ادخل و قول لنا

طيب كان المفروض السؤال
ايه الى مش بيستفزك؟؟؟؟؟
فى الفترة الاخيرة الشعب المصرى كله كان بيستفزنى ههههه
طبعا فى فترة الامتحانات
عموما هفكر وارد تانى

[ندعوك للتسجيل في المنتدى أو التعريف بنفسك لمعاينة هذه الصورة]

هناك اشياء كثيره منها
1_ المواصلات وعدم وضع رقيب فى المواقف
2_ امناء الشرطه اتمنى ان تمحى هذه الفئه او يتم تدريبهم على كيفيه التعامل مع الاشخاص وعمل برامج ودورات لهم وتثقيفهم
3_ كلمه باشا وبيه
المهندس لما يتخرج بيتاقله يا باشمهندس والدكتور لما يتخرج بيتاقله يا دكتور والمدرس لما يتخرج بيتقاله يا استاذ وطبعا تعلمنا فى صغرنا ان نحترم كل من يكبرنا سناً بأن نوقره ونقول له يا استاذ او استاذه او على حسب وظيفته
حين اسمع شخص يقول لضابط شرطه يا باشا او بيه اثار من داخلى لاننا اسقطنا وثرنا على زمن البهويه والبشويه اللى كانوا طبعا بياخدوا الالقاب دى من السرايا والملك قبل الثوره طبعا مش عارف هو الملك رجعت ايامه تانى ولا ايه لم ولن اقولها لى ضابط ومن حسن حظى ان كل من عاملتهم منهم وقلت له استاذ فلان كان يتعجب ولكن كنت اشاهد فى عينيه استغراب ودهشه مع حذر شديد
4_ المستشفيات الحكوميه بلا المستشفيات الحكوميه خلينا نقول مستشفى مايو الله يرحهما او يقومها بالسلامه احيانا فى الساعات المتاخره لا يكن امامك الا هى كنجده ولكن للاسف الداخل مفقود بس عشان ما اظلمش حد الصراحه انقذوا حياه حد عزيز عليا بس دكتور واحد اللى عمل كدا هو اتكافئ و12 فرد بين دكتور ومررض وموظف اتجازوا بسسب انهم اهملوا حتى كانت الحاله ستموت لولا تدخل هذا الطبيب . وفقدنا بداخلها اعزاء كثيرون يعنى اتمنى فيما بعد شويه اهتمام
5_ الموظفين الحكوميين
انا عاوز افهم حاجه هو مش قبل انه يتوظف وعارف ان مرتبه هيبقى ضعيف مادام قبل انه يتوظف بهذا المرتب لابد وان يؤدى الخدمه على اكمل وجهه ولا لازم بعضهم يكملوا المرتب من المواطنين بس فى ناس وناس طبعا ليس الكل سئ وليس الكل صالح
6_ الشباب اللى قاعد على المقاهى احزن كل الحزن عليهم بلا أمل بلا وظيفه بلا جدوى
7_ الوجوه اللى بنشوفها ما بتتغريش فى ناس كتيره فى البلد من ساعه ما اتولدت وانا شايفها ما اتغيرتش لسه فى مناصبهم اذا كان مهندس فى مكان ما او موظف فى مكان ما او عامل فى مكان ما او طبيب فى مكان ما او وزير فى مكان ما
بسم الله ما شاء الله اللى بيقعد على كرسى ما بيقومش من عليه الا لما يتوفاه الله وساعتها تلاقى ملايين بيتقدموا عشان يتوظفوا مكانه اياً كانت الوظيفه


يعنى دى بعض الحاجات فعلا مش مركز وانا بكتبها لكن فى اكتر واكتر ولكن الامل وحده لا يكفى والدعاء وحده لا يكفى والعمل وحده لا يكفى اسباب كثيره لابد ان توجد وتجتمع كى تتغير الحال
شكرا لكم