نوع من الحلويات من اختراعى بس حتعجبكم اوى ومفيده وخصوصا فى الشتا بتدفى جدا
المقادير
1كوب دقيق
معلقه ونص كبيره حليب بودره
ملعقه كبيره كاسترد
1 ملعقه صغيره سكر
اقل من الملعقه الكبيره بشوية خميره فوريه
ذرة ملح
1 كوب ماء دافئ
التحضير:
اخلطى كل المكونات مع بعضها واعجنيها لمده 5 او 10 دقايق لحد ما تبقى عجينه متماسكه
وبعد كده شكليها على شكل كور صغيره وبططييها لحد ما تبقى عامله زى اللقمه الصغيره
او لو عايزه اى شكل تانى طبعا ينفع
بعد كده نجيب طاسه غويطه ونحط فيها زيت غزير ونقليها لحد ما يبقى لونها ذهبى
ملحوظه هامه:
لازم الزيت يبقى غزير ومغطي العجين علشان متلزقش وتبوظ منك
بعد ما يبقى لوناه ذهبى نصفيها من الزيت ونرش على وشها عسل ابيض او سكر مطحون وناكلها مع القشطه
بالف هنا يارب تعجبكم
موضوع: حلوي اللقيمات الذهبية 
الأحد 03 يناير 2010, 5:25 am