لشاورمة السهلة السريعة من مطبخى بالصور

لشاورمة السهلة السريعة من
مطبخى بالصور

- الطريفة دى سهلة جدا تتعمل عالواقف ومش لازم أبيت الشاورمة
فى
التتبيلة ولا حاجة وبتكون حلوة
برضه ياللا نبتدى بس قبل ما نبتدى أنا وعدتكم
بمفاجأة وهى فى الواقع 8 مفاجآت دوروا عليهم فى أخر الموضوع
ياللا نبتدى على طول:

المكونات:
بصل-فلفل-بقدونس-طماطم-شرايح فراخ أولحمة متبلة
بطريقتك-زيت
الطريقة:
- نقطع البصل والفلفل الرومى حلقات.
- نسخن
طاسة فيها شوية زيت ونشوح الفلفل والبصل ونحطهم على جنب

[ندعوك للتسجيل في المنتدى أو التعريف بنفسك لمعاينة هذه الصورة].

- نقطع
البقدونس والطماطم نقطعها مكعبات ونحرص أن تكون جامدة وإحنا بنقطعها نحرص
أن تكون خالية من البذور وأى سوايل ويمكن إستخدام السوايل دى فى تتبيل
الشاورما
- نقطع
قطع الفيليه شرائح طولية رفيعة معلهش أنا قطعتها تخينة شوية عشان كنت
مستعجلة بس إنتم ماتبقوش تعملوا زيى.
- يتم
التتبيل بطريقة بسيطة جدا باستخدام( توم مفروم-ملح-خل-بردقوش- بهارات فراخ
– بابريكا) فقط لا غير
- وبالنسبة
للحمة بنختارها لأما فلتو أو إنتركوت أو بفتيك عشان تستوى بسرعة وعلى فكرة
أنا ممكن أستخدم بفتيك مجمد وبقطعه ترانشات رفيعة عكس إتجاه الأنسجة ويمكن
إضافة لية مفرومة لو عندك والتتبيلة بسيطة جدا (توم مفروم –بهارات
لحمة-قرفة-جنزبيل –خل)
- وبعدين
نسخن طاسة فيها شوية زيت ونسخنها كويس جدا ونعلى عليها النار ولازم تكون
الطاسة واسعة عشان تستوعب قطع الفراخ أو اللحمة على سطحها ماتكونش فوق بعض
يعنى(بنستخدم الزيت فى الفراخ وما نستخدمهاش فى اللحمه عشان إحنا حاطين
لية)
- وبعدين
نرمى الفراخ أو اللحمة عليها عشان نقفل المسام لاحظى إن الفراخ أو اللحمة
ما لحقتش يكون فيها أى سوايل (نصيحتى ليكم عن تجربة إنكم لوحتغيروا فى
التتبيلة يعنى تحطوا زبادى مثلا أو ليمون وتركنوها شوية تصفوا الفراخ أو
اللحمة كويس من مية التتبيلة قبل ما ترموها فى الطاسة )
دى صورة اللحمة :

[ندعوك للتسجيل في المنتدى أو التعريف بنفسك لمعاينة هذه الصورة]

ودى صورة الفراخ:

[ندعوك للتسجيل في المنتدى أو التعريف بنفسك لمعاينة هذه الصورة]
- وبعدين
نقلب كويس لحد ما الفراخ أو اللحمة لونها تتغير ونقلب لحد ما تشرب ميتها
والله لو إستوت يكون خير وبركة مااستوتش نضيف شوية مية صغيرين أو نضيف
الجزء المتبقى من مية التتبيلة بس بحرص لأننا عايزينها تكون زى ما بنشتريها
يعنى خالية من السوايل
وبعدين نضيف البصل والفلفل
المحجوزين ونقلب
وفى الأخر نضيف البقدونس
والطماطم ونطفى النار

ودة الشكل النهائى لشاورمة الفراخ:

[ندعوك للتسجيل في المنتدى أو التعريف بنفسك لمعاينة هذه الصورة]

ودة الشكل النهائى لشاورمة اللحمة:

[ندعوك للتسجيل في المنتدى أو التعريف بنفسك لمعاينة هذه الصورة]

-
[ندعوك للتسجيل في المنتدى أو التعريف بنفسك لمعاينة هذا الرابط]

» فراخ محشيه بالخضار فى الفرن بالصور من مطبخى
» كيكة الطبقات السهلة
» دانيت بالبسكويت من مطبخى
» الجمبرى والكابوريا مشويين من مطبخى
» حلويات بالصور