القائمة السوداء لعام 2008 مائة وأكثر

هذا الموضوع شائك جدا لما يحوية من معلومات خطيرة وأسماء رنانة
هذا الموضوع ليس من خيالى وليس من نسج الخيال
هذا الموضوع هو نتاج البحث على الشبكة لمدة أكثر من شهر
هذا الموضوع هو أكثر الموضوعات التى بزلت فيها جهدا كبيرا من أجل البحث والمعرفة
تطلب هذا الموضع الدخول على أكثر من مائتى موقع مصرى وعربى بل والتسجيل فيهم
من أجل الحصول على معلومة واحدة
أذن الفكرة كانت لدينا والآسماء تم أستعارتها من جميع المواقع
الموضع
فكرت أعمل أسماء أسوأ 100 شخصية مصرية وفكرت أحزف أكلم أسوأ وأغيرها بأى أسم أخر
أحترت كثيرا فى العنوان ولهذا سنعتبر الموضوع بدون عنوان
بدون عنوان هو عبارة عن شخصيات مصرية فى عام 2008 كان لها قرارات خاطئة
أثرت بالسلب على الشعب المصرى
الموضوع كان أسماء فقط ولكن كان لابد أن نوضح الآسباب
ولهذا وبأختصار شديد سنطرح أسماء 100 شخصية مصرية مع السبب لماذا هم مش الآفضل فى مصر
تحياتى وأهلا بيكم فى موضوعى الجديد والزى سيستمر لمدة 10 أيام
فى كل يوم سيتم طرح 10 أسماء من المائة
أشكركم على حسن المتابعة

1- أحمد عز
محتكر الحديد وعضو لجنة السياسات والرجل القوى فى الحزب الوطنى الديمقراطى
أعتقد أن كل المصريين مش بيحبوا أحمد عز
2- أحمد المغربى
وزير الآسكان الشعب المصرى فى زمن المغربى أما أن يعيش فى خيام أو مساكن أيلة للسقوط
أو أرتباطة بجمعيات رجال الآعمال وبيع الآراضى وحاجات كتير
3- أحمد نظيف
رئيس الحكومة والمسئول الآول والآخير عن اخطاء الحكومة المتمثلة فى الوزراء
أذن كل وزير يخطى فأن رئيس الوزراء هو المسؤل عن هذا الخطأ
4- أنس الفقى وزير الآعلام
هو أحد أفراد الحكومة واللى كل الدنيا بتقول أن التليفزيون المصرى هو الآسوأ على الآطلاق
وبصراحة كدة وبدون زعل كل المصريين بيعتبروا أن التليفزيون المصرى هو تليفزيون الحزب الوطنى
5-أحمد أبو الغيط
وزير الخارجية كلنا عرفنا وقرأنا كثيرا عن سياسة مصر الخارجية فى عهدة والتى شابها كثيرا من اللغط وأيضا فقدانالمصداقية المصرية فى كثير من البلاد لدرجة حرق العلم المصرى فى كثير من البلاد
6- أحمد بهجت
صاحب دريم وصاحب جميع أنواع التليفزيونات والفيديوهات وصاحب كل القرى الترفيهية وصاحب أكبر ناس فى الحزب الوطنى والآهم هو أحد رجال الآعمال الزين لهم باع طويل مع البنوك
7- أحمد شوبير
علشان الجو مايبقاش مشحون هناخد كل فترة واحد رياضى أو فنى وأخترنا أولا شوبير
حارس مرمى الآهلى المتسلط الوصولى الزى دخل الحزب الوطنى من أجل الوصول لآغراض مالية فأصبح عضو مجلس شعب وعضو كل حاجة فى طنطا ومصر
8- أسامة سرايا
مش كل الناس عارفينة هو بتاع جريدة الآهرام التى أنجبت من قبل أبراهيم نافع
كل الناس بتعتبرة صحفى السلطة أيضا من أجل الوصول لآهدافة الخاصة وكفاية أن جريدتة
تميل كل الميل للحكومة أى أنه يتكلم بلسان الحكومة
9-أنيس منصور
كاتب الحكومة ولا تعليق
10- أنجى على
دى بقى مزيعة على الفضائيات بصراحة أنا مكسوف أتكلم عليها بس الكلام اللى لقيته عنها فى المواقع والمنتديات ماينفعش يتكتب هنا لآننا أصحاب مبادىء وقيم

11- أمين اباظة
وزير الزراعة المفروض حضرتة أخد موعظة من اللى قبلة يوسف والى بتاع الزراعات المسرطنة
ولكنواضح أن سياسة وزارةالزراعة هى تسير على نمط واحد وخط واضح إلا وهو
لن نستغنى عن أسرائيل
12-المصيـــــــــــــــلحى
دا بقى الزعيم أو الخط طبعا تقريبا كل الشعب المصرى عايش تحت رحمة سعادتة
على مكتبة خمسمائة ملف عن مشاكل المصريين وأحد أهم هذة المشاكل
مصيبة رغيف الخبز وطوابيرها ودا كفاية والآدهى من هذا أنتظروا رفع الدعم عن رغيف الخبز
وماخفى كان أعظم
13 - حاتم الجبلى
الجبلى دا أصلا رجل أعمال وعندة مستشفى دار الفؤاد فى 6 أكتوبر دا غير الآراضى والفيلات
وهلومة جرة يعنى من الآخر بيتعامل مع طبقة معينة حضرته من أكبر رجال الآعمال فى الطب
ليه نخليه يمسك الطب بتاع الغلابة ؟ معادلة صعبة وعلى يدية سيتم ألغاء التأمين الصحى أو سيتم خصخصته يعنى هيبقى بفلوس واللى مش قادر يتعالج يموت ويريحنا
14 - أحمد الصباحى
الراجل العجوز بتاع حزب الآمة مش عارف ليه هو رئيس حزب بتاع الطربوش
عمل الحزب ملكية خاصة مؤيد على طول الخط الحزب الوطنى يعنى بيعتبر الحزب بتاعة فرع من الحزب الوطنى بأعتقد أنه من المفروض يلغى الحزب دة ويريحنا
15 - أبراهيم سعيد
دا لاعب كورة كان فى الآهلى وبعدين فى الزمالك وبعدين فى الخارج وبعدين فى الآسماعيلى
مش مهم كان فين المهم أخلاقة أيه؟
16 - أبراهيم حسن
شقيق حسام حسن فى كل حاجة فولة وأتقسمت نصين بالضبط زى مابيقول المثل
أخلاق؟ لالالالالالالالالالالالالالالالا
ماتسألنيش
17 - أحمد الفيشاوى
عارفينة؟ أعتقد لا
دا ممثل والآخ الروحى للشيخ عمرو خالد واللى ليه قضية مشهورة هى قضية النسب
أخيرا بعد كل المحاكم والدى أن أى والتحليلات أخيرا أعترف بجريمتة
18 - أيمن محمد عوض الله حجازى
والله أنا واثق جدا مافيش حد يعرف الآسم دا
هقول لكم مين
حضرتة المحامى المصرى اللى بيدافع عن أسرائيل فى قضية الغاز المصدر الى أسرائيل
أو محامى وزارة البترول أو محامى الحكومة مش هتفرق كتير
المهم حضرتة اللى بيدافع عن حق أسرائيل فى الغاز
19 - حسين مجاور
دا بتاع العمال وأمين تنظيم الحزب الوطنى يعنى وظيفتين فى وظيفة واحدة
طبعا رسميا هو رئيس أتحاد عمال مصر مع أن مفيش ولاعامل واحد فى البلد أنتخبة
لكن على الورق 17 مليون عامل أنتخبوة أزاى ماتعرفش
20 - جابر عصفور
دا كاتب فى جريدة الآهرام وما أدراك ماجريدة الآهرام

مع الاسف أسماء ليها مكانتها ...

شخصيات مشهورة في المحروسة
لكن ما تخفيه وراءها.......
؟
؟
؟
متابعون
متابعون
متابعون

21 - حبيب العادلى
وزير الداخلية والزى فى عهدة حدثت أكبر وأكثر أنتهاكات للمواطنين من الشرطة
ولم نجد أى أدانة أو رد فعل أو تصريح رسمى يدل على أى أعتزار للشعب
فعلا حدثت أنتهاكات للشرطة كثيرة والمجنى عليه دائما مظلوم
أنتهاكات الشرطة زادت عن حدها والمفروض أن الوزير هو المسؤول عن هذة الآنتهاكات
22- جمال البنا
الكاتب الآسلامى المعروف وخريج الآزهر وأشهر من أفتى فى أشياء لانريد الخوض فيها الآن
بتاع البوسة بخمسين قرش وبتاع السجاير لاتفطر فى نهار رمضان
23 - جلال الزوربا
دا بقى رجل أعمال من رجال الآعمال الآقوياء جدا جدا جدا
حضرتة فاتح مصانع ملابس جاهزة فى مدينة 15 مايو من أكبر المصانع فى الشرق الآوسط كلة
وأنتاج هذة المصانع كلة يتم تصديرة لآسرائيل بموجب أتفاقيات وقوانين مصرية
24 - حسام حسن
الآخ الشقيق لآبراهيم حسن بتاع الكورة
الآخلاق؟ لالالالالالالالالالالالالالا ماأعرفش حاجة عن أخلاقهم خالص
25 - خالد الجندى
مفتى الفضائيات الشهير أو الشيخ خالد الجندى كما يطلقون علية
مليونير طبعا من فلوسنا والا حد ليه رأى تانى؟
وربنا قال ( وَلاَ تَشْتَرُواْ بِآيَاتِي ثَمَناً قَلِيلاً وَإِيَّايَ فَاتَّقُونِ (41)
26 - رفعت السعيد
أشهر ماركسى فى مصر وأعتقد والله أعلم كان أحد أقطاب الحزب الشيوعى المصرى وهو الآن رئيس حزب التجمع وأكثر من هذا وهذا فهو الصديق الحميم جدا جدا جدا لكل القيادات الآمنية وكل المثقفين فى كل الآحزاب حتى فى حزب التجمع يعلمون هذا ويتردد هذا الكلام علنيا
27 - روبى
دى بقى حاجة يعنى ماشاء الله ( حاجة حلوة قوى )
واحدة عايزة تكون مشهورة تفتكروا عملت أيه؟
أعتقد أنها كانت بتبيع سبح قدام السيدة زينب
28 - رشيد محمد رشيد
وزير التجارة يعنى شهبندر التجار اللى فى عهدة صعود فظيع فى الآسعار وأحنا عايشين على أيه سوى على الآسعار وربنا يخلى لنا البيه بتاع الغلابة
29 - زاهى حواس
بصوا ياجماعة هو أشهر تاجر أثار فى العالم كلة
ودا بأختصار شديد والحدق يفهم
30 - تامر أمين
المذيعبتاع البيت بيتك اللى بيستضيف الوزراء وعليه القوم علشان يلمعهم
بأختصار مذيع الحكومة
31 - تامر حسنى
المطرب اللى دائما فاتح صدرة وكأن الغناء بلطجة
حضرته هرب من التجنيد معلش أصله كان خايف يدخل الجيش

متابعون
متابعون
متابعون

بدون تعليق

32- على جمعة
مفتى الديار المصرية أو أو المعين من قبل الحكومة لدار الآفتاء والزى شابة فتواة بعد القصور
ولا يجب علينا أنتقادة بصفتة رجل دين لكن للآسف وقع فى أخطاء كثيرة
ربنا يسامحة
33 - على فتح الباب
أحد أقطاب الآخوان المسلمين وعضو مجلس الشعب عن دائرة 15 مايو فى هذة الدورة البرلمانية والدورات السابقة لم يفيد أهالى دائرتة بقدر مايقوم بعمل دعاية خاصة للآخوان المسلمين فى نفس الدائرة مع أن الزين أنتخبوة البسطاء لآسف خيب أمالهم فيه
34 - عبد الرحمن خير
الآخ عبد الرحمن خير مافيش حد يعرفة من أهالى المدينة مع أنه عضو مجلس الشورى عن الدائرة والله العظيم مافيش حد يعرفة خالص فى الدائرة وعلى فكرة هو عضو حزب التجمع تخيلوا عمرة مانزل مدينة 15 مايو ولا يعرف هى فين وأخر أخبارة ميولة لقيادات الحزب الوطنى
35 - عبد الله كمال
مش كتير هيعرفوة لكن هو بتاع روز اليوسف وحاليا أحد اقطاب الحزب الوطنى واللى بيرسم علشان يكون من أعضاء لجنة السياسات ( يبقى يقابلنى ) ( علشان يحرم يغير جلدة )
36 - عبد السلام المحجوب
بتاع التنمية المحلية وماأدراك ماالتنمية المحلية بلاش نتكلم علشان حاسس أنى هغلط
37 - عمرو عبد السميع
دا بقى مزيع اللى دائما بيستضيف عبد الله كمال وبيهاجموا الشعب علشان مش بيسمع كلام الحكومة
38 - عادل أمام
عادل أمام دا ممثل لسه فاكر نفسة صغير ممكن بكرة تلاقيه بيمثل دور طالب فى سنة ثانية أعدادى أصلة نغة صغنون يعنى ولما بدأ نجمة يختفى بدا يشتغل فى السياسة عن طريق تأييد الحكومة ومهاجمة .................. والا بلاش
39 - عمرو دياب
فيه ناس بتقول عليه كلام مش كويس كتيررررررررررررر
حاليا هو مليونير من الغناء مطرب الطبقة الراقية فقط
40 - عائشة عبد الهادى
دى وزيرة القوى العاملة كانت عضوة فى النقابة وكانت أول من يهاجم الحكومة وادارة الشركة التى تعمل بها وظهرت فجأة كأحد رموز المعارضة العمالية فأرادت الحكومة أحتوائها فقامت بتعيينها وزيرة للقوى العاملة وأول مرة تظهر فى التليفزيون كانت مكسوفة قوووووووووووووووووى
دلوقتى ماشاء الله الله أكبر

32- على جمعة
مفتى الديار المصرية أو أو المعين من قبل الحكومة لدار الآفتاء والزى شابة فتواة بعد القصور
ولا يجب علينا أنتقادة بصفتة رجل دين لكن للآسف وقع فى أخطاء كثيرة
ربنا يسامحة

ده بالذات ربنا مش هيسامحه
ولا هيدخل الجنة

ومتابعة الموضوع

41 - عبد الآحد جمال الدين
دا كان وزير قبل كدة وبعد الحكومة ركنته على الرف وبعد كدة دخل أنتخابات مجلس الشعب ونجح بالتزوير وهو دلوقتى ممثل الآغلبية فى مجلس الشعب يعنى ممثل الحكومة عبد الاحد جمال الدين اللى فشل فى الرياضة
42 - عماد الجلدة
رجل أعمال سرق فلوس المصريين وهرب
توته توته خلصت الحدوتة
43 - فتحى سرور
رئيس مجلس الشعب
بيكرة المعارضة وبيحب الحكومة لآنه من الحكومة
موافقون......... موافقون
أكتر واحد فى تاريخ مصر رئيسا لمجلس الشعب
نفسى أسأل سؤال ... ياترى لو حدث مكروة لة مافيش غيرة يقدر يمسك مجلس الشعب ؟
44 - فاروق حسنى
بيقولوا عليه فنان وتربية شوارع فرنسا وسط الفنانين هو ليه مش متزوج حتى الآن
مع انه وزير الثقافة والا المفروض أن وزير الثقافة يبقى عازب ؟
45 - فيفى عبدة
راقصة مصر الآولى أشهر راقصة فى مصر وأقوى سيدة فى الحقل الرقصى
فيفى .... فيفى ....... فيفى ...... على واحدة ونصف
46 - فاروق الفيشاوى
وقف مع أبنه ضد البنت اللى أسمها هند الحناوى وقال أن أبنه أشرف واحد فى الدنيا وأبنه كان معاشر بنت اسمها هند الحناوى وأتجوزها عرفى
وهنكمل القصة بعدين
47 - حسين سالم
عارفين مين دة؟ دا الراجل اللى أشترى الغاز من مصر وباعة لآسرائل
يعنى دا السمسار بتاع الغاز لآسرائيل
48 - صفوت الشريف
كان وزير الآعلام والناس كانت بتقول عليه بيصبغ شغرة علشان يبان أنه صغير قدام الفنانات والمزيعات وهو الرجل القوى فى لجنة السياسات بالحزب وحاليا هو رئيس مجلس الشورى
49 - صلاح الغمراوى
دا كاتب وصحفى فى الآهرام
وزى ماقلنا قبل كدة ماأدراك ماجريدة الآهرام
50 - أحمد ماهر
مش دا كان وزير الخارجية؟
أعتقد له واقعة شهيرة فى القدس
عيب أقول عليها
دا كان الوزير الصامت

لو سمحت انا مش لاقي اسمي

أنتظر غدا
إن غدا لناظرة قريب
يمكن ربنا يسهل لك وتبقى وزير والآ محافظ
ومحافظ جمع محفظة وهى عبارة عن حقيبة جلدية صغيرة يوضع بها
شوية أوراق جرائد على أنها فلوس
بنضحك على النشالين

أسف لتأخرى لمدة يومين ولكن بجد غصب عنى
نستكمل حديث الآربعاء

51 - ممدوح أسماعيل
دا من سلالة رجال الآعمال بتاع العبارة السوداء ومالك للعبارات السلام وطبعا منهم السلام 98
اللى أتقتل فيها اكتر من 1000 واحد وفقد اكثر واكثر وأتخطف اكثر والآجمل فى الموضوع أنه طلع براءة
52 - مفيد فوزى
مذيع الحكومة هو مذيع خايب شوية بيمسك الناس الغلابة يهزقها وعندما يستضيف وزير أو محافظ
مش هكمل
أجمل مافى مواضيعة أنه عمل حلقة عن الحجاب وأضرارة مع أنه مسيحى والمفروض مايعملش حلقة زى دى ومش عارف الحكومة سمحت له أزاى
53 - مهدى عاكف
الآب الروحى أو المرشد العام للآخوان المسلمين فى مصر ويمكن فى كل دول العالم
طبعا له مقولة شهيرة بيشتم فيها المصريين والآدهى من كدة أنه عمل صفقة مع الحكومة وكل الجرائد بتتكلم عليها ومع هذا الحكومة دائما تنقض عهدها معاه هو كان ضد الشعب فى وقفة 6 أبريل
54 - مرتضى منصور
ياخسارة يامرتضى أنك تنتمى للسلك القضائى
أساءة للقضاء المصرى أنك واحد منهم ياخسارة
55 - مصطفى بكرى
حبيب قلبى وروحى وعقلى وحبى وحياتى ودنيتى وأحلامى ومهدى وطفولتى وشبابى ورجولتى وصباى وايامى الجميلى وأيامى السودة والبيضا وكل ايامى
طبعا أنا عارف كنت منتظرين اقول فيه كما قال مالك فى الخمر ( أصلا أنا مش عارف مين مالك ولا قال أيه )
مصطفى بكرى عضو مجلس الشعب عن دائرة 15 مايو وهو الآن مذيع فى قناه الساعة
ونسى أنه العضو بتاعنا أى والله العضو بتاعنا فى مجلس الشعب
وكفاية ليس هنا مجال الحديث عنة
56 - محمد أبو العينين
دا حضرتة من رجال الآعمال وأراد أن يطرد أهالى الجزيرة من ديارهم علشان يستولى على الآرض ويعمل عليها مشروع أستثمارى وفشلت كل محاولاتة وعندما حكم للآهالى بأسترداد أراضيهم راح وقف فى وسطهم علشان يتصور معاهم ( مسيرك ياتوم تقع فى الهون )
57 - محمود محى الدين
وزير الآستثمار اللى بيستثمر فلوس الآجانب فى شراء أرض مصر ومشروعات مصر يعنى من الآخر اللى أشترى مصر كان فى الآصل محموداوى
58 - مرسى عطا الله
الآسطى بتاع الآهرام وزى ماقلنا قبل كدة موضوع الآهرام له صفحات خاصة سنوردها بعد ذلك
59 - محمد عهدى
الآسطى بتاع الآخبار ( شرحة ) زى اللى قبلة
60 - محمد أبو الحديد
الآسطى بتاع الجمهورية ( شرحة ) زى اللى قبلة
دى سلسلة رؤساء مجالس الآدارة ورؤساء تحرير الصحف القومية اللى بتخسر

:@: الله يكون فى عونا...فى ايه تانى...الصورة بقت سوداء

azzaelgendy كتب:: :@: الله يكون فى عونا...فى ايه تانى...الصورة بقت سوداء

ولم ينتهي بعد ... تابع

فنحن متابعون بشغف

والله ياجماعة أنا فعلا قلبى بيوجعنى لما بأقرأ الحاجات دى
لكن هعمل أيه ؟
هى دى مصر
وهى دى قلة الآصل
تابعونا لباقى الآسماء

61 - أيناس الدغيدى
أقول لكم على حاجة حلوة ؟ أيناس الدغيدى كل الرجالة بلا أستثناء بتحبها لآنها مخرجة أفلام أباحية ولقطات ممنوعة وصور أنما أيه؟ ( قشطة ) للرجالة بس إنما بالنسبة للحريم بيعتبروها مجرمة حرب
62 - عصام الحضرى
أعتبرة كل الآهلاوية فى مصر أنه خائن أو مثال للراجل اللى ممكن يبيع بلدة علشان الفلوس
عصام دا كان الجون بتاع النادى الآهلى ( من دمياط ) زى ال .....
63 - عمرو موسى
نجمة أختفى هذا العام من يوم مامسك الجامعة العربية تحس أنه شغال عن شوية العرب الجرب
كان أكرم له يسيب الجامعة العربية وأنا لى رأى لازم الجامعة دى يقفلوها
64 - عمرو خالد
أحسن حاجة فيه شياكته وبس خلاص
بيتكلم عن أيه تانى؟ مش عارف
لكن عمرة ماشفته بيتكلم الفقراء والمساكين والمعزبين والمطحونين ولا بيتكلم عن الحكومة ولا التعذيب ولا حرقة الدم اللى بيشوفها المصريين كل يوم
أعتقد بيجمع 100 شاب و100 فتاة ويقول لك نعمل مشروع صناع الحياة ( أنا مش فاهم حاجة ) ياترى صناع الحياه دة أطعم كام أسرة ولا كام مسجون ولا كام طفل من أطفال الشوارع ولا ..............
65 - محسن الجلاد
دا بقى بيكرهه مصر من زمان وبيكرهه عبد الناصر والسادات وحسنى وبيكرهه نفسة
بيحب مين؟ بيحب الملك ونفسة الآنجليز يحتلوا مصر تانى
عارفين ليه؟ نفسة الآحتلال يغتصب سيدات مصر تخيلوا ؟ على فكرة الجدع دة بيقولوا عليه مؤلف كتب وكاتب
66 - طلعت مصطفى
أحد رجال الآعمال فى مصر وصاحب مجموعة طلعت مصطفى
وصاحب أشهر قضية قتل هذا العام
الفلوس تعمل أكتر من كدة
67 - طارق كامل
وزير الآتصالات والتصنت
والذى أتعرف رسميا بأنه يتصنت على مكالمات المصريين
واللى مش عاجبة مايتكلمش فى التليفون
وصاحب أسوا شبكة نت على مستوى العالم
68 - محمد عبد العال
دا ياحضرات رئيس حزب فى مصر أسمة حزب العدالة بياخد دعم من الحكومة
وأنا كمان ناوى أعمل حزب وأخد دعم وأعمل بيه كشك سجاير
69 - محمد على إبراهيم
رئيس تحرير الجمهورية
مش لاقى مثل ينطبق عليك حظك حلو الآمثال غابت عنى دلوقتى
70 - محمد فريد خميس
رااااااااااااااااااااااااااااجل وأبن رااااااجل أعمال الدوسية بتاعه أسود ومنيل طبعا كلنا عارفين قضية رشوة القضاه
يعنى هو جاب حاجة جديدة كل رجال الآعمال بيعملوا كدة وسيدات الآعمال وأطفال الآعمال وأطفال شوارع الآعمال ورقاصين الآعمال وتجارة مخدرات الآعمال ورجال دعارة الآعمال
وأنتظرونى
تحياتى

محمد حسين يعقوب

محمد حسان ؟ ؟ ؟ ؟

ممكن تفسير منطقي

الآخت الفاضلة / جنة
محمد حسين يعقوب
محمد حسان
سأقوم بالرد على أى سؤال بعد أستكمال القائمة
وأشكر حضرتك جدا على المتابعة

اتق الله يا أستاذ مجدي ولا تلمز علمائنا الأفاضل فمن أنت حتى تلمزهم وهذان العالمان كالنجمان لن يضرهما نباح الكلاب.ولا تكن يا استاذ مجدي من المنافقين الذين لايريدون الهداية للناس

الاستاذ مجدى انا معاك فى كثير من الاسماء الا محمد حسان
راجل على الاقل بيعرف الناس دينهم
حتى لو بفلوسنا ممكن يكون ربنا جعلة سبب لهداية ناس كثير
ايضا محمد حسين يعقوب
نعم هو غنى ولكن الله اعلم بالناس

ربنا يولى من يصلح لنا ديننا ودنيانا

أعتقد أنا ممكن أكون بأحب المحشى أو الملوخية
وممكن غيرى لايحب الملوخية
لكل منا أزواقة
ولكل منا أختياراته وزى مابيقولوا صوابعك مش زى بعضها
وأحنا متفقين على أننا يجب أن بكون لكل منا رأيه الخاص
وليس شرطا أن نتفق على رأى واحد
لاتغضبوا
وحتى أقول لكم من هو أفضل داعية أستمعت له فى حياتى
والآسباب كثيرة جدا جدا جدا
من كل النواحى فى الدنيا
أعتقد أن مصر ولا الدول العربية لن تنجب داعية أسلامى مثل
الشيخ كشك رحمة الله
فقد تأثرت به كثيرا
وسمعت له أكثر من 2000 خطبة
وللحديث بقية أن كان فى العمر بقية
ونكمل باقى السلسلة

الآخ محمد أبراهيم
وصفنى أو وصف كتاباتى بنباح الكلاب
بأشكرة جدا

71- أسامة الباز
أعتقد أنه أن الآوان لاعتزالة السياسة خلاص
بس أعتقد ممكن نستفيد من كتابه قصة حياتة
72 - محمد أبراهيم سليمان
دا كان وزير الآسكان السابق
وحاليا هيدخل السجن قريبا وسيتم محاكمتة
73 - مصطفى الفقى
رئيس لجنة العلاقات الخارجية بمجلس الشعب
74 - معتز الدمرداش
المذيع على الفضائيات أبن السيدة كريمة مختار ونور الدمرداش المخرج
أستقطبته الحكومة ليدافع عنها أخيرا
75 - مدحت بركات
رجل أعمال من جيل رجال الآعمال أعمل بحث على جوجل بأسمة وشوف النتيجة
76 - محسن السكرى
دا ضابط من أمن الدولة وقصته معروفة مع طلعت مصطفى
77 - نبيل لوقا بباوى
أول مسيحى ماتعرفش مع مين بالضبط المهم أنه مع الحكومة وخلاص
78 - نجيب ساويرس
أسمه لوحدة كفاية
79 - سمير زاهر
تخيلوا الراجل دة ماعندهوش صحيفة الحالة الجنائية
عارفين ليه؟
لآنه لو طلبها هتكون مليانة
80 - سامح فهمى
التاريخ هيزكرة بأنه الوزير اللى باع الغاز لآسرائيل

» برامج شهر 5 لعام 2008
» ديكورات غريبة لعام 2008
» اجمد نكته لعام 2008
» اضخم موسوعة لبرامج البورتابل لعام 2008
» اضخم موسوعة لبرامج البورتابل لعام 2008 الجزء 7