اضحك معانا هنا مش هتندم

- استضافوا واحد بلدياتنا في برنامج الكاميرا في الملعب سألوه بتشجع مين قالهم المقاولين العرب
قالوله بتحب مين في المقاولين العرب قالهم الجماعة بتوع المحارة .

- بلدياتنا فتح محل جواهرجي عمل أول يوم ببلاش ..

- واحد وقع في حفرة حدفوله حبل طلع مشنوق .

- 3 بلدياتنا بيلعبوا على القهوة واحد قال كش ملك والتاني قال دبش
والثالث راح واخد الكوتشينة وماشى.

- الأمريكان والروس بيترسموا على بعض الأمريكان يقولوا احنا أول ناس طلعنا القمر
والروس يقولوا لا أحنا أول ناس طلعنا القمر واحد مصري كان واقف اضايق أوى
قالهم انتوا لما طلعتوا القمر لقيتوا إيه هناك ؟ قالوله طوب ورمل وزلط قالهم احنا اللي مطلعينه.

- واحده بتقول لجوزها عمرك ماقلتلى كلمه تحسسني إن أنا مرآتك؟ قالها إنتي طالق .
- بلدياتنا مفتاح عربيته ضاع ميكانيكي جه فتحهاله بطفاشه تاني يوم عمل نسخه من الطفاشه .
- بيسألوا واحد صعيدي بيقولوله المصري بنى الأهرامات والياباني بنى إيه قالهم بنا سونيك .

- بلدياتنا أشترى تاكسي كل لما حد يقوله تاكسي يقوله أيوه تاكسي .

- 2 بلدياتنا بيلعبوا شطرنج فواحد بيقول للثاني أنا قتلتلك الحصان
الثاني قاله طب ثانيه واحدة ... لما رجع قاله وأنا سممتلك كل بهايمك .
- بلدياتنا نزل في محطة الرمل رجله غرزت .

- مسطول بيقول لصاحبه تصدق إن بوش جاي مصر بكره قاله علي الطلاق الأهلي يغلبه 4.
- مسطول ركب العربية بتاعته ملقاش الدركسيون ولا التابلوه ولا الفتيس راح
عمل بلاغ في القسم إن العربية اتسرقت بعد شويه اتصل بالقسم قالهم الغوا
البلاغ أصل أنا كنت راكب ورا .

مرة واحد غبي ماشى فى الشارع قال يارب يااااارب احط ايدى في جيبى الاقى
10جنيه يااااارب، حط ايده في جيبه لاقاه مخروم رجع يدور عليها لتكون وقعت.

مره اتنين مجانين اتفقوا انهم يهربوا من المستشفى واحد قال للتانى لو
لاقينا السور عالى هنهده لو لاقيناه واطى هنط من فوقيه التانى قاله ماشى
راحوا مالاقوش صور خالص قالوا يخساره المهمه فشلت.

واحد غبى قوى حكموا عليه بالاعدام.. بعد ما علقوه فى المشنقه قعد يشاور
ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه....
فبص لهم وقال: ياجزم كنت هتخنق.

.اتنين مساطيل فواحد سال صاحبه الساعه كام قاله معرفش التانى قال غريبه عندى معرفش الا 5

واحد بيقول لامه الراجل ده بيبوس اختى ليه قالت اصله هيتجوزها قالها امال بابا هيتجوز الخدامه امتى"

واحد كسلان جداً ...بيقول لصاحبه : مش انا اشتغلت . قال له مبروك
اشتغلت فين ؟؟ قال له في مطبعه... اقعد علي الورق علشان ما يطرش ...

مرة واحد صعيدي قاعد كانت دماغه وجعاه من الشمس فحاطط ايده على دماغه راح
واحد تاني صعيدي معدى من جنبه قاله: مالك يابوي رد عليه وقاله: تعبان من
الشمس التاني قاله: حمدان من سوهاج .

مدرب يسأل لاعب محشش في كم مره تقدر تلف الملعب قاله في سجارتين

سكران كل مايروح على البيت يقف امام المراية ويصير يقول آه أنا كبرت كتير
وصار شعري ابيض بالصدفة يدخل عليه أبوه ويقول له كم مرة أخبرتك ان لا تقف
امام صورة جدتك وتفتكرها صورتك

بلدياتنا بيوقف تاكسي فسأله: فاضي يااسطة فقال له الأسطة: ايوة فاضي

فقال له بلدياتنا: طيب ماتيجي تقعد معايا شوية .

[ندعوك للتسجيل في المنتدى أو التعريف بنفسك لمعاينة هذه الصورة]

تسلم ايدك ياميدو متألق دائماً

زائر

هههههههههههه ... حلوين يا mido
تسلم ايدك .... شكرا لك.

جميله جدا ميدو

تسلم ايدك

الجنرال أحمد كتب:: تسلم ايدك ياميدو متألق دائماً

تسلم على مرورك

[ندعوك للتسجيل في المنتدى أو التعريف بنفسك لمعاينة هذه الصورة]

نـبــض القـلــوب كتب:: هههههههههههه ... حلوين يا mido
تسلم ايدك .... شكرا لك.

شكرا لمرورك الكريم

[ندعوك للتسجيل في المنتدى أو التعريف بنفسك لمعاينة هذه الصورة]

نـور الإسـلام كتب:: جميله جدا ميدو

تسلم ايدك

شكرا لمرورك الرقيق

[ندعوك للتسجيل في المنتدى أو التعريف بنفسك لمعاينة هذه الصورة]

» اضحك معانا
» جافا الجميلة جدا هتندم لو محملتهاش
» أغنية لحظة وداع لمحمد كمال, قنبلة و تحفة حملها مش هتندم
» اضحكلك شويه معانا
» اضحك