هو أحنا لسه بنتكلم هيروغليفى وأحنا مش عارفين..!!؟؟

تنتشر فى اللهجه المصريه كلمات كثيره قد لا يعرف الكثير مصدرها ومن اين اتت,,,
وبالرغم من ذلك فانها كلمات تتوارثها الاجيال ,,,
منذ ان اصبحت مصر أول وأعظم حضاره على مر العصور لوقتنا الحالى ,,

دعونا نغوص معا فى بحور التاريخ ,,,

وكلمات لها تاريخ ,,,

تاريخ يرجع لخمسه الاف عام ,,,

فاللغة المصرية القديمة لم تندثر تماما - بل انها باقية الى يومنا هذا .

ان مئات الجمل والالفاظ لاتزال مستعملة كل يوم فى اللغة العامية للمصريين ..

فما يكاد المولود يرى النور حتى يسمع امه تخاطبه بلغة غريبة عنه
ولكنها فى الوقت نفسه اقرب ماتكون الى حسه وفهمه ..

فهو اذا جاع - تقوم امه باحضار الطعام له وتقول له ( مم ) بمعنى ان ياكل ..

واذا عطش - احضرت له الماء وقالت له ( امبو ) بمعنى ( اشرب ) .

ان اصل كلمة ( مم ) مأخوذ من اللغة القبطيه القديمة
( موط ) والهيروغليفية ( اونم ) بمعنى كل - ( وامبو ) ماخوذة من كلمة ( امنموا ) القبطية بمعنى اشرب ..

اما اذا ارادت الام ان تنهر طفلها تقول له ( كخة ) وهذه الكلمة قديمة ومعناها القذارة ..

واذا ارادت ان تعلمه المشى قالت له ( تاتا خطى العتبة ) وتاتا فى الهيروغليفية معناها ( امشى ) .

اما اذا ارادت الام تخويف ابنها فانها تقول له ( هجيبلك البعبع ) والماخوذ
من القبطية ( بوبو ) وهو اسم عفريت مصرى مستخدم فى تخويف الاطفال .

وفى موسم الشتاء يهلل الاطفال لنزول المطر بقولهم ( يامطرة رخى - رخى )
وأصل كلمة ( رخى ) فى العامية المصرية هو ( رخ ) فى الهيروغليفية معناها (
نزل ) .

وسيدهش المصريون هنا - اذا ماعلموا ان اصل كلمة ( مدمس ) ومعناها الفول المستوى فى الفرن بواسطة دفنه او طمره فى التراب
والتى تشير الى اكثر الوجبات الشعبية لدى المصريين وهو كلمة ( متمس ) الهيروغليفية - اى انضاج الفول بواسطة دفنه فى التراب .

ومن الاكلات الشعبية ايضا التى اكتسبت اسمها من المصرية القديمة اكلة ( البيصارة ) واسمها القديم ( بيصورو ) ومعناها الفول المطبوخ .

ثم هناك المصطلحات الشعبية الدارجة مثل كلمة ( شبشب ) ( الخف ) والتى اصلها قبطية ( سب سويب ) ومعناها مقياس القدم .
وفى الحر يقول المصريون ( الدنيا بقت صهد ) وصهد كلمة قبطية تعنى نار .

كلمة واح والتى صارت واحة بالعربية,معناها جزيرة العرب,

وكلمة نونو وهي الوليد الصغير,وكلمة كحكح وتعنى العجوز,

وكلمة طنش معناها لم يستجب,....وغيرها كثير

بطط اى دهس

بطح: ضرب فى الرأس

ست: امرأة

تاته :خطوة خطوة

خم: يخدع

حبه: القليل من

ياما : كتير

كركر: من كثرة الضحك

كح كح:وصل الى مرحلة الشيب

هوسة: صوت الغناء العالى

نونو :طفل صغير

مأهور: حزين

مأأ : يدقق النظر

ادى: يعطى

برش: بقعة

همهم:تكلم بصوت خافت

زعنف: زعنفة السمك

عف: ذباب

فنخ: فسد

بح: انتهى

ابح: حمل

كاني وماني = لبن وعسل

وحوي يا وحوي إياحة

قالها د احمد خالد فى قصة من اخبار اليوم
الحكاية انه بعد انتصار احمس على الهكسوس
خرج الشعب يحي الملكة اياح حتب ام الملك المظفر احمس طارد الهكسوس فكانوا بيقولوا
واح واح إياح = تعيش تعيش إياح
مع الزمن الكلمة صارت وحوى يا وحوى إياحه وصرنا نقولها احتفالا برمضان
وايضا كانوا ينادون بها الهلال بعد ذلك ,,,

موت: هي موت في اللغة المصرية القديمة و أيضا في العربية و "ميته" في العبرية

أصبع: نفس المعني في اللغتين المصرية والعربية

بكة: ذكرت في الآية الكريمة بمعنى مكة وهي كلمة مصرية

الدح: عندما نقول "السح الدح أمبو...أدي الواد ل... آآآ كفاية كده" فهي معناها الملابس(كلمة مصرية)

آمون: المعبود المصري القديم هي كلمة يراها بعض العلماء على أنها مصدر أو تحريف لكلمة آمين

محب: بمعنى محب أو مخلص في اللغة المصرية
و ذكرت في اسم القائد العسكري حورمحب "أي المخلص لحورس" وهو قائد الملك أخناتون ورجله الأول...

معنى كلمه سيدنا موسى عليه السلام كلمه مكونه من مقطعين ( مو + ســــــا )

مو اى الماء
و سا اى ابن
ومعناه ابن الماء وذلك لانه وجد فى الماء عندما كان طفلا

اما كلمه مصطبه ,,,

الغريب ان اللفظة فرعونية وتعنى (تابوت) .. غير ان لفظة "تابوت" فرعونية

وتعنى (صندوق لدفن الموتى أو ما شابه). ولفظة "مصطبة" هى فى الهيروغليفية "مس تبت" وهى مركبة

من كلمتان "مس" بمعنى (ميلاد) ، ومن "تبت" بمعنى (صندوق ، تابوت) فيكون معناها (ميلاد الصندوق) وهى تعنى البعث

أو الميلاد الثانى.

وقد تأثرت بالكلمة لغات أخرى فنجد اليونانية قد أخذتها فى اللفظة micitopoc "ميسيتوبوس" بمعنى (مصطبة ، مقعد) ،

كما أخذتها عنها الإنجليزية بنفس النطق mastaba "ماستابا" وترجمها قاموس المورد

بمعنى (قبر فرعونى مستطيل) وأردف أن إرتفاعه قريب من الأرض.

ولا أكتمكم سراً ان الإنجليزية بها العديد من الألفاظ الهيروغليفية فنجد كلمة Christmas هى فى الأصل

مركبة من كلمتين احداهما انجليزية Christ بمعنى (المسيح) والأخرى هيروغليفية "مس" والتى تحولت

الى mas بمعنى (ميلاد) فيكون معناها (ميلاد المسيح) .. والغريب ان كلمة "كرسى" أيضا تعنى نفس الشئ

فهى لفظة هيروغليفية "قرسو" وهى تعنى أساساً (تابوت) وقد تحولت فى القبطية kerco "كَرسو" بمعنى

(كرسى).وهناك ترادف بين الكرسى والمصطبة والتابوت.

لقب " ست " و" سى " هى القاب فرعونية مية فى المية ..

فكان اجدادنا الفراعنة ينادون على " ربة المنزل " اوكما نقول الآن فى الكفر بالعامية " ست الدار " ..

ينادون عليها ب { ست ان بر }

( ترجمة صحيحة من اوراق البردى )

ومعنى هذا ان الأسم تناقلته الأجيال وتحول الى ست الدار ..
واختصره البعض الى " ست " .. وكان أجدادنا الفراعنة يطلقون على المرأة او الزوجة اسم { مرت }

وزوجتى { مرتى } آى " مراتى بالعامية " .. وعندنا مازلنا نقول .." مرتى "

اما { سى ان بر } فكان اسم رب البيت وللدلع والأختصار أخذ الشق الأول واضافو اليه الأسم الحديث زى " سى السيد "

وفيه تعبير تانى فى اللغة عندنا فى الصعيد بنقول " شاشا الفجر

" آى طلع الفجر والدنيا نورت .. وهى عند الفراعنة { شاهشا } وترجمتها سطع او أضاء ..

" العيش باش " عندما تطوله المياه .. وكلمة { باش } كلمة فرعونية ومعناها " طرى أو ندى "

ويقولك .. فلان " كوش " على كل حاجة .. وكلمة { كوش } كلمة فرعونية معناها " سرق الشئ جميعه " ..

وفيه بلاد عندنا تقول " سك الباب " آى أقفل الباب وكلمة { سك } كلمة فرعونية معناها " أغلق " ..

السنا فعلا شعب تمتد جذورة الى أعماق التاريخ .. ؟؟ لقد أعترف مؤرخوا الحضارات بذلك ضمنا فى كتاباتهم ..

بل والترجمات لكل ما كتب فى البرديات المحفوظة فى متحف العالم ..

وما كتب على جدران المعابد والمقابر .. كلها تؤكد أن أول من أستأنس الأرض وزرعها هو المصرى ..

أو من سقى الأرض بالعرق هو المصرى .. أول صانع محترم مبتكر هو المصرى ..

ولحسن الحظ لم تغير الأيام أو حتى القرون .. الأسماء التى كان يستخدمها أجدادنا القدماء .. مثل :

فاس ، شادوف ، شونة ، جرن ، ماجور ، زير ، مشنة ، بقوتى ، سلة ، بشكير ، فوطة، تخت، ششم، بتاو، ختم ، طوبة .. الخ
..
القائمة طويلة جدا .. وكلها اسماء وكلمات مصرية قديمة من ايام الفراعنة ومكتوبه

زى ماقلت فى أوراق البردى وعلى الجدران فى كل مكان زى ما بنستخدمها الوقت .. وكانت كلمة " عيش "

تطلق فى المعابد على الخبز المقدس .. حتى الكلمات التى نستخدمها فى التعامل مع الحيوانات منقولة كما هى عن اجدادنا ..

فقد كانوا يقولون للحمار والحصان .. { حا ، شى ، هس، جر، بس ، زر } وللطير { هش } ..

ولما بنقول " ياليل ياعين "

ليل بالفرعونى معناها الفرح .. ومعنى الجملة اللى بيغنيها الفراعنة وورثناها عنهم " افرحى ياعين " لما ترينه ..!

و الان مارأيكم ان نتحدث عن المدن المصرية التى مازالت محتفظة باسمها الفرعونى.
هناك مئات المدن التى مازالت محتفظه باسمها حتى الان وعلى سبيل المثال وليس الحصر :

ابيس

احدى القرى التابعة لمدينة الاسكندرية عرفت فى النصوص المصرية
باسم ابيس وهو اله القوة والاخصاب فى مصر القديمة وهو عبارة عن ثور وكان الملك يتشبه به

ارمنت
احدى مدن محافظة قنا عرفت فى النصوص المصرية باسم بر مونت اى بيت الاله مونتو ثم حرفت فى القبطية
الى ارمونت ثم فى اليونانية هرمونتيس وفى العربية ارمونت.
وقد كانت مركز عبادة الاله مونتو وزوجتيه ايونيت وثنتيت.

اسوان
عرفت فى النصوص المصرية سونو ثم حرفت فى القبطية الى سوان واضيفت اليها الالف فى العربية لتصبح اسوان .
كلمة سونو تعنى فى اللغة المصرية القديمة السوق
او مركز التبادل التجارى على اعتبار ان اسوان كانت مركز التبادل التجاري بين الشمال والجنوب.
ومن اشهر معالم اسوان وجود مقابر الدولتين القديمة والوسطى المنحوتة فى صخر الجبل الغربى للنيل .

اسيوط
عرفت فى النصوص المصرية باسم ساوت
وفى القبطية اسيوت ثم تحولت فى العربية الى اسيوط
وعرفت عند اليونانيين باسم ليكوبوليس اى مدينة الذئب الذى يرمز للاله وب- واووت.

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههه الصراحه هو موضوع جميل جدا لكن لما شفت اسماء احنا بنقولها وكانت معناها ازاى عند الفراعنه بجد حاجه تضحك وفى حاجات اعرفها من اخويا لانه فى ارشاد سياحى بس فى حاجات اول مره اسمع عليها منك بجد تسلم يدك على الموضوع الجامد يا ميدو

[ندعوك للتسجيل في المنتدى أو التعريف بنفسك لمعاينة هذه الصورة]

زائر

ايه ده ... ده احنا طلعنا ناس هيروغليفيين بجد
ما شاء الله معلومات طبعا أول مرة أعرفها
و سبحان الله انها ألفاظ وصلت لينا علي مر العصور
و ستظل إلي الأجيال اللي بعدنا كمان .
تسلم ايدك يا mido علي طرحك المميز.

[ندعوك للتسجيل في المنتدى أو التعريف بنفسك لمعاينة هذه الصورة]

طبعا لازم نتكلم الهيروغيليفى مااحنا الفراعنة وبلد مجمع الاديان وبلاد الفراعنة حضارة سبعة الالاف سنة هى الحضارة وهىمنارة العلم ومنارة الحضارة
الله عليك ياميدو

ههههههههههههههههههه
ههههههههه
جامدة جدااااااااااااا جداااااااااااااااا
كدة كخ وهيجيلك البعبع
لأ بجد موضوع حلو جدا يا ميدو
تسلم ايديك

موضوووووووووووووووووووووع جميل جدا ياميدو
تسلم ايدك

جميل يا ميدو لمعرفه الناس اللى مدرسوش اللغه المصريه القديمه
اكتر المصطلحات المصريه العاميه لغه مصريه قديمه علشان كده نفرق عن اى حد بيتكلم عربى
طبعا اللغه المصريه الاشهر على الاطلق والمفهومه لكل البلدان العربية
انا درستها واللغه الهيروغلفيه تتعتبر زى العربى فى النحو وكمان الابجديه
فيه فى اللغه الهيروغلفيه اعراب فعل وفاعل ومفعول به ومضالف اليه وجر ومجرور زى اللغه العربيه بالظبط

شكراااا ميدو

تحياتى
GaMy

هههههههههههههههه

مممممممممممممممممممممم

حلوه

والله فكرتونى بايام الصبى
ههههههههههههههههه

بحور كتب:: ههههههههه الصراحه هو موضوع جميل جدا لكن لما شفت اسماء احنا بنقولها وكانت معناها ازاى عند الفراعنه بجد حاجه تضحك وفى حاجات اعرفها من اخويا لانه فى ارشاد سياحى بس فى حاجات اول مره اسمع عليها منك بجد تسلم يدك على الموضوع الجامد يا ميدو
[ندعوك للتسجيل في المنتدى أو التعريف بنفسك لمعاينة هذه الصورة]

ما طول ما احنا لسه بنتكلم هيروغلفى كده
يبقى احنا اكيد فى مصر ههههههههه
تسلمى لمرورك الرقيق

[ندعوك للتسجيل في المنتدى أو التعريف بنفسك لمعاينة هذه الصورة]

نـبــض القـلــوب كتب:: ايه ده ... ده احنا طلعنا ناس هيروغليفيين بجد
ما شاء الله معلومات طبعا أول مرة أعرفها
و سبحان الله انها ألفاظ وصلت لينا علي مر العصور
و ستظل إلي الأجيال اللي بعدنا كمان .
تسلم ايدك يا mido علي طرحك المميز.

[ندعوك للتسجيل في المنتدى أو التعريف بنفسك لمعاينة هذه الصورة]

تسلمى حضرتك من كل شر
شكرا لمرورك

[ندعوك للتسجيل في المنتدى أو التعريف بنفسك لمعاينة هذه الصورة]

rose كتب:: طبعا لازم نتكلم الهيروغيليفى مااحنا الفراعنة وبلد مجمع الاديان وبلاد الفراعنة حضارة سبعة الالاف سنة هى الحضارة وهىمنارة العلم ومنارة الحضارة
الله عليك ياميدو

شكرا لمرورك مدام روز

[ندعوك للتسجيل في المنتدى أو التعريف بنفسك لمعاينة هذه الصورة]

ruby_butterfly كتب:: ههههههههههههههههههه
ههههههههه
جامدة جدااااااااااااا جداااااااااااااااا
كدة كخ وهيجيلك البعبع
لأ بجد موضوع حلو جدا يا ميدو
تسلم ايديك

تسلمى من كل شر
نورتى الموضوع بمرورك

[ندعوك للتسجيل في المنتدى أو التعريف بنفسك لمعاينة هذه الصورة]

الجنرال أحمد كتب:: موضوووووووووووووووووووووع جميل جدا ياميدو
تسلم ايدك

تسلم لمرورك بالموضوع

[ندعوك للتسجيل في المنتدى أو التعريف بنفسك لمعاينة هذه الصورة]

GaMy كتب:: جميل يا ميدو لمعرفه الناس اللى مدرسوش اللغه المصريه القديمه
اكتر المصطلحات المصريه العاميه لغه مصريه قديمه علشان كده نفرق عن اى حد بيتكلم عربى
طبعا اللغه المصريه الاشهر على الاطلق والمفهومه لكل البلدان العربية
انا درستها واللغه الهيروغلفيه تتعتبر زى العربى فى النحو وكمان الابجديه
فيه فى اللغه الهيروغلفيه اعراب فعل وفاعل ومفعول به ومضالف اليه وجر ومجرور زى اللغه العربيه بالظبط

شكراااا ميدو

تحياتى
GaMy

بس اعتقد ان دراستها كانت صعبة عليك مش كده؟
نورت الموضوع يا جمى بمرورك وردك الكريم

[ندعوك للتسجيل في المنتدى أو التعريف بنفسك لمعاينة هذه الصورة]

كيمو توب كتب:: هههههههههههههههه

مممممممممممممممممممممم

حلوه

والله فكرتونى بايام الصبى
ههههههههههههههههه

شكرا لمرورك كيموتوب

[ندعوك للتسجيل في المنتدى أو التعريف بنفسك لمعاينة هذه الصورة]

تسلم ايدك ميدو
الموضوع غريب فعلا
احنا بنتكلم هيروغليفى
سلمت يمينك ميدو على طرحك الرائع

شكرا لمرورك الكريم

[ندعوك للتسجيل في المنتدى أو التعريف بنفسك لمعاينة هذه الصورة]

» عيد ميلاد ربنا يسوع كل سنة وأحنا طيبين
» شوفوا الاندومى بتعمل فينا ايه واحنا مش عارفين؟؟؟
» أحنا أكبر شعب جاهل فى العام