىَ اىَ حـد مـهـمـاَ كـان غـصـب عـنـه يـحـترمـهـا

طيب الحمد لله انا قولت انت متعقد من البنات كلها ميرسى على موضوعك دمه خفيف اوى

[ندعوك للتسجيل في المنتدى أو التعريف بنفسك لمعاينة هذه الصورة]

كيمو توب كتب:: ههههههههههههههههههههههههه

حلوه الشغل دى

والله بيحصل فعلا

يا [ندعوك للتسجيل في المنتدى أو التعريف بنفسك لمعاينة هذا الرابط]

اكيد يعني يا كيييييييييييمو وانا هكدب عليك بردو كله بيحصل :)

سومه82 كتب:: فـىَ الـنـهـايـه احـب اقـول الـكلام دهـ يـاجـمـاعـه مـش عـلـى كـل الـبـنـات احـنـا بـنـهـزر واحـنـا كـلـنـا عـارفـيـن ان فـىَ بـنـات محـتـرمـهَ كـتـيـر والـواحـد بـيـتـمـنـىَ يـرتـبـط بـواحـدهـ مـنـهـمَ
وانـَ كـل بـنـت هـيـا اللـىَ بـتـحـدد شـكـل الـعـلاقـهَ والـبـنـت الـمـحـتـرمـهَ بـتـخـلـىَ اىَ حـد مـهـمـاَ كـان غـصـب عـنـه يـحـترمـهـا

طيب الحمد لله انا قولت انت متعقد من البنات كلها ميرسى على موضوعك دمه خفيف اوى

[ندعوك للتسجيل في المنتدى أو التعريف بنفسك لمعاينة هذه الصورة]

لا طبعا يا سومه في بنات كويسه كتييييييييييير انا متاكد بس ممكن اكون انا مقابلتش منهم كتير

شكرا على المرور.....

هههههههههههههههههه جامد مووووووووووووووووت
بس بجد حلو اوي الموضوع بجد ضحكني جداااااااااااا ميرسيه على موضوعك ياتيفا يجنن بس غريبة اني مش شايفه نفسي ولا واحده من دول [ندعوك للتسجيل في المنتدى أو التعريف بنفسك لمعاينة هذه الصورة]

هههههههههههه انتي مش شايفه نفسك في ولا واحده من دول !! اكيد انتي ولا واحده من دول

بس هو انتي قريتي كويس ؟؟ [ندعوك للتسجيل في المنتدى أو التعريف بنفسك لمعاينة هذه الصورة]

ايوه انا قريتهم كويس اوي وشايفه برضو ان انا ولا واحده من دول... ليه هوه انت عندك رأي تاني يامصطفى ؟؟؟؟؟؟؟؟ شكلك عندك رأي تاني ...ياريت تقولي عشان يمكن مش واخده بالي [ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههه

ماشي بلاش انا اقولك بس عشان ممكن انسي حاجه ولا حاجه :)

أنا مع سومة فعلا
الموضوع مجرد تهريج وهزار
والموضوع فعلا لذيذ
لكن
مش كل البنات بالطريقة دى
وأعتقد اقرب مثال على ذلك
بنات المنتدى عندنا
فيه بنات كتير قوى فى مصر محترمة قوى
بكل ماتحمل الكلمة من معانى
وشكرا على الموضوع اللذيذ

hاكيد طبعا في بنات كتير محترمين
والموصوع كله هزار بس دا ميمنعش ان في امثال منهم موجودين

اشكرك جدا استاذ مجدي على المرور

تحيااااتي

وأنا باشكرك على الموضوع
وطبعا هستناك
يوم الجمعة
عامل حسابك فى نصف حتت جاتوة

انشاء الله اكيد امال يعني مين اللي هياكل الجاتوه

زائر

ايه الكلام الكبير ده يا sika
طبعا ما أنت تبع حزب الأعداء هههههه
اللي رحمك أخر كلمتين إنه مش كل البنات
تسلم الأيادي علي طرحك
منور المنتدي كله .

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههه حزب الاعداء

هو انتو عاملين هنا نون النسوه وكده !!!

طبعا المنتدي منور بيكو كلكوا

زائر

أه طبعا هنا نون النسوة و حزب ريا و سكينة لو تسمع عنه
و معانا حسب الله ... ايه رأيك تكون عبد العال ههههههههه

لا انا ممكن ابلغ عنكوا كده و اخليكو تغنو يا حسرا عليها يا حسرا عليها

هههههههه

زائر

هههههههههه ... أعلنا بانك رسميا تبع حزب الأعداء
استعد للفوط المبلولة و الذي منه .

ايه بس يا درش الكلام دة
شكلك كدة مستبيع ومش خايف على نفسك
خلى بالك حزب النساء هيحطك ف البلاك ليست بتاعته
او ممكن تنضم لينا زى ما نبض قالتلك
او........ حسرة عليها يا حسرة عليها ..يا حسرة عليها

زائر

ايوه يا ruby شاطره
سمعيه النشيد الوطني لحزب ريا و سكينة هههههههههه

ههههههههههه
من عينيا يا زعيمة
حسرة عليها يا حسرة عليها يا حسرة عليها حسرة عليها ما جت رجليها حسرة عليها
والملاحة والملاحة هههههههههههههه
كفاية كدة كملى انتى بقى يا زعيمة
عقبال ما احضر الفوطة المبلولة هههههههههه

9 - عانس مع سبق الاصرار والترصد :- يقولولك نسبه العنوسه زادت
وتيجى تشوف لما ولد يروح يخطب بنت ايه الى بيحصله .. هات شبكه ماعرفش بكام
.. لازم يكون عندك شقه وطبعا عربيه ولا هاتبهدل البنت فى الموصلات .. ده
غير الفرح والمأذون والمقدم والمؤخر .. وغير كمان هدايا العيد الصغير
والكبير وعيدين الحب وعيد ميلادها وعيد يوم ماتعرفتوا على بعض ناقص كمان
فى عيد العمال وتحرير سينا .. على اساس ان الولد بيتخرج يشتغل رئيس مجلس
أدارة .. وربنا ع الظالم ...

مع انه هزار بس فى نوعيات من البنات كدا بس مش كلهم طبعا فى تير جدا جدا محترمات مهذبات لكن من كل شئ فى كويس ومش كويس
شكرا لموضوعك
تحياااااتى

شكرا على موضوعك يامصطفى هو فى فعلا بنات كدا كتير وولاد اكتر بس لو هما بيحبو بعض طبعا مش هيبقى فى الكلام ده خالص

ههههههههه لا والله بيبقى في اكتر من كده كمان

شكرا على مرورك

» بنات اوعى وشك
» لغه بنات اليومين دول
» دعاء بنات 2009
» اجمل بنات الشات
» بنات بتعاكس ولاد بالصور