الانسان فى مصر اصلة كلب

[ندعوك للتسجيل في المنتدى أو التعريف بنفسك لمعاينة هذا الرابط]

طبعا كل الناس اتفرجت قبل كده على افلام امريكاني
لما حد بيحصله حاجة بيجي متصل ب 911 و تلاقي الاسعاف ولا المطافي ولا الشرطة موجودة في ثواني
وانا الحمدلله عمري ماتحطيت في موقف يطرني اني اتصل بالطوارئ في مصر
بس اللي حصل الاسبوع اللي فات خلاني اكلمهم
كنت مسافر طنطا و حصلت حادثة قدامي
فاتصلت ب 122 و ده رقم النجدة
بعد ما قعد يرن كتير الخط اتفتح
مافيش بقه حد رد عليه
دول حطوني على الانتظار و شغلولي مزيكا هادية
تخيلوا واحد مثلا تحت انقاض عمارة ولا واحدة مخطوفة ولا جريمة قتل بتحصل
والشخص اللي عايز نجدة ده يحطوه على الانتطار و يشغلولوا مزيكا
اصله متصل يطلب اكل ولا حاجة ساقعة
و كمان عند الوقت الكافي انه يستنى
متنهى المهزلة
المهم واحد رد عليا
فاقلتله لو سمحت فيه حادثة حصلت على كوبري بنها و فيه عربية مقلوبة
ام قالي اسمك ايه ... ؟ فا قلتله
كان رده عليا
انا مليش دعوة كلم الاسعاف و قفل السكة
انا ماستوعبتش اللي حصل
بس مافكرتش كتير
اتصلت ب 123 الاسعاف
حد ممكن يفهمني ليه كل حاجة في الطوارئ في مصر ليها رقم مش رقم واحد ليهم كلهم زي كل الدنيا
و اتحدى ان حد اصلا في الشارع عارف الارقام دي
المهم قام واحد رد عليا
قلتله لو سمحت فيه حادث حصلت و عايزين عربية اسعاف
قالي اسمك ايه ....؟ قلتله
قالي فين الحادثة؟ قلتله على طريق مصر اسكندرية الزراعي على كوبري بنها اللي فوق النيل
قالي فين ده
قلتله انت كلم بنها و هم هايعرفه
قالي ماينفعش لازم اعرف فين
قلتله ماهو ده طريق سريع و ده العنوان الوحيد فوق كوبري بنها
قالي ماليش دعوة كلم الجيزة و جه قافل السكة في وشي
سيبكم من كلمة ماليش دعوة اللي الاتنين قالوهالي و جايبة البلد ورا
ممكن اعرف اكلم الجيزة ليه و انا في بنها؟
طب اكلم مين في الجيزة؟؟؟
طب اكلمهم على رقم كام؟؟؟
فكرني بواحد صاحبي كان مسطول على طول
كان مثلا يكلمنا و يقولي
ايوة يا محمد .. انا مستنيك عند الصيدلية و يجي قافل
طب صيدلية ايه ولا الساعة كام
اهو اي كلام
ومن هذا الدرس ايها السادة نتعلم شئ واحد فقط

ان داروين لما قال ان الانسان اصله قرد كان غلطان

لان الانسان في مصر اصله كلب
ان الانسان و الكلاب حاجة واحدة في مصر
ليس له اهمية
يقتل كل يوم على الطريق زيه زي اي كلب
بلا اي اهتمام

منتهى الجمال من المسؤلين عن حياتنا في مصر

كلب زي اي كلب

[ندعوك للتسجيل في المنتدى أو التعريف بنفسك لمعاينة هذا الرابط]

صدقنى الكلاب بقت احسن مننا احنا بقينا اقل من الكلاب على الاقل لما الكلب بيفيض بيه بيثور وبيغضب لكن احنا من الجوع مبقيتاش قادرين حتى نتنفس مش نغضب وحسبنا الله ونعم الوكيل

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

شكرااا على الموضوع

حسبنا الله ونعم الوكيل

وتقبلووو مرورى

[ندعوك للتسجيل في المنتدى أو التعريف بنفسك لمعاينة هذه الصورة]

زائر

حسبى الله ونعم الوكيل

حصلت

حالنا يوصل للدرجة دى

حتى الروتين وصل فى حياة اوموت

انسان

بجد انا مش عارف اقول اية

حاسس انى مشلول

بس يلا مامش مهم

ماهو البركة فى الباقى

على العمومااهو كلب وراح

دا الكلام دة عند الحكومة

بشكرك

مع تحياتى.........................

شكرا على مروركم