الكبسه السعودى بالطريقه الشبراويه

بسم الله الرحمن الرحيم
ده طريقه الكبسه السعودى زى ما اتعلمتها هنا فى السعوديه بس طبعا لازم الواحد يضيف اضافات شبراويه
اانا هنزل صور بس الخطوه دى صورتها مشعيزة تترفع قولت مش مهم
دجاجه وهنقسمها طولى لنصفين ونغسلها كويس ونعمل فيها فتحات بالسكينه ونبشر عليها جزرة وفلفل رمى وبصله ونتبلها بملح وفلفل من بليل وباقى الخطوات بالصور
[img:20e2][ندعوك للتسجيل في المنتدى أو التعريف بنفسك لمعاينة هذا الرابط][/img]

هنحط حبه زيت +ورق غار+قطعه ليمون اسود+روز مارى +قرفه حسب الرغبه +كركم+حبهان+حبه زعتر+كام مسمار او قرنفل طبعا كل التوابل دى احنا طحناها مع بعض وشيلها للكبسه وهنحمرهم شويه لغايه ما رحتهم تطلع وبعدهاهنحط الفراخ

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

طبعا الفرخ من امبارح نقعها فى خلطه عبارة عن جزرة مبشورة فلفل رومى بصل وحبه بهارات الكبسه

هنقلب الفراخ فى الزيت اللى حمرت فيه البهارات لغايه ما لون الفراخ يتغير

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

هنحط مايه ومعها مكعب مرقه الدجاج وهنشغل النار هنسلق الفراخ نص سلقه

[img:20e2][ندعوك للتسجيل في المنتدى أو التعريف بنفسك لمعاينة هذا الرابط][/img]

هنشيل الفراخ من مايه السلق وهى نص سلقه انا باكد نص سلقه

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

ودى المرقه اللى طلعت من سلق الفراخ

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

هنغسل الرز البسمتى ونصفيه كويس ونحطه فى المرقه اللى ناتجه عن سلق الفراخ وهنحط مكعب مرقه دجاج ولما الرز يغلى هنخفض عليه خالص لغايه ما يتشرب

[img:20e2][ندعوك للتسجيل في المنتدى أو التعريف بنفسك لمعاينة هذا الرابط][/img]

وده شكل الرز بعد ما اتشرب ولكنه لسه مشى استوى للاخر

[img:20e2][ندعوك للتسجيل في المنتدى أو التعريف بنفسك لمعاينة هذا الرابط][/img]

هنحط الرز فى صنيه الفرن ونغطى الصنيه بفويل ونخرم الفويل زى الصورة

[img:20e2][ندعوك للتسجيل في المنتدى أو التعريف بنفسك لمعاينة هذا الرابط][/img]

هنحط الفراخ النص سوة على الفويل المخرم

[img:20e2][ندعوك للتسجيل في المنتدى أو التعريف بنفسك لمعاينة هذا الرابط][/img]

ونغطى الفراخ بطبقه تانيه من بوفيل ونحطها فى الفرن وهنسبها ربع ساعه لغايه ما الفراخ تستوى والرز يستوى بعد كده هنشيل الفويل علشان الفراخ تتحمر

وفى نفس الوقت بكون مقطعه بصله ورشه عليها رشه ملح بسيطه ورشه دقيق واحمرهم زى الورد بتاع الكشرى وهنحطها على الوش لانى مش بحب المكسرات لو بتحبى المكسرات تحميرها وتزينى بيها الوش الكبسه

ودى الصورة النهائيه لكبستى ايه رايكم اللى مش هترد عليا وتشجعنى هزعل ومش هنزل حاجه تانى

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

وهنا بيحطو جمبها طماطم وبصل وتوم بصل اخضر وليمون وعليه زيت زيتون ملح وفلفل زى سلطه كده وبس