ايتها الام احذرى من المجهول

ازيكم يا كل الامهات واللى انا واحده منكم انا جايه انهارده احذركم من حاجه كلنا اتربينا عليها وامهاتنا نفسهم اتربوا عليها ولكنها للاسف تربينا على شئ اقل ما يقال عنه انه جهل نعم جهل عايزين تعرفوا ايه هو تعالوا نشوف

نام يا حبيبى علشان اللى مش بينام حيطلعله ابو رجل مسلوخه وابو عبن وعبن والجنيه المسحوره والشمامه حتيجى تشم بقك وانت نايم ايه رايكم؟ ده كلام ينفع ؟ احنا يا جماعه لما بنقول لولادنا كده بنعلمهم بكل بساطه الخوف من المجهول والجبن لان ابو رجل وابو عين والناس دى مش موجوده فى الحقيقه ولا بيشوفها الابن فبيقعد يتخيلها على هواه وبيتولد عنده خوف من المجهول كل حاجه حواليه بيفتكرها ابو رجل مسلوخه واحنا بننبسط اوى لما بنلاقيهم بيخافوا بالعكس احنا كده بندمرهم وبنربيهم على الجبن .
طيب تخيلوا كده وام بتقول لابنها اللى عنده 3 سنين : اغسل بقك كويس قبل ما تنام علشان الشمامه حتيجى تشمك باليل!!! تخيلوا بالله عليكم مين حيجيلوا نوم بعد اللى سمعه ده وحيقعد ياعينى مستنى تحت البطانيه علشان خايف من المجهول اللى اسمه الشمامه ده انا بسنى ده والله لو حد قالى الشمامه هانم حتيجى تزورك باليل والله العظيم ما انا نايمه من الرعب !! مابالك بطفل عنده 3 سنين
انا كل اللى حبيت اقوله جميل اوى انك تربى ابنك والخوف مطلوب لكن بعقل خوفيه من حاجات شايفها بعينه مثلا قوليله اللى مش بياكل البوبى حياكله او القطه حتخربشه لانه شايف الكلب والقطه دول عاملين ازاى فخياله مش حيسرح بعيد بقى ويتخيل وبلاش كمان موضوع الضلمه والعفاريت بالله عليكم متجبيش سيرت العفاريت دول خالص بلاش افلام الرعب الامريكيه اللى اتربينا فيها دى
وفى النهايه يارب يكون الموضوع دخل دماغ كل ام كده وربنا يهدى ويبعد عننا ام الشعور وابو رجل مسلوخه ( هى رجليه اتسلخت ازاى) وقع فى حله شوربه [ندعوك للتسجيل في المنتدى أو التعريف بنفسك لمعاينة هذه الصورة]
يلا اشوفكم على خير بقى لحسن الشمامه جايالى دلوقتى مع تحيات نورهان

زائر

هههههههههههههههههههههههههههههههههههه

و الله ضحكتيني من قلبي يا نورهان.
هو لسه فيه امهات بتفكر التفكير السيء ده.
خلاص احنا وصلنا لعصر دراكولا مش
ابو رجل مسلوخه ... هههههههه
لأ بجد فعلا الأم اللي بتعمل كده
تخطيء في حق أولادها بدون ما تدري
لأنها بدلا من تكوين شخصية لديه
تنشئه علي الجبن.
تسلم ايدك يا قمر علي مواضيعك.

والله لسه فيه امهات كده يا نبض القلوب ربنا يهديهم ويبعد عننا ابو رجل مسلوخه شكرا لمرورك الجميل

نعم هناك فى بعض المناطق الريفيه والشعبيه يحدث هذا الكلام الجاهل

وهذا تواصل جهل الاجايل
اعان الله كل ام على تربيه اولادها على تعاليم الدين وجعل الله اولادكم من الصالحين
شكرا نورهان لطرحك الجميل

فعلا نور الاسلام ده جهل من بعض الناس نورت الموضوع بردك الجميل ده

» احذرى اشياء قد تسىء الى شكلك
» الام الجسم
» دور الام فى تربية الطفل المسلم
» هيا بنا نتعلم صيانة اللوحه الام من الالف إلي الياء