ياستى ارحمينى عايز اذاكر

[ندعوك للتسجيل في المنتدى أو التعريف بنفسك لمعاينة هذه الصورة]

********.
الله أكبر الله أكبر ..(أذان الظهر)..

ــــ يارب.. يارب بحق ده الآدان تنجح يا حماده يابن ابنى
وأشوفك دكتور أد الدنيا

ياستى بس أنا فى تجارة

ــــ وماله يابنى هو يكتر على ربنا. ده ربنا قادر على كل شئ

ياستى ونعم بالله بس اللى بيطلع دكتور لازم يكون فى كلية الطب
مش التجارة

ــــ ياللا تجارة تجارة ... ومالها التجارة ... دى حتى التجارة شطارة ..
ده الله يرحمه جدك كان تاجر فى الوكالة أد الدنيا

ياستى التجارة اللى فى الوكالة حاجة واللى فى الكلية حاجة تانية

ــــ ع العموم شد حيلك انت وانا أخلى جدك يخدك معاه الوكاله عشان تتدردح وتتودك فى السوق

جدى إيه اللى هايخدنى معاه ده جدى مات من زمان ياستى

ــــ يامصيبتى عبد الواحد مات .. ياحبيبى ياأخويا .. مكنش يومك ياسبعى

ياستى ده مات من تلاتين سنة

ــــ تلتين سنه .. ده العمر بيجرى ياولاد تصدق ولا حسيت بيهم ياللا أهو غار فى داهيه قطع وقطعت سيرته .. ده كان بخل الدنيا فيه .. ان ما عمره دخل عليه ببطيخة ولاكيس جوافة

ياستى حرااام عليكى عايز أذاكر بقى

ــــ يوه .. وأنا ماسكاك ياوله .. ذاكر ... ذاكرعشان ربنا يكرمك وتنجح وتاخد الدبلون

** ياستى دبلون إيه .. اسمه البكالوريوس

ـــــ انت بتضحك عليه ياوله .. اسمه الدبلون .. الواد ابن فايزة جدع زيك كده فى مدرسة التجارة وخد الدبلون

خلاص دبلوم دبلوم ياستى .. سيبينى بقى عشان أذاكر

ــــ ذاكر .. ذاكر يا أخويا ذاكر ... تعرف ياواد ..ندرن عليا يوم ماتنجح لأكون رايحه خاطبالك عبير بنت رئيسه دى ايه ياواد ..
أدب وأخلاق .. وعلام كمان

ياستى عبير دى معاها اعدادية

ــــ وماله يابنى ... الراجل مايعبهوش إلا جيبه

** راجل ... راجل مين ياستى ... عبير دى بنت

ـــــ عبير ... عبير مين ياوله .. انت بتعرف بنات من ورانا

** لا إله إلا الله أبوس رجلك ياستى أرحمينى بقه

ـــــ طب ذاكر ذاكر جتك نيله وانت طالع براوى كده زى أمكقطعت وقطعت سيرتها...أنامش عارفه أبوك كان اتجوزها على إيه .. حكم ... قال لبس البوصة تبقى عروسة .. بس والله لأكون مبوظه الخطوبة دى ومجوزاه أنيسة بنت أختى

** ياستى خطوبة إيه .. أبويا متجوز أمى من خمسة وعشرين سنة
وبعدين أنيسة دى بنت أخوك مش بنت أختك .. وأساسا إنتى ملكيش إخوات بنات

ـــــ صحيح ياوله .. انت عندك حق أنا مليش إخوات بنات .. أصلى أنا امى ماكنتش بتخلف صبيان

** حراااااام ستى ماتطلعى البلكونة شويه ... ده الهوا حلو بره ..

ـــــ لأ ياخويا فى جدع كده حليوه وشعره مسبسب فى البلكونه اللى فى الوش بيقعد يعاكسنى

** خلاص روحى المطبخ ... أهو زمان أمى خلصت الرز ..

ــــ رز ... رز إيه يابنى * هوأنا ليه سنان للرز ...
أناهطلع البلكونه أحسن ..

** طب أبقى خلى بالك م الهوى ياستى

ـــــ هوى لما يلطشك ..

[ندعوك للتسجيل في المنتدى أو التعريف بنفسك لمعاينة هذه الصورة]

الله يجازي الزهايمر

بهدل الست على اخر الزمن
بس اخرتها كده الواد حيسقط
وتكون هي السبب
محادثة رائعة بين حفيد وجدته
وباين الزمن عمل شغل جامد
مع الست يا حرام
بارك الله فيك يا نور الاسلام
[ندعوك للتسجيل في المنتدى أو التعريف بنفسك لمعاينة هذه الصورة]

زائر

ههههههههههههههههههه

ده فاقدة الزمن كله .
ادي اخرتها ....
تسلم ايدك نور الإسلام ... جميلة جدا.

[ندعوك للتسجيل في المنتدى أو التعريف بنفسك لمعاينة هذه الصورة]

الشرقاوي2010 كتب:: الله يجازي الزهايمر

بهدل الست على اخر الزمن
بس اخرتها كده الواد حيسقط
وتكون هي السبب
محادثة رائعة بين حفيد وجدته
وباين الزمن عمل شغل جامد
مع الست يا حرام
بارك الله فيك يا نور الاسلام
[ندعوك للتسجيل في المنتدى أو التعريف بنفسك لمعاينة هذه الصورة]

بصراحه انا اتمنى ان يسقط
ويمسك جدته ده يحدفها من البلكونه
وتبقى تشم هوا براحتها
سلمت استاذ الشرقاوى لمرورك
دمت بكل خير
[ندعوك للتسجيل في المنتدى أو التعريف بنفسك لمعاينة هذه الصورة]

نـبــض القـلــوب كتب:: ههههههههههههههههههه

ده فاقدة الزمن كله .
ادي اخرتها ....
تسلم ايدك نور الإسلام ... جميلة جدا.

[ندعوك للتسجيل في المنتدى أو التعريف بنفسك لمعاينة هذه الصورة]

ده مش فقده الزمن بس
ده مده صلاحيتها انتهت
سلمتى لمرورك نبض القلوب
دمتى بكل خير
[ندعوك للتسجيل في المنتدى أو التعريف بنفسك لمعاينة هذه الصورة]

هههههههههه الست دى مملة اوى انا اتخنقت منها ههههههه

تسلم ايديك نور الاسلام

ruby_butterfly كتب:: هههههههههه الست دى مملة اوى انا اتخنقت منها ههههههه

تسلم ايديك نور الاسلام

ليه كده ظلمتيها يا روبى
حد يلاقى ست زى ده
هتخلينا دكاتره بتجارة
وهتشغلنا فى الوكاله
زى المرحوم هههه
سلمتى لمرورك روبى
دمتى بكل خير
[ندعوك للتسجيل في المنتدى أو التعريف بنفسك لمعاينة هذه الصورة]

» لو عايز تحرق دم أي بنت أدخل وشوف
» عايز جواباتك
» راجل عايز ينتحر
» نكت منوعة للى عايز يضحك من القلب ...
» عايز تكسب فلوس من الانترنت ؟