شوربة فواكه البحر

المقادير :

ربع كيلو جمبرى مقشر ومغسول جيدا

قطعة سمك فيليه هامور او اى نوع خالية من الجلد والعظم ومقطعة مكعبات متوسطة

حبات من الجندوفلى او المحار مغسولة جيدا ومصفاه

قطعة سبيط (كلامارى) مغسولة ومقطعة

كرفس (ربع ملعقة مقطعة قطع كبيرة) - بصلة مقطعة مكعبات كبيرة نوعا ما

ملح - فلفل - كمون - توابل اسماك ان وجدت - مستكة - حبهان ( هيل (

قطعة توست محمصة - ملعقة جبن موزاريلا

الطريقة :

نضع جميع انواع الاسماك السابق ذكرها فى اناء وفوقها البصلة المقطعة وملح وفلفل

وتوابل الاسماك ان وجدت والكرفس المقطع

ثم توضع على النار حتى تنضج نصف نضج وتصفى جيدا ونحتفظ بالسائل الناتج عن تصفيتها

ثم نحضر اناء اخر ونضع فيه ملعقة زيت والمستكة والحبهان

ثم نضع الاسماك وفوقها السائل المتبقى مع اضافة بعض الماء اذا لزم الامر

تغرف فى طبق التقديم ونضع التوست على الوجه وفوقه الجبن

و بالهناء والشفاء

زائر

الله يهنيكي يا نورا

وجبة مفيدة جدا و مغذية
بس الاول كان تركيبة الاسم عندي مش راكبة ههههههههههه
شوربة و فواكه و بحر
نظام سمك لبن تمر هندي.
تسلم الأيادي.

على رأيك يا نبض سمك لبن تمرهندى هههههههههه
بس بجد وصفه حلوه ومغذيه فعلا خصوصا انى بحب الجمبرى جدا
تسلم يدك نورهان على الوصفه الحلوه دى

زائر

اتعلمي يا بحور علشان زوج المستقبل إن شاء الله

يفرح بيكي حاكم غالبا اي راجل
علشان توصلي لقلبه لازم تعدي علي معدته الأول ... هههههه

ليه بس يا سوسو
دى اكله معروفه
وفواكه البحر دى بيقولوها للجمبرى والسبيط والجندوفلى
بس لازم تجربيها دى مغذيه جدا وخصوصا لاولادك
الف هنا حبيبتى ليكى وليهم

صحيح يا بحور
اكتبى بقى الوصفات من دلوقتى علشان
اى راجل لازم حتعدى على معدته الاول فى الطريق وانتى رايحه لقلبه
بس خدى بالك من الطريق وانتى رايحه هههههههههههههههههههههههههههههههههه
الف هنا يابحور

تسلم ايدك نوهان

على فكرة الرجالة بتحب الآكلة دى

وأعتقد الناس كلها
لما لها فائدة فى الفسفور
تسلم ايدك

» فواكه آخر زمن / صور
» شوربة العدس
» شوربة الحريرة المغربية
» حوت عملاق جدا فى البحر
» صور عروسه البحر حقيقه