طلباتكم اوامر

شوربه الجمبرى العاديه
المقادير
نص كيلو جمبرى متقشر ومتوسط الحجم
بصله كبيره
طماطمايه كبيره
2 معلقه شبت 3 بقدونس 2 ملعقه كزبره
3 فصوص ثوم مفروم
معلقه صلصه طماطم
معالق صغيره من الفلفل الاسود والكركم
نص معلقه صغيره كارى
ملح

الطريقة :
نغسل الجمبرى كويس جدا ونقطع الواحده على اتنين
ونحطه فى حله على النار
ثم يضاف إلية البصل المبشور والثوم المقطع
– يقلب قليلا ثم يضاف إليه الزيت
– يقلب حتى يصفر لون البصل ثم يضاف إلية جميع البهارات المذكورة
– ثم يضاف إليه الطماطم ومعجون الطماطم – يقلب قليلا ويترك دقيقتين
– يضاف إلية الكزبرة والشبت والبقدونس
– يقلب قليلا وبعدين نحطله ميه حوالى 3/4 الحله ثم يضاف إليه الملح حسب الرغبة ويحرك من الأسفل إلى الأعلى ويترك لغايه ما يستوى الجمبرى ثم يقدم ويزين بالبقدونس والشبت وبالهناء والشفاء
******************************
شوربه الجمبرى بالخضروات

- نص كيلوا من الجمبرى متقشر


- 5 فصوص ثوم مفروم


- 4 عيدان كرفس نقطعهم
- 2 بصلة متوسطة مفروم
نص كيلو بسله

نص كيلو طماطم معصوره

- 1ملعقة كبيرة من الدقيق


معلقه صغيره خل


- ملح وفلفل أسود، حسب الرغبة


- قليل من زيت الزيتون


- عودين تلاتة من البقدونس، للتزيين



طريقة التحضير





نحط حله على النار وفيها زيت الزيتون لحد ما يسخن وبعدين نضيف الدقيق والجمبرى والبصل

وتقلّب هذه المقادير جيداً.


بعدها نحط الجزر والكرفس والبسله
ونقلب لمده 5 دقايق وبعدها نحط الطماطم

ويترك، حتى ينضج على نار هادئة.


بعد ما يستوى نحطه فى طبق وعليه قطع خبر محمصه ونرش على وشه بقدونس
الف هنا

******************************

شوربه الجمبرى بالكريمه
المقادير:
نصف كيلو جمبرى وسط مغسول ومقشر
ملعقة ثوم مفروم(صغيرة)
كوبين من الكريمة الطازجة اللبانى
فلفل ابيض وجوزة الطيب
ملعقتين بقدونس مفروم +ملعقتين زبدة+ملعقتين دقيق
قليل من عصير الليمون
ليتر ونصف ماء

الطريقة:
نضع الجمبرى فى حله عميقه ونقلبه مع الزبده لمده دقيقتين ثم نضيف الفلفل وجوزه الطيب ونقلبهم لحد ما نحس ان الجمبرى خد اللون الاحمر واستوى وبقى طري
بعدين نحط الدقيق مع التقليب ونضيف الماء بالتدريج ونسيبهم 5 دقايق
وبعدين نضيف الكريمه اللبانى مع التحريك المستمر للخليط لمده ربع ساعه وبعد كده نطفى عليه ونحط الليمون والبقدونس على وش الاطباق بعد الغرف
وبالف هنا