العثمانلية .........احلى حلويات

دى اسهل طريقة لعمل العثمانلية

أولا المقادير:

نص كيلو كنافة
2 كوب سكر
كوب ماء
نصف ليمونة
ربع كوب زبدة
مكسرات (حسب الرغبة)
او فاكهة مجففة(تين + مشمش مجفف +قراصيا) برضه حسب الرغبة

الطريقة:
الاول نقطع الكنافة بالايد حتت صغيرة...... وبعدن نحمرها فى الزبدة لحد لونها مايبقى ذهبى ... وبعدين ننشلها كويس من الزبدة ونصفيها...ونرصها فى طبق كبير ونسويها بضهر ملعقة ويكون سمكها حوالى 3 سنتيمتر ... ونساوى الحرف كمان بالمعلقة...

طريقة الكراميل::

حط فى حلة استانليس السكر ونحط مع السكر ربع كوب مية ونقلب السكر باستمرار ونحط كام نقطة عصير ليمون.... نقلب تانى لحد مالسكر يوصل لمرحلة اللون البنى... اشيله من على النار واحط باقى الميه نقطة نقطة وأقلب ..... وحسبى على ايديكى لحسن تتلسعى.....ويكون قوام الكراميل مش خيف ولا تقيل( لانه لو خفيف العثمانلية حتكون مش ماسكة نفسها ولو تقيل هاتشد فى سنانك)

واحط الكراميل بتاعى بالمعلقة دواير دواير وهو سخن على العثمانلية لحد ما أغطيها كلها بس بمجرد ماتشرب الكراميل ويكون شكله باين على سطح الكنافة انها عليا لون الكراميل ......مش باسقيها زى الكنافة العادية لحد ماتتغرق بالشربات........واسيبها حوالى نص ساعة تبرد واشوف لو دوست عليها بالمعلقة واتحركت من مكانها بخلى الكرميل شوية كمان عشان يتقل ... ولو جمدت اوى بخفف الكرميل بملعقة او اتنين ميه سخنه...وبعدين برص المكسرات والفاكهة المجففة وارش بالمعلقة مرةتانية شوية كراميل عشان المكسرات تمسك فى الكنافة ماتقعش.....وبس كدة .... بحط جنبها قشطة او كريم شانتيه
والف هنا

زائر

جميل جدا انا عايز حته بقي اكلها يا نورهان بجد انتي شوقتيني اكل الطبق ده

شكرا علي مجهودك الرائع اللي جوعني ده

بالف هنا دودي
لما انزل مصر ابقي اعزمك باذن الله

زائر

ياااااااااه يا نورهان انا لسه هستني لحد ما تنزلي هفضل كل ده جعان

زائر

تسلم الأيادي يا نورا
و ألف سلامة عليكي حبيبتي.

» حلويات بالصور
» حلويات رمضانيهــ
» حلويات جزائرية
» حلويات شرقية و عربية منوعة
» موسوعه حلويات اسامه السيد