محدش يقول مساواه حتعاندوا ربنا ولا ايه؟؟

انا اصريت انى اكتب الموضوع ده فى مملكه ادم علشان اوفيه حقه اللى لازم كل مرأه تعترف بيه وعايزه كمان ارفع شعار ( لا للمساواه بين الرجل والمرأه) فعلا يعنى ايه مساواه والتخلف العقلى اللى بتنادى بيه ستات الزمن ده؟ الست عمرها ما حتكون زى الراجل وده ميقللش من شأنها حاجه لا ابدا هى ليها مهام ربنا خلقها ليها والراجل ليه مهام بس اصعب علشان كده هما قوامين علينا نيجى احنا بقى نعاند ربنا ونقوله لا الست زى الراجل والله ده حرام اللى بتقول انها زى الراجل دى ومساواه وكلام فاضى طيب تقدرى يا حلوه يا جميله تدخلى الجييييييييييش؟؟؟ بلاش دى تقدرى يا بطه انتى تشتغلى فى مناجم ولا صحراء ولا عامله بناء ولا ترصفى شوارع فى عز الحر ؟؟؟؟ ايه سكتى ليه يا بيضه طيب لما متقدريش بتعاندى وتكابرى ليييييه [ندعوك للتسجيل في المنتدى أو التعريف بنفسك لمعاينة هذه الصورة] ليه بنعتبر ان سيطره الراجل على مراته اهانه وانها لازم تدخل حرب دايما معاه بالعكس الست دايما بتبقى محتاجه للراجل لانه سندها فى الدنيا ولانها اضعف منه وده مش عيب بالعكس دى انوووووثه ياحلوه انتى وهى ليه تخسرى انوثتك وتتخنى صوتك وتعملى راسك براسه واول ما تشوفى برص ولا فار فى البيت يغما عليكى وتجرى تندهى لراجل يقتله ؟ الله مهو انتى راجل بقى متشيلى كل المهام بتاعته مهما كانت صعبه يا ستات يا حلوات انتبهوا كويس دى خطه تدميريه من الغرب اللعين عايزين يبوظوا عقول ستاتنا اللى كانوا زمان فى قمه العظمه زى امى وامك الناس الجميله دى اللى عاشت وماتت تحت رجل جوزها وتحت امره ولم يقلل من شأنهم شئ . فوقوا لنفسكم وكل واحده تروح تبوس ايدين جوزها ورجليه كمان مش كفايه انه سترك واتجوزك وعملك ام ؟ ولا انتى كنتى حتبقى ام من غيره؟ دى لوحدها كفيله انك تخضعي ليه وتحترميه لانه خلاكى ام وعيشك احسن عيشه حتى لو كانت فقيره مهو فيه بنات لحد دلوقتى مش لاقيين ضفدع حتى يتجوزوه مش نحمد ربنا بقى ؟ طبعا انتوا مستغربين ان فيه ست هى اللى كتبت الكلام ده لا متستغربوش لانى ست بحب زوجى جدا وبوقره وببوس ايده ورجله قدام الناس كمان . انا ست طبيعيه من اللى ربنا خلاقهم ستات وانا عايشه بنفذ امر ربنا انى ست انتى لو مش عاجبك انك تكونى ست روحى اقلبى راجل احسنلك وخليكى صاحبه بدل مراته

انا عارفه ان بعد اللى انا كتبته ده الستات حيستنونى تحت بيتى بالشباشب [ندعوك للتسجيل في المنتدى أو التعريف بنفسك لمعاينة هذه الصورة]

الحمد لله

كلمة حق

وأخيـــــــــــــــــــــــرا

وشهــــــــــــــــــــد
شاهـــــــــــــــــــــد
مـــــــــــــــــــــــن
أهلهــــــــــــــــــــا

طبعا يا استاذ مجدى لازم اشهد بالحق انا مش عاجبنى حال الستات فى الزمن ده ربنا يهدى

والله أنا خايف من الكلام دة
قلبى مش مطمن
مش عارف ليه؟

ههههههههههههههههههههههههههههههههههههههههههههه لا والله اطمن مش كل الستات زى بعضهم لسه فى خير فى ستاتنا الحمد لله اطمئن

يارب
يعدى النهاردة على خير

مش عارف
دا حلم
والا
علم

والله علم يا استاذنا الغالى صدق والله لسه فيه خير الحمد لله

زائر

صح الصح الصح يا نورهان.

لا يمكن أن تتساوي أبدا أمرأة برجل
و لكن هذا لا يقلل من شأنها.
تسلم ايدك علي السطور الحلوة ده .

تسلميلى يا نبض القلوب وهذا يدل انك ست محترمه جداااااا وزوجه مثاليه لان مفيش ست بتأيد الرأى ده الا وان كانت زوجه مثاليه جدا بارك الله فيكى

زائر

ربنا يكرمك يا نورهان علي الكلام الحلو ده .

ربنا يديمها علينا نعمه ... أمين

يا سلام ع الست لما تستخدم عقلها من خلال دينها

وتتبع قال الله وقال الرسول
شكرا لك نورهان على موضوعك وياريت
الاغلبية بلاش الكل تمشى ع النهج ده
حتى تريح وتستريح
مش قلت لك يا استاذ مجدي
الدنيا لسه بخير
واهه اختنا نبض موافقة على كلام نورهان

زائر

و الله أخي الفاضل الشرقاوي

موافقة طبعااااا و زوجي علي راسي من فوق
وكيف لا أوافق و هذا كلام الخالق.
شكرا لك .

شكرا لحضرتك جدا الاخ الفاضل الشرقاوى وسعيده بتشريفك لموضوعى بالرد عليه ويارب يهدى كل زوجه وكل بنت وكل الناس اجمعين الى ما امر به ربنا عز وجل

وأنا بأقول
اللهم أجعلة خيرا
ويارب أسترها
ويارب رحمتك واسعة

» نكت بايخة محدش يقراااااااااااااها
» محدش يقدر يتكلم............!
» اسئل سؤال غبي والي بعدك يجاوب جواب اغبى.
» خمسة فرفشة محدش واخد منها حاجة
» ماذا تحب المراة ان يقول لها زوجها